San Juan 6:3 - Xochapa Mixteco

³ Saa nda̱a Jesús nuu xiki, ta ikán ndi̱kunduꞌu ra xiꞌin nda ítaꞌan xiꞌin ra.

San Juan 6:3 Iomraidhean Croise

San Mateo 14:23

Tá ndiꞌi nda̱i ra na, saa nda̱a ra nuu xiki kaꞌan ra xiꞌin Ndioxi. Ikán íyo iindaa mií ra káꞌan ra xiꞌin Ndioxi nda tá ku̱ñuu.

San Mateo 15:29

Saa ke̱e Jesús ñaꞌñu ikán, ta ndi̱xaa ra yuꞌu nduta ñûꞌu Galilea, ndi̱xaa ra nda̱a ra nuu iin xiki, saa ndi̱kunduꞌu ra.

San Mateo 5:1

Tá xi̱ni Jesús ndi̱xaa kuaꞌa ni naꞌa, saa nda̱a ra ndi̱kunduꞌu ra nuu iin xiki, ñaa ku̱yati nda ítaꞌan xiꞌin ra nuu ra, ya kuni soꞌo nda ya káꞌan ra.

San Marcos 3:13

Sindiꞌi saa ka̱na Jesús nda kúni mií ra ya kaka nda chiñu nuu ra, saa ndi̱kiꞌin ra kuaꞌan ra xiꞌin nda iku.

San Lucas 9:28

Tá ndi̱kaꞌan ra tuꞌun ikán xiꞌin na, saa ndi̱yaꞌa una kivi ta ke̱e ra kuaꞌan ra iin iku kaꞌan ra xiꞌin Ndioxi. Saa ndi̱kiꞌin ra, ra Pedro tin ra Jacobo xiꞌin inka ra Juan, kuaꞌan nda xiꞌin ra kaꞌan ra xiꞌin Ndioxi.

San Juan 6:15

Saa xi̱ni Jesús ya ndíkani ini na, xaa nduxa na xiꞌin ra nduu ra rey nuu na. Yakan vaꞌa ka ndi̱kiꞌin ra kuaꞌan iindaa mituꞌun mií ra iku.