San Juan 5:4 - Xochapa Mixteco

⁴ Saa chi sava kivi núu iin tatun Ndioxi síkanda ya tikuii, ta na xiꞌna kúnumi kéta ini rá ta ndikun ndúvaꞌa na xiꞌin ndiꞌi ndá ka mií nuu kueꞌe ya kúu mií na.

San Juan 5:4 Iomraidhean Croise

San Mateo 11:12

Saa ndi̱kaꞌan tuku ra, káchi ra saa: ―Nda kivi xa̱á ra Juan káꞌan ndoso ra tuꞌun Ndioxi, iin saa nda kivi vitin íyo ni naꞌa káni taꞌan ya kúni na sindiꞌi xaꞌa na ichí nuu xáꞌnda chiñu Ndioxi, ni saa ndóꞌo ya, ta ndisaa naꞌa, na ndaku ni ini ku na kúchiñu kuakiꞌvi koo nuu xáꞌnda chiñu Ndioxi.

San Mateo 6:33

Ndinuꞌu ni ini ndo kundikun ndo ichí nuu xáꞌnda chiñu Ndioxi, saa íkan ndo ya vaꞌa nuu ra. Ta ndiꞌi ka ñaꞌa ya xíniñuꞌu ndo ta mií ra taxi ndiꞌi ya ndaꞌa ndo.

San Lucas 13:24

―Xaꞌa ni ndo ndee ya kiꞌvi ndo yéꞌé ya táñú ni ya kuaꞌan nuu íyo Ndioxi, chi kuaꞌa ni naꞌa kúni kiꞌvi ta küchiñu na kiꞌvi na.

San Lucas 16:16

Saa ndi̱kaꞌan ka Jesús, káchi ra saa: ―Tá yachi ta ley Ndioxi xiꞌin ya ta̱a nda ndi̱kaꞌan ndoso tuꞌun yuꞌu Ndioxi kua ndi̱xiyo, iin saa nda kivi tá ki̱xi ra Juan, ra si̱kuchi naꞌa. Saa ku nuu xa̱á káꞌan ndoso nde ndá kuꞌva xáꞌnda chiñu Ndioxi. Ta kuaꞌa ni na xáa nduxa kuakiꞌvi na ichí ra.

San Juan 5:3

Ta ikán ndóo kuaꞌa ni na kúꞌvi tin na kuáa̱ xiꞌin na köo iin xaꞌa xiꞌin na küvi kanda. Vitin taan ndóo na ndátun na ya kanda tikuii ini nuu ñúꞌu rá.

San Juan 5:5

Ta tañu na ndóo ikán ndíkaa iin ra kúꞌvi, ta xa naꞌá ni kúꞌvi ra, küvi kaka ra. Xa ndi̱xinu oko xaꞌun uni kuiya kúꞌvi ra.

San Juan 5:7

Saa ndi̱kuiin ra káꞌan ra: ―Tata, nda iin na köo chikaa yeꞌe ini ñaꞌa nuu ñúꞌu tikuii tá xáa kánda rá. Tá kúni i kiꞌvi i ta kúvai va i kiꞌvi i, ta inka na xa kíꞌvi va nuu i ―káchi ra.

1 Corintios 6:11

Taꞌan ya väꞌa yóꞌó ku ya i̱kan sava ndo yachi. Sundi vitin ta xa ndo̱o kuachi ndo, xa ndu̱u ndo naꞌa, na i̱í, na köo ka kuachi kúu mií nuu Ndioxi. Ta xa ndi̱kuiso vaꞌa ra ndóꞌo̱ tixin ndee Tata yo Jesucristo, saa tu xiꞌin ndee Tachi I̱í mií Iva yo Ndioxi va.

1 Juan 1:7

Sundi tá tu xíka yo nuu yéꞌe̱ tá kuꞌva íyo Ndioxi nuu yéꞌe̱, ta saa íyo yo iin yuꞌu xiꞌin taꞌan yo. Ta ni̱í Jesucristo Seꞌe Ndioxi ku rá ndíkata ndiꞌi kuachi yo, ndúvaꞌa yo nuu Iva yo Ndioxi.