San Juan 6:1 - Xochapa Mixteco

¹ Tá ndiꞌi ikán ta ndi̱kiꞌin Jesús kuaꞌan ra chí inka ñaꞌñu yuꞌu nduta ñûꞌu ya káꞌan na xiꞌin Galilea án Tiberias.

San Juan 6:1 Iomraidhean Croise

San Mateo 15:29

Saa ke̱e Jesús ñaꞌñu ikán, ta ndi̱xaa ra yuꞌu nduta ñûꞌu Galilea, ndi̱xaa ra nda̱a ra nuu iin xiki, saa ndi̱kunduꞌu ra.

San Mateo 4:18

Tá xíka Jesús yuꞌu nduta ñûꞌu Galilea ikán, saa xi̱ni ra uvi nda taa, iin ra náni Simón, ta káꞌan tu na xiꞌin ra Pedro va xiꞌin ra Andrés ta iin ñani uvi saa nda. Saa táan uvi saa nda ñunu nda ini nduta ñûꞌu, chi nda tíin tiaka ku nda.

San Lucas 5:1

Iin kivi ndíchi Jesús yuꞌu nduta ñûꞌu náni Genesaret, ta yáꞌa ni kuaꞌan naꞌa nuu ra ya kuni soꞌo na tuꞌun Ndioxi, ndakua iin chíndaꞌa taꞌan mií na kuaꞌan na.

San Juan 21:1

Sindiꞌi ikán ta ndi̱tuvi tuku Jesús nuu nda xi̱taꞌan xiꞌin ra, ndi̱tuvi ra nuu nda yuꞌu nduta ñûꞌu náni Tiberias. Ta soꞌva ku̱u tá ndi̱tuvi ra nuu nda.

San Juan 6:23

Saa kúu ta ndi̱xaa ka barco tun ke̱e ñuu Tiberias, ndi̱xaa nu yati yuꞌu tikuii ikán, nuu ta̱xi Jesús xita vaꞌa xi̱xi na yachi, tá ta̱xi ra tixaꞌvi ndaꞌa Ndioxi,

San Juan 7:1

Tá ndiꞌi ndi̱yaꞌa tiempo, saa xa̱á xíka Jesús ñuu ya ñúꞌu estado Galilea, ta xïin ka ra kaka ra estado Judea chi nda naꞌnu nuu na judío ta ndúku nda kaꞌni ñaꞌa nda.

San Juan 9:10

Saa ndi̱ndakan tuꞌun na ra káchi na saa: ―¿Ndachu vaꞌa ndi̱xuna nuu un xíto un vitin? ―káchi na xiꞌin ra.