San Juan 6:71 - Xochapa Mixteco

⁷¹ Ta xaꞌa ra Judas Iscariote seꞌe ra Simón kua ndi̱kaꞌan ra, saa chi xiꞌin nda ítaꞌan xiꞌin ra kua ndíkaa ra ikán, ta ra ikán ku ra nditaxi ñaꞌa ndaꞌa na sáa ini xíni ra.

San Juan 6:71 Iomraidhean Croise

San Mateo 10:2

Ta ya yóꞌó ku kivi nda ikán, ra núnu̱ú ku ra Simón, ra káꞌan na xiꞌin Pedro xiꞌin ñani ra, ra Andrés, xiꞌin ra Jacobo xiꞌin ra Juan ñani ra, nda seꞌe ra Zebedeo ku uvi saa nda ikán.

San Mateo 10:4

Xiꞌin inka ra náni Simón, ra ndíkaa xiꞌin partido na náni cananeo, inka ra náni Judas Iscariote, ra ndi̱xiko vata Jesús nuu na sáa ini xíni ñaꞌa.

San Marcos 14:10

Saa ku̱u ke̱ta ra Judas Iscariote, iin ra ítaꞌan xiꞌin Jesús, ke̱e ra kuaꞌan ra nuu nda sutu naꞌnu kaꞌan ra xiꞌin nda ya ndixiko ra Jesús nuu nda.

San Juan 12:4

Saa ndi̱kaꞌan iin ra ítaꞌan xiꞌin Jesús, ra náni Judas Iscariote, seꞌe ra Simón, ra nditaxi Jesús ndaꞌa na sáa ini xíni ñaꞌa, káchi ra saa:

San Juan 13:2

Saa ku̱u ndi̱kunduꞌu Jesús kuxini ra xiꞌin nda ítaꞌan xiꞌin ra, ta xa sikaꞌán va kiti nǎꞌa ini ra Judas Iscariote seꞌe ra Simón, ya ná nditaxi ra Jesús ndaꞌa na sáa ini xíni ra.

San Juan 13:26

Saa ndi̱kuiin Jesús káꞌan ra: ―Ra sindaxin i xita vaꞌa taxi i ndaꞌa, ku ra ―káchi ra. Saa si̱ndaxin ra xita vaꞌa ta̱xi ra ndaꞌa ra Judas Iscariote, seꞌe ra Simón.

San Juan 2:2

Saa tu mií va ra ka̱na na ra kuaꞌan ra nuu viko ikán xiꞌin nda ítaꞌan xiꞌin ra.

San Juan 20:24

Ta iin ra uxi uvi xi̱taꞌan xiꞌin Jesús náni ra Tomás ta káꞌan tu na xiꞌin ra Dídimo va, ta köo ra ikán íin tá ndi̱tuvi Jesús nuu nda xi̱taꞌan xiꞌin ra.

San Juan 6:64

Sundi íyo sava ndo köo kándixa tuꞌun ya káꞌan i ―káchi Jesús xiꞌin na. Káꞌan ra saa chi nda xaꞌa vi ku̱ndaa ini ra, unku na köo kándixa ñaꞌa, ta ndá taa ku ra nditaxi ñaꞌa ndaꞌa na sáa ini xíni ra.

San Juan 6:70

Saa ndi̱kuiin Jesús káꞌan ra, káchi ra saa: ―Yeꞌe ndi̱kaxin i uxi uvi saa ndo ya kundikun ndo yeꞌe, ta iin ndóꞌo̱ ku kiti nǎꞌa ―káchi ra xiꞌin nda.

Los Hechos 2:23

Sundi tá ti̱in ndo Jesús ta xa xíni va Ndioxi unkua kundoꞌo ra, chi tá íyo ya chi̱tuni Ndioxi, saa íyo ndiꞌi ya ndo̱ꞌo ra. Ta ndóꞌo̱ xa̱ꞌni ndo ra chi ta̱xi ndo ra ndaꞌa naꞌa na väꞌa, ta̱xi ndo xa̱ꞌni ñaꞌa na Roma. Saa ndi̱xiyo yuꞌu ndo xiꞌin na, chi̱nuu na ra nuu itun cruzin ta ikán ndi̱xiꞌi ra.

Judas 1:4

Saa chi íyo sava nda xa ndi̱kee sěꞌe tañu ndo, ta xaꞌa nda ñaa kua káꞌan tuꞌun Ndioxi ya ta̱a na xinaꞌa, nda ñaa ta kuꞌun nda nuu ndiꞌi xaꞌa nda, chi süvi nda vaꞌa ku nda, yakan káꞌan nda xiꞌin ndo: “Vaꞌa ni ikan ndo tá kuꞌva kúni mií va ndo chi köo kuachi xaꞌa ya nuu Ndioxi”, káchi nda xiꞌin ndo. Chi ndíkuaa nda Tata yo Jesucristo, ra xáꞌnda chiñu nuu yo.