San Juan 5:34 - Xochapa Mixteco

³⁴ Sundi yeꞌe ta köo xíniñuꞌu i ya ndikuiin na ivi yóꞌó xaꞌa i, ya káꞌan i saa xiꞌin ndo ta ya kúni i ná sikaku Ndioxi ndóꞌo̱ va kua.

San Juan 5:34 Iomraidhean Croise

San Lucas 13:34

Saa xa̱á ra káꞌan ra: ―¡Ndóꞌo̱ na ñuu Jerusalén!, ndóꞌo̱ ku ndo xáꞌni nda káꞌan ndoso tuꞌun yuꞌu Ndioxi, ta kóꞌni ndo yu̱ú sata nda tíꞌvi Ndioxi vaxi chindee ndóꞌo̱. Kuaꞌa ni ichí ku̱ni i sikitaꞌan i ndóꞌo̱, tá íkan nduxi tiatan xiꞌin seꞌe vali ri, síkitaꞌan ri na tixin ri, ta köo ndi̱xiin ndo.

San Lucas 19:10

Ta yeꞌe ku Taa ra xa̱a ñuu ivi yóꞌó ta vaxi i nduku i na nda̱ñuꞌu ya sikaku i na ―káchi Jesús.

San Lucas 24:47

Ta naꞌa na ndíkun sata ra tixin kivi ra taxi ra ndee ndaꞌa na kuꞌun na ndituꞌun na xiꞌin ndiꞌi kúu na ñuu ivi. Xiꞌna ñuu Jerusalén xáa na kaꞌan na xiꞌin naꞌa, ya ná ndiko koo ini na xaꞌa kuachi na, saa xaa kaꞌnu ini Ndioxi xaꞌa kuachi na”, káchi ya ta̱a na.

San Juan 20:31

Ta ndiꞌi tuꞌun ya vaxi nuu tutu yóꞌó, ta̱a i ya, ná kundaa ini ndo xaꞌa Jesús ya kúu ra Cristo Seꞌe Ndioxi. Saa tá kándixa ndo ra ta saa kuchiñu ndo kutaku ndo tixin kivi ra.

San Juan 5:32

Sundi íyo iin ra ndíkuiin xaꞌa i, ta xíni i ya káꞌan ra xaꞌa i ta ya ndaa kua.

San Juan 5:41

’Yeꞌe, ta köo xíniñuꞌu i kaꞌan vaꞌa naꞌa xaꞌa i,

San Juan 8:54

Saa ndi̱kuiin Jesús káꞌan ra: ―Tá ná chinuu vaꞌa i tuꞌun i, ta köo ndá yaꞌvi ya káꞌan i xaꞌa i. Sundi Iva i ra káꞌan ndo kúu Ndioxi ndo, ra ikán ku ra chínuu vaꞌa tuꞌun i.

ROMANOS 10:1

Ñani yo xiꞌin kuꞌva yo, ndinuꞌu ni ini i káꞌan i xiꞌin Ndioxi ta xáku ndaꞌvi ni i nuu ra xaꞌa na ñuu i Israel ya ná sikaku ra na.

ROMANOS 10:21

Saa ndi̱kaꞌan ka Ndioxi xiꞌin ra Isaías xaꞌa na ñuu Israel, káchi ra saa: “Iin nduvi ndaa ndi̱xiyo i tánii ndaꞌa i nuu na kixi na nuu i, ta köo ndi̱xiin na kixi na. Soꞌo ni na, köo xíin na kundikun na yeꞌe”, káchi ra Isaías.

ROMANOS 12:21

Täxi ndo kuchiñu ya väꞌa nuu ndo, ya vaꞌa ku ya xíniñuꞌu ndo ikan ndo. Tá íkan ndo saa, ta síndiꞌi xaꞌa ndo ya väꞌa.

ROMANOS 3:3

Vani sava na ikán ta köo ndi̱xiin na kuni soꞌo na ya ndi̱kaꞌan ra xiꞌin na, ta ni köo ndi̱xaa súvi na ya kúni Ndioxi, ta ¿án xaꞌa ya ikán kua ndiko koo ini Ndioxi xäa súvi ra ya ndi̱kaꞌan ra xiꞌin na?

1 Corintios 9:22

Tá íyo i xiꞌin naꞌa, na vita ni ini, na sikan kándixa Tata yo Jesucristo, ta tá íin na ikán saa ndúu i, ya kuchiñu chindee taꞌan i xiꞌin na, ná kachi yo. Yakan tá kuꞌva íin ndá ka mií naꞌa, kuꞌva saa ndúu i nuu na ya kuchiñu chindee taꞌan i xiꞌin sava na kaku na.

1 Timoteo 4:16

Ta kuenta ni koo un xaꞌa kuꞌva íyo un xiꞌin kuꞌva ya sínaꞌa un na, kundiꞌi ni ini un xaa súvi un ya, chi tá vaꞌa íkan un ta síkaku un mií un xiꞌin na xíni soꞌo ya káꞌan un.

1 Juan 5:9

Tá ndítuꞌun naꞌa xiꞌin yo ta kándixa yo ya káꞌan na xiꞌin yo, ta na ivi taꞌan mií yo ku na. Ta ndisaa ka vi ya káꞌan Ndioxi xaꞌa Seꞌe ra, ndáa yaꞌvi ni ya káꞌan ra, saa chi mií Ndioxi ku ra káꞌan xaꞌa Seꞌe ra nuu yo.