San Juan 5:39 - Xochapa Mixteco

³⁹ Tá káꞌvi ndo Tuꞌun Ndioxi ya ta̱a na xinaꞌa, ta vií ni káꞌvi ndo ya, chi ndíkani ini ndo nuu ya ikán kua nditaꞌan ndo ndá kuꞌva kutaku ndo koo ndo xiꞌin Ndioxi ndiꞌi saa kivi ya vaxi. Ta tuꞌun Ndioxi ikán kua káꞌan xaꞌa i.

San Juan 5:39 Iomraidhean Croise

San Mateo 22:29

Saa ndi̱kuiin Jesús, káꞌan ra xiꞌin nda: ―Sïndaꞌvi ndo mií ndo, saa chi ni köo xíni ndo unkua káꞌan tuꞌun Ndioxi, ta ni köo xíni ndo ndee ya kúu mií ya.

San Marcos 10:3

Saa ndi̱kuiin Jesús káꞌan ra xiꞌin nda, káchi ra saa: ―¿Unkua káꞌan ley ya ta̱a ra Moisés ya ndi̱ndoo ndaꞌa ndo? ―káchi ra xiꞌin nda.

San Marcos 12:10

Saa ndi̱kaꞌan ka Jesús xiꞌin na, káchi ra saa: ―¿Án täꞌan kaꞌvi ndo tuꞌun Ndioxi ya káchi saa?: Yu̱ú ya ku̱ndasi nda síkuaꞌa veꞌe, ku yu̱ú ya ndee ni ndee, ta ya ikán kua xíniñuꞌu ni ka.

San Lucas 16:29

Saa ndi̱kuiin ra Abraham káꞌan ra: “Xa íyo va ley Ndioxi ya ta̱a ra Moisés xiꞌin ya ta̱a nda ndi̱kaꞌan ndoso tuꞌun yuꞌu Ndioxi. Xa íyo ya ikán ta ná kuni soꞌo nda ya”, káchi ra xiꞌin ra.

San Lucas 16:31

Ñaa ndi̱kaꞌan ra Abraham, káchi ra saa: “Tá tu köo xíin nda kuni soꞌo nda nda ya ta̱a ra Moisés ni ya ta̱a nda ndi̱kaꞌan ndoso tuꞌun yuꞌu Ndioxi ta ni ná nditaku na ndíi kuꞌun na kaꞌan na xiꞌin nda ta küaꞌa vi nda kuni soꞌo nda”, káchi ra Abraham xiꞌin ra kuika ikán. Soꞌva káchi tuꞌun ndíchi ikán ―káchi Jesús xiꞌin na.

San Lucas 24:25

Saa ndi̱kaꞌan ra xiꞌin nda, káchi ra saa: ―¿Ndachu kíꞌvi ni ndo, ta uꞌvi ni kúndaa ini ndo xiꞌin ndiꞌi ya ta̱a nda ndi̱kaꞌan ndoso tuꞌun yuꞌu Ndioxi xinaꞌa!

San Lucas 24:27

Saa xa̱á ra sínaꞌa ra nda, xiꞌna ya ta̱a ra Moisés kua xa̱á ra ndíkani ra nuu nda, saa sínaꞌa ndiꞌi ka ra nda unkua káchi ndiꞌi tuꞌun Ndioxi ya ta̱a nda ndi̱kaꞌan ndoso tuꞌun yuꞌu Ndioxi xinaꞌa, nuu káꞌan ndiꞌi ya xaꞌa mií ra.

San Lucas 24:44

Tá ndi̱ꞌi, saa ndi̱kaꞌan ra xiꞌin na, káchi ra saa: ―Ndiꞌi ya ndo̱ꞌo i, tá íyo ndiꞌi ya ndi̱kaꞌan i xiꞌin ndo yachi saa ndi̱xiyo ya. Saa chi ndi̱kaꞌan i xiꞌin ndo: Nduxa sixinu ndiꞌi i ya ta̱a ra Moisés tin ya ta̱a nda ndi̱kaꞌan ndoso tuꞌun yuꞌu Ndioxi xiꞌin ya íyo nuu tutu salmos, soꞌva íyo ya ndi̱kaꞌan i xiꞌin ndo yachi ―káchi ra xiꞌin na.

San Juan 1:45

Ta ndi̱taꞌan ra Felipe ra Natanael saa ndi̱kaꞌan ra xiꞌin ra, káchi ra saa: ―Ndi̱kitaꞌan nde xiꞌin taa, ra ta̱a ra Moisés xaꞌa xiꞌin ya ta̱a nda profeta ndi̱kaꞌan ndoso tuꞌun yuꞌu Ndioxi xinaꞌa. Ta Jesús náni ra, seꞌe ra José ra ñuu Nazaret ku ra ―káchi ra Felipe xiꞌin ra.

San Juan 5:32

Sundi íyo iin ra ndíkuiin xaꞌa i, ta xíni i ya káꞌan ra xaꞌa i ta ya ndaa kua.

San Juan 5:36

Sundi íyo inka ya ndíkuiin xaꞌa i, ta ndee ni ka ya ikán nuu ya ndi̱kaꞌan ra Juan. Ta ya ikán ku chiñu ya ndi̱kaꞌan Iva i Ndioxi xiꞌin i ikan i. Ta chiñu ikán ku ya ndíkuiin teꞌe xaꞌa i, ya ndixa kua ti̱ꞌvi Iva i yeꞌe vaxi i.

San Juan 5:40

Sundi ndóꞌo̱ ta köo xíin ndo kixi ndo nuu i ya taxi i ichí ndaꞌa ndo koo ndo xiꞌin Ndioxi ndiꞌi saa kivi ya vaxi.

San Juan 5:46

Saa chi tá tu kándixa ndo ya ndi̱kaꞌan ra ikán, ta kandixa tu ndo ya káꞌan yeꞌe va xiꞌin ndo, ndikuu. Saa chi ya ta̱a ra ikán ta xaꞌa yeꞌe kua káꞌan ya.

San Juan 7:52

Saa ndi̱kuiin nda káꞌan nda: ―¿Án taꞌan ra ikán ku tu yóꞌo̱ va? Xíniñuꞌu un kaꞌvi vaꞌa un tuꞌun Ndioxi saa kua kundaa ini un, chi nda iin na káꞌan ndoso tuꞌun yuꞌu Ndioxi, ta köo na kée nda iin ñuu ya ñúꞌu estado Galilea ―káchi nda xiꞌin ra.

Los Hechos 13:27

Na ñuu Jerusalén xiꞌin na xáꞌnda chiñu nuu na ta köo ndi̱xiin na ndikuni na Jesús, ni tuꞌun ya ta̱a nda ndi̱kaꞌan ndoso tuꞌun yuꞌu Ndioxi ya káꞌvi na ndiꞌi saa kivi i̱í tá ndíkundee yo ta köo ndi̱kundaa ini na xiꞌin ya yakan xa̱ꞌni na Jesús nuu si̱xinu na ya ta̱a nda ikán.

Los Hechos 17:11

I̱í va ini na ñuu Berea ikán nuu na ñuu Tesalónica, chi vaꞌa ni ka va ndi̱kiꞌin na ikán tuꞌun Ndioxi ya káꞌan ra Pablo xiꞌin na. Ndiꞌi saa kivi síkuaꞌa na tuꞌun Ndioxi ya kundaa vaꞌa ka ini na án ya ndixa kua káꞌan ra Pablo xiꞌin na.

Los Hechos 26:27

Saa ndi̱kaꞌan ra Pablo xiꞌin ra rey Agripa, káchi ra saa: ―Tata, ¿án kándixa yóꞌo̱ ya ta̱a nda ndi̱kaꞌan ndoso tuꞌun yuꞌu Ndioxi xinaꞌa? Xíni i ya kúndaa ini un ya ndaa kua ta̱a nda ―káchi ra Pablo xiꞌin ra.

ROMANOS 1:2

Saa chi xa ki̱ndoo Ndioxi xiꞌin nda profeta nda ndi̱kaꞌan ndoso tuꞌun yuꞌu ra xinaꞌa, ya xaa súvi ra xaꞌa tuꞌun vaꞌa ya ndi̱kaꞌan ra xiꞌin nda ikán xaꞌa Jesucristo. Saa ta̱a nda ikán tuꞌun nuu tutu ya náni Tuꞌun Ií Ndioxi.

ROMANOS 3:2

Ya ndaa ku ya ndáa yaꞌvi ni ya kúu yo judío. Saa chi xiꞌna ndaꞌa yoo kua ta̱xi Ndioxi ichí ya kuu mií yo tuꞌun ra ya ndi̱kaꞌan ra.

Colosenses 3:16

Ta taxi ndo ndee ni ná koo mií tuꞌun Tata yo Jesucristo nima ndo. Saa sinaꞌa taꞌan ndo ta ndikani ndo nuu taꞌan ndo sixinu ndo ini taꞌan ndo ya ná ikan ndo ya vaꞌa kúni Ndioxi. Saa ná kusini ndo ta kata ndo salmo xiꞌin yaa i̱í nuu Ndioxi ya táxi ndo tixaꞌvi ndaꞌa ra xaꞌa ya íyo vaꞌa ni ini ndo xiꞌin ra.

HEBREOS 11:16

Sundi na ikán ta kúni na koo na inka ñuu ya vaꞌa ni káa, ta ñuu ikán ku ndivi ni̱nù. Xaꞌa ya ikán kua köo ndi̱kukaꞌán nuu Ndioxi xiꞌin na xaꞌa ya káꞌan na kúu ra Ndioxi na, saa chi xa nda̱sa vaꞌa ra iin ñuu nuu koo na xiꞌin ra.

HEBREOS 11:35

Xaꞌa ya xi̱ndaa ni ini ná síꞌi xi̱ni ná Ndioxi yakan vaꞌa ndi̱taku na veꞌe ná, na xa ndi̱xiꞌi. Ta sava naꞌa ndee ni ndi̱xuꞌvi, vani saa ndo̱ꞌo na, ta xaꞌa ya xi̱ndaa ni ini na xi̱ni na Ndioxi, yakan vaꞌa ndi̱xaꞌa ndee ni ini na ndo̱ꞌo na saa, chi ku̱ni na ikán nditaku na koo na inka ivi nuu vaꞌa ni káa.

El Apocalipsis 19:10

Saa si̱kusiti i nuu tatun ikán ya xaa toꞌo ñaꞌa i, ta ndi̱kaꞌan ya xiꞌin i, káchi ya saa: ―Ïkan un saa, küsiti un nuu i, chi tá kuꞌva íyo mií un xáa chiñu un xiꞌin na ñani un na ndíkun Tata yo Jesucristo saa íyo tu yeꞌe va. Chi yo xáa chiñu nuu Ndioxi ku ndiꞌi yo, saa kándixa yo tuꞌun ya ndaa ya ndi̱kaꞌan Tata yo Jesucristo, ta ná sïndoo yo ya kándixa yo tuꞌun ra. Yakan küsiti un nuu i, iin mií Ndioxi ná xaa kaꞌnu ni yo. Chi tuꞌun ya si̱naꞌa Tata yo Jesucristo, ta iin káchi ku ya xiꞌin tuꞌun ya ndi̱kaꞌan nda ndi̱kaꞌan ndoso tuꞌun yuꞌu Ndioxi xinaꞌa, chi mií Tachi I̱í Ndioxi ta̱xi ya ndaꞌa nda ikán ndi̱kaꞌan nda ―káchi tatun ikán xiꞌin i.