San Juan 5:44 - Xochapa Mixteco

⁴⁴ Köo xíin ndo kandixa ndo yeꞌe, saa chi kútoo ni ndo kaꞌan vaꞌa ndo xaꞌa taꞌan ndo, ta köo ndúku ndo ya kaꞌan vaꞌa Ndioxi xaꞌa ndo ―káchi ra xiꞌin nda.

San Juan 5:44 Iomraidhean Croise

San Mateo 23:5

Ta ndiꞌi ya yóꞌó íkan nda ya kúni nda ná kuni inka naꞌa ya íkan nda. Saa táa nda tuꞌun Ndioxi nuu tutu vali ta chívaꞌa nda ya ini caja ñii vali. Ñaa kíꞌin nda ya chínuu nda taan nda án chiyo nda. Ta ndása naꞌnu ka nda caja vali nda nuu inka naꞌa, ta nda chilo yuꞌu toto nda nani ni íkan nda ya, íkan nda saa ya kúni nda kuni naꞌa xáa súvi ni nda ya káꞌan Ndioxi.

San Lucas 19:17

Saa ndi̱kuiin mií ra rey ikán káꞌan ra: “Vaꞌa ni i̱kan un. Vaꞌa ni moso ku un. Xaꞌa ya vaꞌa ni xa̱a chiñu un xiꞌin loꞌo ya ta̱xi i ndaꞌa un, ta vitin taxi i chiñu ndaꞌa un kundiso chiñu un xiꞌin uxi ñuu”, káchi ra xiꞌin ra.

San Juan 12:43

Saa chi kúni ka nda kaꞌan vaꞌa na ivi yóꞌó xaꞌa nda, ta köo ndíꞌi ini nda ya kaꞌan vaꞌa Ndioxi xaꞌa nda.

San Juan 17:3

Ta ya kutaku na ndiꞌi saa ichí kua kúni kachi ya ná kuni vaꞌa na ini un, chi iin yóꞌo̱ ku Ndioxi ra ndaa ni xiꞌin Jesucristo, ra ti̱ꞌvi un vaxi ñuu ivi yóꞌó.

San Juan 3:20

Chi ndiꞌi na íkan ya väꞌa ta kúndasi nuu na xíni na ya yéꞌe̱, yakan köo xíin na kuyati na nuu yéꞌe̱, chi köo kúni na ndituvi ndiꞌi ya väꞌa íkan na.

San Juan 5:41

’Yeꞌe, ta köo xíniñuꞌu i kaꞌan vaꞌa naꞌa xaꞌa i,

San Juan 8:43

¿Ta ndachu küvi kundaa ini ndo ya káꞌan i xiꞌin ndo? Xaꞌa ya köo xíin ndo ndikiꞌin ndo tuꞌun ya káꞌan i xiꞌin ndo kua küvi kundaa ini ndo tuꞌun i.

ROMANOS 2:10

Sundi xaa kaꞌnu Ndioxi ndiꞌi naꞌa, na íkan ya vaꞌa, saa taxi ra ya toꞌo ndaꞌa na, ta taxi ra ya koo vaꞌa ni ini na. Xiꞌna na judío ikan ra ya vaꞌa xiꞌin, ta sindiꞌi saa ikan ra ya vaꞌa xiꞌin naꞌa, na köo kúu judío.

ROMANOS 2:29

Naꞌa na ndixa kúu judío ku naꞌa, na ndixa kándixa Ndioxi. Ta kúu mií na tuni Ndioxi ya ndixa ndaa kua kúu na, naꞌa na ndâku nima nuu ra. Chi mií Tachi I̱í Ndioxi kua ndi̱nama nima na yakan ndi̱kuiso vaꞌa ra na nuu mií ra. Ta süvi na ñuu ivi yóꞌó ku na ndíxaa saa, süvi mií na ku na ndíkuiso vaꞌa ñaꞌa, chi mií Ndioxi ku ra i̱kan saa xiꞌin na. Ndi̱kuiso vaꞌa ra na nuu ra.

ROMANOS 2:7

Ndiꞌi naꞌa, na i̱kan ya vaꞌa, ta saa ikan Ndioxi xiꞌin na. Na ikán ku naꞌa, na köo ndi̱xikuiin ikan ya vaꞌa. Saa chi ku̱ni na xaa kaꞌnu na ra, saa taxi na ya toꞌo chee ni ndaꞌa ra. Ta na ikán ku na niꞌi ichí koo na xiꞌin ra ndiꞌi saa kivi.

1 Corintios 4:5

Xaꞌa ya ñaa kua káꞌan i xiꞌin ndo, táxi i nuu ndo. Käꞌan kama ni ndo xaꞌa naꞌa ya xaa nani ndo kuachi xiꞌin na. Kundatun ndo nda ná xinu mií tiempo ya ndiko koo Tata yo Jesucristo, chi mií ra ku ra sindiyeꞌe ndiꞌi saa kúu. Ta saa kua ndituvi ndiꞌi ñaꞌa ya íyo sěꞌe vitin. Ta saa kua ndituvi nda ñaꞌa ya íyo sěꞌe nima naꞌa, ndá kuꞌva ku ya ndíkani ini na. Ta suvi mií tiempo ikán kua xaa kaꞌnu Ndioxi naꞌa, tá kuꞌva íyo ya i̱kan na, saa koo ya ikan ra xiꞌin na.

2 Corintios 10:18

Saa chi naꞌa, na ndee ni ndáa yaꞌvi nuu Ndioxi ku naꞌa, na chínuu vaꞌa ni mií ra tuꞌun xaꞌa. Ta köo ndáa yaꞌvi ya káꞌan vaꞌa ni na xaꞌa mií na nuu ra.

Filipenses 2:3

Ndiꞌi ya íkan ndo, ta nda iin ya chïnuu vaꞌa ndo tuꞌun ndo xiꞌin, kütai ni ini ndo xaꞌa ya íkan ndo. Ni̱nu̱ xaa ndo mií ndo. Chinuu vaꞌa ni ndo tuꞌun na taꞌan ndo, tá íin naꞌa, na ndee ni ka ndáa yaꞌvi nuu ndo, saa ikan ndo xiꞌin na.

1 Tesalonicenses 2:6

Chi nda iin ichí köo ndi̱xaá naꞌnu nde mií nde nuu nda iin naꞌa, ni nuu ndóꞌo̱, ni nuu ndá ka inka naꞌa. Vani kúu mií nde ichí ya ikan ndo saa xiꞌin nde xaꞌa ya kúu nde nda xáa chiñu nuu Tata yo Jesucristo, ta köo ndi̱kan nde saa xiꞌin ndo.

1 Timoteo 1:17

Xaꞌa ya ikán kua, ¡ná xaa kaꞌnu ni yo Ndioxi, ná xaa toꞌo ni yo ra! ¡Chi nda xi̱naꞌa táku ra ta saa kutaku ra ndiꞌi saa kivi ya vaxi, nda iin yo köo kúchiñu kuni xiꞌin nuu yo ra, ta mií ra ku ra xáꞌnda chiñu nuu ndiꞌi ni kúu yo! ¡Iindaa mií ra ku Ndioxi ra ndaa ni, ra ndíchi ni! ¡Saa ná koo ya!

HEBREOS 3:12

Ñani yo, kuenta ni koo ndo, chïvaꞌa ndo ya väꞌa nima ndo, chi ìyo ni xaa xíka ya ndóꞌo̱ nuu Ndioxi ra táku, ta täxi ya kundaa ni ini ndo ra.

Santiago 2:1

Ñani yo, ndïkaxin ndo nda iin na taꞌan yo na ndíkun Tata yo Jesucristo ra kúu mií ndee chee ya vaꞌa ni, iin kachi kuꞌvi ini ndo kuni taꞌan ndiꞌi ndo.

1 Pedro 1:7

Chi ndiꞌi tindoꞌo ya vaxi nuu ndo, ta tá kuꞌva xíto ndoso na kàà ya oro xiꞌin ñu̱ꞌu̱ iꞌni ni, ya ná nduyéꞌe̱ luvi ya nduu latun ni ka ya. Ta kuꞌva saa íyo ya ndáa ni ini ndo Ndioxi, chi ya ikán kua ndáa yaꞌvi ni ka nuu oro ya ndíꞌi xaꞌa, yakan tá ndóꞌo̱ ndo saa, ta ndïkava ini ndo, chi tá ná ndiko koo Tata yo Jesucristo kixi ra ta vaꞌa ni kaꞌan ra xaꞌa ndo, chinuu vaꞌa ni ra tuꞌun ndo.

Judas 1:25

Ná xaa kaꞌnu ni yo Ndioxi chi iin mituꞌun mií ra ku Ndioxi ra ndíchi ni, ra síkaku yoo, saa ná kunuu sukun ni ya toꞌo ra nuu luvi ni íyo ra, nuu ndee ni xáꞌnda chiñu ra xiꞌin ndiꞌi ndai kúu mií ra vitin tin ndiꞌi saa kúu kivi ya vaxi. Saa ná koo.