San Juan 5:25 - Xochapa Mixteco

²⁵ Ta ya ndaa káꞌan i xiꞌin ndo, vitin ti̱ndaa kivi ta kuni soꞌo na ndíi tachi Ra kúu Seꞌe Ndioxi. Ta na xíni soꞌo ya káꞌan ra ta kutaku na.

San Juan 5:25 Iomraidhean Croise

San Lucas 15:24

Chi ndi̱ko koo ra loꞌo seꞌe i yóꞌó. Tá káa ra ndi̱xiꞌi saa ndi̱xiyo ra sundi vitin ta ndi̱taku ra. Nda̱ñuꞌu ra ndi̱xaꞌan ra ta vitin nde̱ta ra”, káchi iva ra. Ñaa xa̱á kúsini ni na.

San Lucas 15:32

Sundi vitin ná ikan yo viko, ná kusini yo saa chi ndi̱ko koo ñani un. Tá káa ra ndi̱xiꞌi saa ndi̱xiyo ra, ta ndi̱taku ra, nda̱ñuꞌu ra ta vitin nde̱ta ra xa̱a ra”, káchi iva ra xiꞌin ra. Soꞌva káchi tuꞌun ndíchi yóꞌó ―káchi Jesús xiꞌin na.

San Lucas 9:60

Ñaa ndi̱kuiin Jesús káꞌan ra: ―Kündiꞌi ini un sinduxin un na ndíi, ná kundiꞌi ini mií na xaꞌa taꞌan na. Sundi yóꞌo̱, ta kuaꞌan kaꞌan un xiꞌin inka naꞌa xaꞌa ichí nuu xáꞌnda chiñu Ndioxi ―káchi Jesús xiꞌin ra.

San Juan 13:1

Yachi tixin viko pascua. Ta xa ku̱ndaa ini Jesús ya ti̱ndaa hora sindoo ra ñuu ivi yóꞌó, ta ndiko koo ra kuꞌun ra nuu Iva ra. Ta ndiꞌi saa ichí ku̱ꞌvi ni ini ra xi̱ni ra nda ítaꞌan xiꞌin ra ñuu ivi yóꞌó, ta saa si̱naꞌa ra mií ra nuu nda ya ndixa ni kúꞌvi ini ra xi̱ni ñaꞌa ra nda kivi sindiꞌi.

San Juan 17:1

Tá sindiꞌi Jesús ndi̱kaꞌan ra tuꞌun ikán, saa nda̱niꞌi nuu ra ndi̱koto ra nuu ndivi, ta saa ndi̱kaꞌan ra xiꞌin Ndioxi káchi ra saa: ―Tata Iva i Ndioxi, vitin ti̱ndaa kivi ya xaa kaꞌnu un yeꞌe kúu Seꞌe un, ta saa yeꞌe xaa kaꞌnu ni i yóꞌo̱.

San Juan 4:21

Saa ndi̱kaꞌan ra xiꞌin yá, káchi ra saa: ―Nana, kandixa un ya káꞌan i xiꞌin un. Chi vaxi kivi ta köo xíniñuꞌu ndo kixi ndo xaa toꞌo ndo Iva yo Ndioxi nuu xiki yóꞌó, ni ñuu Jerusalén ta küꞌun ka na judío xaa toꞌo na Ndioxi.

San Juan 4:23

Ta kama ni tindaa kivi, ta xa vitin ku kivi nuu xíniñuꞌu ndiꞌi na ndixa ni xáa kaꞌnu Ndioxi, ya xaa kaꞌnu ñaꞌa na tixin Tachi I̱í ra xiꞌin ya ndaa. Saa chi saa kúni Iva yo Ndioxi, ndúku ra taꞌan na ñaa ya ná xaa kaꞌnu ñaꞌa na.

San Juan 5:21

Tá kuꞌva sítaku Iva ra Ndioxi na ndíi ta táxi ra kutaku na, ta saa íkan tu Seꞌe va ra, táxi ra kutaku na kúni mií ra.

San Juan 5:28

Ta ndïkanda ni ini ndo xaꞌa ya xi̱ni soꞌo ndo ndi̱kaꞌan i xiꞌin ndo, chi vaxi kivi ta kuni soꞌo ndiꞌi na ndíi, na xa ndi̱nduxin, kuni soꞌo na tachi ra.

San Juan 6:60

Tá xi̱ni soꞌo na ndíkun sata ra ya ndi̱kaꞌan ra, ta kuaꞌa ni na ikán ndi̱kaꞌan káchi na saa: ―Uꞌvi ni va ya káꞌan ra, ¿Unku na kuchiñu vi kandixa ya káꞌan ra? ―káchi na.

San Juan 8:43

¿Ta ndachu küvi kundaa ini ndo ya káꞌan i xiꞌin ndo? Xaꞌa ya köo xíin ndo ndikiꞌin ndo tuꞌun ya káꞌan i xiꞌin ndo kua küvi kundaa ini ndo tuꞌun i.

San Juan 8:47

Ndiꞌi na kúu kuenta Ndioxi ta xíni soꞌo na tuꞌun ra, ta ndóꞌo̱ ta süvi kuenta Ndioxi ku ndo, yakan köo xíin ndo kuni soꞌo ndo ya káꞌan i ―káchi Jesús xiꞌin na.

San Juan 9:27

Saa ndi̱kuiin ra káꞌan ra: ―Xa ndi̱kaꞌan i xiꞌin ndo, ta köo xíin ndo kuni soꞌo ndo ya káꞌan i. ¿Ndachu kúni tuku ndo kaꞌan i xiꞌin ndo? ¿Án kúni tu ndóꞌo̱ va kundikun ndo sata ra? ―káchi ra xiꞌin nda.

ROMANOS 6:4

Saa chi Jesucristo ta ndi̱xiꞌi ra saa ndi̱nduxin ra. Ta saa mií yo tá chíchi yo ta tá íin yo xíꞌi ta ndúxin yo xiꞌin ra, saa íin yo. Tá kuꞌva si̱taku Iva yo Ndioxi Jesucristo xiꞌin ndee chee ni kúu mií ra, saa íyo ya i̱kan ra xiꞌin yo. Saa chi xaꞌa ya iin káchi ndi̱taku yo xiꞌin Jesucristo ta ndu̱u yo naꞌa na xa̱á, yakan xa síin koo yo, vívií ná koo yo nuu Ndioxi.

Efesios 2:1

Ta ndóꞌo̱, tá yachi tá täꞌan kandixa ndo Jesucristo, ta tá íin naꞌa, na xa ndíi saa ndi̱xiyo ndo nuu Ndioxi xaꞌa kuachi ya väꞌa i̱kan ndo nuu ra.

Efesios 2:5

Tá íin yo xa ndi̱xiꞌi va ndi̱xiyo yo nuu Ndioxi xaꞌa kuachi yo ya väꞌa i̱kan yo nuu ra. Vani tá íin na ndíi saa ndi̱xiyo yo ta si̱taku ra yoo kivi ndi̱kitaꞌan yo xiꞌin Jesucristo. Ndi̱xaꞌvi ni Ndioxi xaꞌa ya vaꞌa ni ra xiꞌin yo, chi ni köo ñaꞌa ndi̱kan yo ta si̱kaku uun ra yoo.

Efesios 5:14

Chi ndiꞌi ñaꞌa ya kána koo nuu ñu̱ꞌu̱ yéꞌe̱, ta iin ndútuvi teꞌe ndiꞌi va ya, íyo túvi ya yakan kua íyo tuꞌun, ya káꞌan soꞌva, káchi ya saa: “Ndikáxin ini yóꞌo̱ índuꞌu kíxi ni, vaꞌa ndikoo un tañu na ndíi, ta si̱ndiyeꞌe Cristo nuu un”, káchi tuꞌun Ndioxi.

Colosenses 2:13

Chi yachi tá íin ndóꞌo̱ ndíi saa ndi̱xiyo ndo xaꞌa kuachi ndo, ta ni tuni Ndioxi köo ndi̱xiyo ndóꞌo̱. Sundi vitin ta xa ta̱xi Ndioxi iin káchi táku ndo xiꞌin Tata yo Jesucristo, saa xa̱a kaꞌnu ini ra xaꞌa kuachi ndo.

El Apocalipsis 3:1

Saa ndi̱kaꞌan tuku ra xiꞌin i, káchi ra saa: ―Taa un tuꞌun yóꞌó nuu tutu ya kuꞌun ndaꞌa tatun ya ndáa naꞌa, na kándixa yeꞌe nuu ndíkitaꞌan na xáa kaꞌnu na Ndioxi ñuu Sardis. Yeꞌe ku ra kúu mií uxa tachi Ndioxi, ta ndíso i uxa kiti kimi. Xíni ndiꞌi i ya íkan ndo, xíni i ya káꞌan naꞌa xaꞌa ndo ya vaꞌa ni íkan ndo, ni ínuu vaꞌa ni tuꞌun ndo ya kándixa ni ndo yeꞌe, ta süvi ya ndaa ku ya. Chi ndóꞌo̱, ta tá íin na ndíi va saa íin ndo nuu i.