San Juan 5:30 - Xochapa Mixteco

³⁰ Ta ndi̱kaꞌan ka ra xiꞌin nda, káchi ra saa: ―Yeꞌe ta süvi xiꞌin ichí mií i kua xáa nani i kuachi naꞌa, tá íyo ya xíni soꞌo i saa íyo ya íkan i xiꞌin na, xiꞌin ya ndaa xáa nani i kuachi na, chi süvi xiꞌin ya kúni mií i íkan i ya, xiꞌin ya kúni mií Iva i Ndioxi ra ti̱ꞌvi yeꞌe vaxi i kua xáa nani i kuachi na.

San Juan 5:30 Iomraidhean Croise

San Mateo 26:39

Saa ke̱e ra kuaꞌan xika loꞌo ka ra, ñaa ndi̱xaa ra si̱kusiti ra ta nda nuu ñuꞌú ndi̱xinu taan ra, ta xa̱á ra káꞌan ra xiꞌin Ndioxi, káchi ra saa: ―Tata Iva mií i, tá tu kúni un ta täxi un kundoꞌo i tindoꞌo yóꞌó, sundi ïkan un ya kúni yeꞌe, vaꞌa ikan un ya kúni mií va un ―káchi Jesús xiꞌin Ndioxi.

San Juan 14:10

¿Án köo kándixa un yeꞌe ya íyo i xiꞌin Iva i, ta Iva i íyo ra xiꞌin i? Ndiꞌi ya káꞌan i xiꞌin ndo ta süvi xiní mií i kána ya káꞌan i xiꞌin ndo. Tuꞌun mií ra kua káꞌan i xiꞌin ndo, ta íkan ra chiñu kúni mií ra tixin yeꞌe.

San Juan 17:4

’Ta chi̱nuu vaꞌa ni i ya toꞌo un nuu ndiꞌi na ñuu ivi, ta vitin si̱xinu ndiꞌi i chiñu ya ta̱xi un ndaꞌa i xaa súvi i.

San Juan 18:11

Saa ndi̱kaꞌan Jesús xiꞌin ra Pedro, káchi ra saa: ―Chivaꞌa i̱chi un ini iín nuu ndíkaa ya. Saa chi xa saa chi̱tuni Ndioxi ya ndee ni uꞌvi tixuꞌvi i, ta yeꞌe xíniñuꞌu i xaa súvi i tindoꞌo ya uꞌvi ni yóꞌó ―káchi ra xiꞌin ra Pedro.

San Juan 4:34

Ta saa ndi̱kuiin Jesús káꞌan ra xiꞌin nda, káchi ra saa: ―Tá káa ñaꞌa ya xíxi i saa káa ya xáa súvi ndiꞌi i ya kúni Ndioxi ta ndakua sixinu ndiꞌi i chiñu ya ta̱xi ra ndaꞌa i.

San Juan 5:19

Saa ndi̱kaꞌan Jesús xiꞌin nda káchi ra saa: ―Ya ndaa káꞌan i xiꞌin ndo, ra kúu Seꞌe Ndioxi ta nda iin ñaꞌa küvi ikan mií ra, ndisaa ya xíni ra íkan Iva ra kua íkan ra. Ndiꞌi saa kivi kándixa ra ya káꞌan Iva ra xiꞌin ra.

San Juan 6:38

Saa chi yeꞌe ta ke̱e i nuu ndivi vaxi i ñuu ivi yóꞌó ikan i ya kúni Ndioxi, ta växi i xaa súvi i ya kúni mií i.

San Juan 8:28

Xaꞌa ya ikán kua ndi̱kaꞌan ra xiꞌin nda, káchi ra saa: ―Vaxi kivi ta iin ichí chinuu sukun ndo yeꞌe, Taa ra xa̱a ñuu ivi yóꞌó. Ta saa kundaa ini ndo ya ndixa kua kúu i taa, ra ndi̱kaꞌan i xiꞌin ndo kúu i. Ta nda iin chiñu köo íkan iindaa mií i, ndisaa ya si̱naꞌa Iva i yeꞌe kua káꞌan i xiꞌin naꞌa.

San Juan 8:42

―Tá tu ndixa Ndioxi ku Iva ndo ta kuꞌvi ini ndo kuni ndo yeꞌe, ndikuu. Saa chi yeꞌe ta nuu Ndioxi ke̱e i xa̱a i ñuu ivi yóꞌó, süvi xaꞌa ya kúni mií i kua xa̱a i, chi Ndioxi ku ra ti̱ꞌvi yeꞌe vaxi i.

San Juan 8:50

Ta süvi mií i ku i kúni ya xaa toꞌo naꞌa yeꞌe, íyo inka ra kúni ya xaa toꞌo na yeꞌe, ta ra ikán ku ra xáa nani kuachi naꞌa.

ROMANOS 15:3

Saa chi ni mií Jesucristo, ta köo ndi̱xika ini ra ndisaa xaꞌa mií ra. Tá káꞌan tuꞌun Ndioxi xaꞌa ra, káchi ya saa: “Naꞌa na kánaꞌa xaꞌa un, ta nda xaꞌa yeꞌe kánaꞌa na”, káchi tuꞌun Ndioxi xaꞌa Jesucristo.

ROMANOS 2:2

Xa xíni yo mií Ndioxi ku juez, ta mií ra ku ra sindoꞌo ndiꞌi naꞌa, na íkan saa.

ROMANOS 2:5

Sava ndo ta soꞌo ni ndo, köo xíin ndo ndiko koo ini ndo xaꞌa ya väꞌa íkan ndo. Xaꞌa ya íkan ndo saa, ta kuandaa ka kuachi ndo ndúkuaꞌa ya nuu Ndioxi. Ta vaxi kivi saa xaa nduvaꞌa ni Ndioxi xiꞌin ndiꞌi ni kúu naꞌa, saa kundaa ini na ya ndixa ni sáa ini ra xíni ra na. Chi saa kua sinaꞌa Ndioxi na ya ndee ni ndaa xáa súvi ra kuachi na xiꞌin na.