San Juan 5:7 - Xochapa Mixteco

⁷ Saa ndi̱kuiin ra káꞌan ra: ―Tata, nda iin na köo chikaa yeꞌe ini ñaꞌa nuu ñúꞌu tikuii tá xáa kánda rá. Tá kúni i kiꞌvi i ta kúvai va i kiꞌvi i, ta inka na xa kíꞌvi va nuu i ―káchi ra.

San Juan 5:7 Iomraidhean Croise

San Juan 5:2

Ta yati yeꞌe ya náni yeꞌe levo ñuu Jerusalén ikán íyo iin nuu chútu tikuii, ta náni ya Betesda tuꞌun hebreo, ta ikán ndi̱xiyo uꞌun yeꞌe nama yu̱ú, ndási xiní ya ta núna xaꞌa ya.

San Juan 5:3

Ta ikán ndóo kuaꞌa ni na kúꞌvi tin na kuáa̱ xiꞌin na köo iin xaꞌa xiꞌin na küvi kanda. Vitin taan ndóo na ndátun na ya kanda tikuii ini nuu ñúꞌu rá.

San Juan 5:4

Saa chi sava kivi núu iin tatun Ndioxi síkanda ya tikuii, ta na xiꞌna kúnumi kéta ini rá ta ndikun ndúvaꞌa na xiꞌin ndiꞌi ndá ka mií nuu kueꞌe ya kúu mií na.

San Juan 5:6

Saa tá xi̱ni Jesús índuꞌu ra, ta ku̱ndaa ini ra xa naꞌa ni kúꞌvi ra. Ta saa ndi̱kaꞌan ra xiꞌin ra, káchi ra saa: ―¿Án kúni un nduvaꞌa un? ―káchi ra xiꞌin ra.

ROMANOS 5:6

Kivi tá xi̱ndoꞌni yo ndaꞌa kuachi ta köo ndíkuchiñu yo saña yo mií yo ndaꞌa ya. Ni köo ndi̱kuchiñu yo sikaku yo mií yo, nda kivi tá chi̱tuni mií Ndioxi, saa kua ki̱xi Jesucristo ndi̱xiꞌi ra xaꞌa kuachi yo.

1 Corintios 9:24

Ta xa kúndaa vaꞌa ini ndo, naꞌa na xínu nuu kéꞌe taꞌan na, ta kuaꞌa ni va ku na xínu, ta süvi ndiꞌi na níꞌi ñaꞌa, iindaa va ku na kúchiñu níꞌi ya. Ta saa ndóꞌo̱, ndinuꞌu ni ini ndo xaa súvi ndo ya kúni Ndioxi, tá kuꞌva íkan na kéꞌe taꞌan saa ikan ndo ndakua ná ndikiꞌin ndo ñaꞌa ya niꞌi ndo nuu Ndioxi.