San Juan 6:41 - Xochapa Mixteco

⁴¹ Saa xa̱á nda judío kánaꞌa nda xaꞌa Jesús, chi ndi̱kaꞌan ra: “Yeꞌe ku xita vaꞌa ya ke̱e nuu ndivi”.

San Juan 6:41 Iomraidhean Croise

San Lucas 15:2

Xaꞌa ya yóꞌó kua káꞌan nda fariseo xiꞌin nda sínaꞌa ley Ndioxi ya ta̱a ra Moisés, káꞌan nda xiꞌin taꞌan nda, káchi nda saa: ―Süvi ra vaꞌa ku ra yóꞌó. ¿Ndachu ítaꞌan ra xiꞌin na íkan ya väꞌa ta xíxi ra xiꞌin na? ―káchi nda.

San Lucas 19:7

Saa tá xi̱ni inka naꞌa ya i̱kan Jesús xiꞌin ra Zaqueo, ta ñaa xa̱á na kánaꞌa na xaꞌa ra, káchi na saa: ―¿Ndachu kua kuaꞌan ra veꞌe ra yóꞌó?, ta süvi ra vaꞌa ku ra ―káchi na.

San Lucas 5:30

Saa xi̱ni nda fariseo xiꞌin nda maestro nda sínaꞌa ley ya ta̱a ra Moisés ya xíxi Jesús xiꞌin na ikán. Ta ñaa ndi̱kaꞌan nda xiꞌin nda ítaꞌan xiꞌin ra, káchi nda saa: ―¿Ndachu xíxi ndo xiꞌin na ndíkaya xuꞌun nuu gobierno? Ta na väꞌa ku ndiꞌi na ñaa ―káchi nda.

San Juan 1:19

Soꞌva ndi̱kuiin ra Juan ra sínaꞌa naꞌa, tá ti̱ꞌvi nda naꞌnu nuu na judío na ndóo ñuu Jerusalén sava nda sutu xiꞌin sava nda levita, nda ndíso chiñu xiꞌin veꞌe ñuꞌu. Ti̱ꞌvi ñaꞌa nda kuaꞌan nda ndakan tuꞌun nda ra, káchi nda saa: ―¿Unku yóꞌo̱? ―káchi nda xiꞌin ra.

San Juan 6:33

Saa chi xita vaꞌa ya táxi Ndioxi kutaku ndo ku Taa ra xa̱a ra nuu ndo, ta táxi ra kutaku ndiꞌi na ñuu ivi ―káchi Jesús xiꞌin na.

San Juan 6:43

Saa ndi̱kaꞌan Jesús xiꞌin na, káchi ra saa: ―Xa vaꞌa, käꞌan kuachi ka ndo xaꞌa i.

San Juan 6:48

Yeꞌe ku xita vaꞌa ya táxi kutaku naꞌa.

San Juan 6:58

Ta kuñu i tá káa xita vaꞌa ya ndinuꞌu saa íyo ya, chi ki̱xi ya nuu Ndioxi. Ta ni köo ítaꞌan xita vaꞌa yóꞌó xiꞌin xita vaꞌa ya náni maná ya xi̱xi xii sikua yo, chi na ikán ta ndi̱xiꞌi ndiꞌi na. Sundi na xíxi xita vaꞌa ya ndinuꞌu ya kúu kuñu i ta kutaku na ndiꞌi saa kivi ya vaxi, nda iin kivi ndïꞌi xaꞌa na ―káchi Jesús xiꞌin na.

San Juan 6:60

Tá xi̱ni soꞌo na ndíkun sata ra ya ndi̱kaꞌan ra, ta kuaꞌa ni na ikán ndi̱kaꞌan káchi na saa: ―Uꞌvi ni va ya káꞌan ra, ¿Unku na kuchiñu vi kandixa ya káꞌan ra? ―káchi na.

San Juan 6:66

Nda kivi saa ta kuaꞌa ni na ítaꞌan xiꞌin ra ndi̱ko koo, ta köo ndi̱xika ka na xiꞌin ra.

San Juan 7:12

Ta káꞌan ni na xiꞌin taꞌan na xaꞌa Jesús, káchi na saa: “Ra vaꞌa va ku ra”, káchi na. Ta sava na káꞌan: “Süvi ra vaꞌa ku ra, ra síndaꞌvi na ñuu ku ra”, káchi na.

1 Corintios 10:10

Ni ná käꞌan kuachi yo nuu Ndioxi tá kuꞌva i̱kan xií sikua yo, xaꞌa ya ndi̱kaꞌan kuachi na ta ti̱ꞌvi Ndioxi tatun ra, ya xáꞌni ndìì, ta kuaꞌa ni naꞌa xa̱ꞌni ya.

Judas 1:16

Ta nda sínaꞌa ya vata xaꞌa tuꞌun Ndioxi ku nda káꞌan kuáchi ni, ndiꞌi saa kivi ndúku nda kuachi naꞌa ya kaꞌan nda xaꞌa na, ta ndisaa ya kúni mií nda kua íkan nda, kútai ni ini nda xíni nda mií nda ya kúni nda sixinu nda ini na, ta saa kuchiñu tava nda ya kúni nda ndaꞌa na.