San Juan 5:26 - Xochapa Mixteco

²⁶ Saa chi Ndioxi ta kúu mií ra ndee táxi ra táku mií ra ta suvi ndee ikán ta̱xi ra ndaꞌa Seꞌe ra ya iin káchi táku ra xiꞌin ra.

San Juan 5:26 Iomraidhean Croise

San Juan 1:4

Ta mií ra ikán ku ra kúu mií ndee ya taxi ra kutaku na ñuu ivi xiꞌin ra tá kuꞌva táku mií ra. Chi ya táku ra kua vaꞌa síndiyeꞌe ra nuu na ñuu ivi.

San Juan 10:18

Nda iin naꞌa küchiñu kindaa ya táku i ndaꞌa i, chi kúu mií i ichí ya taxi i kutaku i. Chi yeꞌe ta íyo ndee ndaꞌa i ya taxi i mií i kuvi i, ta íyo tu ndee ndaꞌa i ya sitaku i mií va i. Ta ichí yóꞌó kua ta̱xi Iva i ndaꞌa i ―káchi Jesús xiꞌin na.

San Juan 11:25

Saa ndi̱kaꞌan Jesús xiꞌin yá, káchi ra saa: ―Yeꞌe ku ra sínditaku naꞌa, ta yeꞌe ku ra táxi kutaku na. Ndiꞌi na kándixa yeꞌe vani xa ndi̱xiꞌi na, ta taxi i kutaku na.

San Juan 11:26

Tá kúu ndiꞌi na táku, tá tu kándixa na yeꞌe ta nda iin kivi ndïꞌi xaꞌa na. ¿Án kándixa un ya káꞌan i xiꞌin un? ―káchi Jesús xiꞌin yá.

San Juan 14:19

Tixin soo uvi ndaa kivi ta küni ka na ñuu ivi yóꞌó yeꞌe, sundi ndóꞌo̱ ta kuni ndo yeꞌe, saa chi yeꞌe ta táku i, yakan vaꞌa kutaku ndo xiꞌin i.

San Juan 14:6

Saa ndi̱kuiin Jesús ndi̱kaꞌan ra xiꞌin ra, káchi ra saa: ―Yeꞌe ku ra ku ichí, ta yeꞌe ku mií ya ndaa, yeꞌe ku ra táxi kutaku na. Nda iin na küvi kuꞌun nuu Iva i, tá tu süvi xiꞌna nuu yeꞌe vaxi na.

San Juan 4:10

Saa ndi̱kuiin Jesús káꞌan ra: ―Tá tu xíni un unku ya vaꞌa kúni Ndioxi taxi ra ndaꞌa un ta kundaa ini un unku yeꞌe, ndíkuu. Ta saa nduku un tikuii nuu i, ta taxi i rá ndaꞌa un, ta tikuii rá taxi i ndaꞌa un kúu mií rá ndee taxi rá kutaku na ivi ―káchi ra xiꞌin yá.

San Juan 6:57

Iva i Ndioxi ra ti̱ꞌvi yeꞌe vaxi i, ta táku ra. Xaꞌa ya táku ra ikán kua táku tu yeꞌe va. Ta saa tu ndiꞌi na xíxi kuñu i kutaku na, chi táku yeꞌe ini na.

San Juan 8:51

Ta ya ndaa ku tuꞌun káꞌan i xiꞌin ndo, ndiꞌi na xáa súvi tuꞌun ya káꞌan i, ta küvi na ―káchi Jesús.

Los Hechos 17:25

Ta nda iin ñaꞌa köo xíniñuꞌu ra taxi naꞌa ndaꞌa ra, chi suvi mií ra ku ra si̱kuaꞌa ndiꞌi va ya. Ta síniꞌi ra tachi ndíxita yo ya vaꞌa táku yo, saa táxi ra ndiꞌi ñaꞌa xíniñuꞌu yo ndaꞌa yo.

1 Corintios 15:45

Tá káchi mií tuꞌun Ndioxi ya ta̱a na xinaꞌa: “Taa ra núnu̱ú xi̱nani Adán ku ra ta̱xi Ndioxi xi̱taku”, káchi ya. Sundi Cristo, ra káa tá káa ra Adán, ra ki̱xi si̱ndiꞌi, ra ke̱e nuu ndivi, ta táxi ra kutaku ya vaꞌa yo.

1 Timoteo 1:17

Xaꞌa ya ikán kua, ¡ná xaa kaꞌnu ni yo Ndioxi, ná xaa toꞌo ni yo ra! ¡Chi nda xi̱naꞌa táku ra ta saa kutaku ra ndiꞌi saa kivi ya vaxi, nda iin yo köo kúchiñu kuni xiꞌin nuu yo ra, ta mií ra ku ra xáꞌnda chiñu nuu ndiꞌi ni kúu yo! ¡Iindaa mií ra ku Ndioxi ra ndaa ni, ra ndíchi ni! ¡Saa ná koo ya!

1 Timoteo 6:16

Ta iin mituꞌun mií Ndioxi ku ra táku ndiꞌi saa kivi, köo xíꞌi ra yáꞌa ni vi yéꞌe̱ nuu íyo ra, yakan nda iin na köo kúchiñu kuyati nuu ra. Ta nda iin naꞌa täꞌan kuni xiꞌin nuu na ra, ta ni küvi kuni na ra. Ná ndikiꞌin ni ra ikán ya toꞌo, ta saa ná xaa kaꞌnu ni ndiꞌi naꞌa ra, saa chi yáꞌa ni ndee kúu mií ra, ta ndiꞌi saa kivi kuu mií ra ya! Saa ná koo.

HEBREOS 1:2

Sundi tiempo ya kuaꞌan ndíꞌi ndóo yo vitin ta köo káꞌan ka ra xiꞌin yo tixin nda ikán, tixin Seꞌe ra kua káꞌan ra xiꞌin yo, chi tixin ra ikán kua si̱kuaꞌa ra ndiꞌi ni kúu ñaꞌa ya íyo nuu ndivi xiꞌin ya íyo ñuu ivi yóꞌó. Saa ta̱xi ndiꞌi ra ya ndaꞌa Seꞌe ra, ta ra ikán ku ra ndíso chiñu xiꞌin ndiꞌi ni kúu ñaꞌa ra.

El Apocalipsis 21:6

Saa ndi̱kaꞌan tuku ra xiꞌin i, káchi ra saa: ―Vitin xa ndi̱xinu ndiꞌi chiñu ya chi̱tuni i kunduvi ñuu ivi yóꞌó. Ta yeꞌe náni i “Alfa xiꞌin Omega” Chi yeꞌe ku taa ra núnu̱ú ta yeꞌe ku ra si̱ndiꞌi. Ta ndiꞌi naꞌa na íchi tikuii, siniꞌi i rá koꞌo na. Ta tikuii rá taxi i koꞌo na, ta ndee ni ndee kúu mií rá chi taxi rá kutaku na ndiꞌi saa kivi vaxi.

El Apocalipsis 22:1

Saa si̱naꞌa tatun ikán iin i̱tà nuu i, ta ndee ni yaa rá, ta rá ikán ku rá táxi ichí ya kutaku naꞌa ndiꞌi saa kivi xiꞌin Ndioxi. Ta kána koo rá nuu ndíchi tai toꞌo nuu índuꞌu Ndioxi xiꞌin Levo loꞌo. Tá kuꞌva yéꞌe̱ taxan vidrio, saa yéꞌe̱ rá.

El Apocalipsis 22:17

Tachi I̱í Ndioxi xiꞌin na veꞌe ñuꞌu na íin tá káá ñaꞌa yá tindaꞌa xiꞌin Levo loꞌo ikán kána na ra, káchi na saa xiꞌin ra: “Naꞌa Tata yo Jesús”, káchi na. Ta ndóꞌo̱ xíni soꞌo tuꞌun yóꞌó, kaꞌan tu ndóꞌo̱ saa va xiꞌin naꞌa: “Naꞌa ndo”, kachi ndo. Ta ndóꞌo̱ íchi tikuii ta kúni ndo koꞌo ndo rá, ta vaꞌa kixi ndo koo ndo rá, chi táxi rá kutaku ndo ndiꞌi saa kivi. Ta síniꞌi uun Ndioxi rá koꞌo ndo.

El Apocalipsis 7:17

Saa chi Levo loꞌo kiti índuꞌu maꞌñu nuu ndíchi tai toꞌo ku ri kundaa na tá kuꞌva ndáa iin ra taa levo sana ra saa kundaa ri na. Ta kundaka ri na kuꞌun na koꞌo na tikuii, chi tikuii ikán taxi rá kutaku na. Ta Ndioxi ndiyakun ra ndiꞌi tikuii nuu na xaꞌa ya xáku ni na, chi sindiꞌi ra ya kúsuchi ni ini na.