San Juan 6:70 - Xochapa Mixteco

⁷⁰ Saa ndi̱kuiin Jesús káꞌan ra, káchi ra saa: ―Yeꞌe ndi̱kaxin i uxi uvi saa ndo ya kundikun ndo yeꞌe, ta iin ndóꞌo̱ ku kiti nǎꞌa ―káchi ra xiꞌin nda.

San Juan 6:70 Iomraidhean Croise

San Juan 13:18

’Süvi xaꞌa ndiꞌi ndo káꞌan i, chi yeꞌe ta xa xíni va i unku ndóꞌo̱ ndi̱kaxin i. Ta ndixa xíniñuꞌu xinu nuu tuꞌun Ndioxi ya ta̱a na xinaꞌa, káchi ya saa: “Iin taa, ra xíxi xita vaꞌa xiꞌin i ku ra ndi̱kiꞌvi kuachi xiꞌin i”, káchi tuꞌun Ndioxi.

San Juan 13:2

Saa ku̱u ndi̱kunduꞌu Jesús kuxini ra xiꞌin nda ítaꞌan xiꞌin ra, ta xa sikaꞌán va kiti nǎꞌa ini ra Judas Iscariote seꞌe ra Simón, ya ná nditaxi ra Jesús ndaꞌa na sáa ini xíni ra.

San Juan 13:21

Tá ndi̱ꞌi ndi̱kaꞌan ra saa, ta xa̱á ra kúsuchi ni ini ra, ta saa ndi̱kaꞌan ra xiꞌin nda, káchi ra saa: ―Ya ndaa káꞌan i xiꞌin ndo: Iin ndóꞌo̱ ku ndo ndixiko vata yeꞌe nuu na sáa ini xíni yeꞌe ―káchi ra xiꞌin nda.

San Juan 13:27

Ta tá ndi̱kiꞌin soꞌva ra Judas ikán xita vaꞌa xi̱xi ra, ta ndikun ndi̱kiꞌvi kiti nǎꞌa nima ra. Saa ndi̱kaꞌan Jesús xiꞌin ra, káchi ra saa: ―Chiñu ya xaa súvi un, ta vaꞌa kama xaa súvi un ya ―káchi Jesús xiꞌin ra.

San Juan 15:16

Ta süvi mií ndo ndi̱kaxin yeꞌe, mií i ndi̱kaxin ndóꞌo̱. Ta ndi̱kaxin i ndóꞌo̱ ya ná ikan ndo nina ya vaꞌa. Tá íin itun kuiꞌi kána kuaꞌa ni ñaꞌa ndaꞌa saa ná koo ndo. Ndiꞌi saa ichí koo ndo tá íin kuiꞌi vaꞌa ni kúun. Tá íkan ndo saa ta vaꞌa nduku ndo ndiꞌi ya kúmani nuu ndo nuu Iva i. Ta tixin kivi yeꞌe taxi ra ya ndúku ndo nuu ra ndaꞌa ndo.

San Juan 15:19

Tá tu taꞌan na ñuu ivi yóꞌó ku ndo, ta kuꞌvi ini na kuni na ndóꞌo̱, ndikuu. Sundi ndóꞌo̱ ta süvi taꞌan na ku ndo. Chi yeꞌe ta ndi̱kaxin i ndóꞌo̱ ya ndu̱u ndo kuenta mií i. Ta xaꞌa ya ñaa kua kúndasi nuu na xíni na ndóꞌo̱.

San Juan 17:12

Tá ndi̱xiyo i ñuu ivi yóꞌó xiꞌin na ta xi̱ndaa i na ta̱xi un ndaꞌa i, xi̱ndaa i na xiꞌin ndee kúu mií kivi un. Ta nda iin na köo ndi̱kindaa na ndaꞌa i. Iindaa ra xa íyo tuꞌun xaꞌa ndiꞌi xaꞌa ku ra ndi̱ꞌi xaꞌa, saa ndi̱xinu ya káꞌan tuꞌun Ndioxi ya ta̱a na xinaꞌa.

San Juan 2:2

Saa tu mií va ra ka̱na na ra kuaꞌan ra nuu viko ikán xiꞌin nda ítaꞌan xiꞌin ra.

San Juan 20:24

Ta iin ra uxi uvi xi̱taꞌan xiꞌin Jesús náni ra Tomás ta káꞌan tu na xiꞌin ra Dídimo va, ta köo ra ikán íin tá ndi̱tuvi Jesús nuu nda xi̱taꞌan xiꞌin ra.

San Juan 6:64

Sundi íyo sava ndo köo kándixa tuꞌun ya káꞌan i ―káchi Jesús xiꞌin na. Káꞌan ra saa chi nda xaꞌa vi ku̱ndaa ini ra, unku na köo kándixa ñaꞌa, ta ndá taa ku ra nditaxi ñaꞌa ndaꞌa na sáa ini xíni ra.

San Juan 6:67

Saa ndi̱kaꞌan ra xiꞌin nda uxi uvi ikán, káchi ra saa: ―¿Án kúni tu ndóꞌo̱ va kuꞌun ndo xiꞌin na? ―káchi ra xiꞌin nda.

San Juan 6:71

Ta xaꞌa ra Judas Iscariote seꞌe ra Simón kua ndi̱kaꞌan ra, saa chi xiꞌin nda ítaꞌan xiꞌin ra kua ndíkaa ra ikán, ta ra ikán ku ra nditaxi ñaꞌa ndaꞌa na sáa ini xíni ra.

San Juan 8:44

Kiti nǎꞌa va ku iva ndo: Seꞌe ri ikán va ku ndóꞌo̱ yakan kúni ndo ikan ndo ya íkan ri ikán. Saa chi ri ikán ta nda tá xaꞌa vi xa̱á ri xáꞌni ri ndìì. Ta nda iin ichí köo íkan ri ya ndaa, ta ni köo káꞌan ri ya ndaa. Tá káꞌan ri ya siki ta ndínaꞌa ri mií ri ya saa íyo ri, ta ri ikán ku iva siꞌí ndiꞌi ya vata.

Los Hechos 1:17

Ta ra ikán ku iin ra xi̱ndikaa xiꞌin nde, iin káchi ndi̱xika nde xiꞌin Jesús, ku̱u mií ra chiñu xiꞌin nde.

Los Hechos 13:10

Ta ndi̱kaꞌan ra xiꞌin ra, káchi ra saa: ―¡Yóꞌo̱ väꞌa ku yóꞌo̱, seꞌe kiti nǎꞌa ku un yakan kúndasi un xíni un ndiꞌi ya vaꞌa! Ra vata, ra síndaꞌvi naꞌa ku un, ndiꞌi saa ichí kúni un ndikasi un ichí Ndioxi ya ndaa, ya nduu ya ichí väꞌa.

1 Timoteo 3:11

Tá kuꞌva íyo nda taa, saa xíniñuꞌu koo tu ná ñaꞌa va. Köo xíniñuꞌu ná kaꞌan vata ná xaꞌa naꞌa, ta xíniñuꞌu ná ndi̱xita ná mií ná nuu ya väꞌa, saa xíniñuꞌu ná vií xa súvi ná ndiꞌi ndá ka chiñu ya káꞌan ná, saa kua vaꞌa kandixa naꞌa ndiꞌi ya káꞌan ná xiꞌin na.

Tito 2:3

Ta kuꞌva saa sinaꞌa tu un ná kuꞌva yo ná nána chee xikuaꞌa, vií ná koo ná, ná koo ná xiꞌin ya toꞌo nuu Ndioxi. Kaꞌan xiꞌin ná, ná käꞌan vata ná xaꞌa naꞌa, ni ná küu ná ñaꞌa ndee ni kútoo koꞌo ndixi, xíniñuꞌu ná sinaꞌa ná ya vaꞌa.

1 Juan 3:8

Na köo xíin sindoo ya väꞌa, na ikan ku seꞌe kiti nǎꞌa, chi kiti nǎꞌa nda kivi xaꞌa vi i̱kan ri ya väꞌa yakan kua ki̱xi Seꞌe Ndioxi si̱ndiꞌi xaꞌa ra ya íkan ri.