San Juan 6:53 - Xochapa Mixteco

⁵³ Saa ndi̱kaꞌan Jesús xiꞌin nda, káchi ra saa: ―Ya ndaa ku tuꞌun yóꞌó: Tá tu köo xíin ndo kuxi ndo kuñu i, ni köo xíin ndo koꞌo ndo nií yeꞌe Taa ra xa̱a ñuu ivi yóꞌó, ta küchiñu ndo kutaku ndo.

San Juan 6:53 Iomraidhean Croise

San Mateo 18:3

saa ndi̱kaꞌan ra xiꞌin nda, káchi ra saa: ―Ya ndixa káꞌan i xiꞌin ndo, tá tu köo ndíko ini ndo nduu ndo tá íyo ini na vali, ta küchiñu ndo kiꞌvi ndo koo ndo nuu xáꞌnda chiñu Ndioxi.

San Mateo 5:18

Ya ndaa káꞌan i xiꞌin ndo, kivi íyo ka ndivi xiꞌin ñuu ivi yóꞌó, ta nda iin letra, ni iin punto loꞌo ndündaa nuu ley Ndioxi ya ta̱a ra Moisés. Xinu ndiꞌi ni kúu tuꞌun ra, nda iin ya ndïꞌi xaꞌa.

San Mateo 8:20

Saa ndi̱kuiin Jesús, káchi ra saa: ―Kiti ikuii ta íyo kava nuu kíxi ri, saa tu kiti sàà va, íyo chiꞌyo nuu kíxi ri, sundi yeꞌe, Taa ra xa̱a ñuu ivi yóꞌó ta köo nuu kusun i ―káchi Jesús xiꞌin ra.

San Lucas 13:3

Süvi ya ndaa kua. Nda ni mií ndo ta saa kundoꞌo tu ndóꞌo̱ va ndiꞌi xaꞌa ndo tá tu köo xíin ndo ndiko koo ini ndo xaꞌa kuachi ndo.

San Lucas 13:5

Süvi ya ndaa kua. Nda ni mií ndo, ta saa kundoꞌo ndo ndiꞌi xaꞌa ndo tá tu köo xíin ndo ndiko koo ini ndo xaꞌa kuachi ndo ―káchi Jesús xiꞌin na.

San Juan 13:8

Saa ndi̱kaꞌan ra Pedro, káchi ra saa: ―Tata, nda iin kivi täxi i ndikata un xaꞌa i ―káchi ra. Saa ndi̱kuiin Jesús, ndi̱kaꞌan ra xiꞌin ra, káchi ra saa: ―Tá tu täxi un ndikata i xaꞌa un, ta küvi koo un iin ra ítaꞌan xiꞌin i ―káchi Jesús xiꞌin ra.

San Juan 15:4

Ta xíniñuꞌu ndo kutaꞌan tuun ndo xiꞌin i, ta saa tu yeꞌe va kutaꞌan tuun i xiꞌin ndo. Tá kúu yoꞌó teꞌe itun uva küvi kana kuiꞌi nuu ya tá tu köo ítaꞌan yoꞌo teꞌe xiꞌin nu, ta saa kundoꞌo tu ndóꞌo̱ va, tá tu köo ítaꞌan tuun ndo xiꞌin i.

San Juan 3:3

Saa ndi̱kuiin Jesús káꞌan ra: ―Ya ndaa ni káꞌan i xiꞌin un, ndiꞌi na täꞌan kaku uvi, ta küchiñu na kiꞌvi na nuu xáꞌnda chiñu Ndioxi ―káchi Jesús xiꞌin ra.

San Juan 3:36

Ta ndiꞌi na kándixa Seꞌe ra, ta táku na xiꞌin Ndioxi ndiꞌi saa kivi, sundi na köo xíin kandixa Seꞌe ra ta küchiñu na kutaku na, ndiꞌi saa kivi saá ini Ndioxi kuni ñaꞌa ra ―káchi ra Juan.

San Juan 3:5

Saa ndi̱kuiin Jesús káꞌan ra, káchi ra saa: ―Ya ndaa ni káꞌan i xiꞌin un, ndiꞌi na täꞌan kaku xiꞌin tikuii ni xiꞌin Tachi I̱í Ndioxi ta küchiñu na kiꞌvi na koo na nuu xáꞌnda chiñu Ndioxi.

San Juan 6:47

Ya ndaa káꞌan i xiꞌin ndo: Ndiꞌi na kándixa yeꞌe ta xa táku na ndiꞌi saa kivi.

San Juan 6:51

Mií yeꞌe ku xita vaꞌa ya táku ya nùù nuu ndivi, ndiꞌi na xíxi xita vaꞌa yóꞌó ta nda iin ichí ndïꞌi xaꞌa na. Ta xita vaꞌa ya táxi i ndaꞌa na ku ikin kuñu i, ya soko i xaꞌa ndiꞌi na ñuu ivi yóꞌó ya kutaku na ―káchi Jesús xiꞌin na.

San Juan 6:55

Saa chi kuñu i ku ya ndixa ni ndinuꞌu ndaa kuxi naꞌa xiꞌin nií i ku rá ndinuꞌu ni ndaa vaꞌa koꞌo na.

San Juan 6:62

Tá tu saa ta, ¿unkua ndíkani ini ndo tá ná kuni ndo Yeꞌe, ra kúu Taa ra xa̱a ñuu ivi yóꞌó, ya ná ndaa i kuꞌun i nuu ndivi nuu ndi̱xiyo i yachi? ―káchi ra xiꞌin na.

1 Juan 5:12

Ndiꞌi na táku Seꞌe Ndioxi ini ta táku na xiꞌin Ndioxi. Ta ndiꞌi na köo táku Seꞌe Ndioxi ini ta küchiñu na kutaku na xiꞌin Ndioxi.

El Apocalipsis 2:17

Ndiꞌi ndóꞌo̱ íyo soꞌo ta kuni soꞌo ni ndo ya káꞌan Tachi I̱í Ndioxi xiꞌin ndo. Ndiꞌi ndóꞌo̱, na kúchiñu nuu ñaꞌa ya väꞌa, xaꞌa ya köo síndikoo na ichí i, ta taxi i xita vaꞌa ya íyo sêꞌe kuxi na, xita vaꞌa yóꞌó náni ya maná ya ke̱e nuu ndivi. Saa taxi i iin yu̱ú yaa ndaꞌa iin iin na ikán, ta nuu yu̱ú ikán kunuu kivi na ya xa̱á. Ta nda iin naꞌa kündaa ini unkua ku kivi xa̱á iin iin na, iindaa mií na kundaa ini unkua ku kivi na ya xa̱á ―káchi Tata yo Jesucristo.

El Apocalipsis 2:7

Ndiꞌi ndóꞌo̱ kándixa yeꞌe, ta kuni soꞌo ni ndo tuꞌun ya káꞌan Tachi I̱í Ndioxi xiꞌin ndo. Ndiꞌi ndóꞌo̱ na kúchiñu nuu ndee ya väꞌa, ndóꞌo̱ köo síndikoo ichí i, ta ndaꞌa ndóꞌo̱ kua taxi i kuiꞌi kaxi ndo, kiti kúun ndaꞌa itun ndíchi maꞌñu corra Ndioxi nuu luvi ni káa. Ta kuiꞌi ikán ku ri táxi ichí ndaꞌa ndo ya koo ndo ndiꞌi saa kivi ya vaxi xiꞌin Ndioxi ―káchi Jesucristo xiꞌin i.