San Juan 5:23 - Xochapa Mixteco

²³ chi kúni Ndioxi ya ná xaa toꞌo ndiꞌi na Seꞌe ra, tá kuꞌva xáa toꞌo na mií ra, saa ná xaa toꞌo na Seꞌe ra. Saa chi ndiꞌi na köo xíin xaa toꞌo Seꞌe ra, ta kúni kachi ya köo xáa toꞌo na Iva ra, ra ti̱ꞌvi ra vaxi.

San Juan 5:23 Iomraidhean Croise

San Mateo 10:37

’Ndiꞌi naꞌa, na kúni kuꞌun ichí i, xíniñuꞌu na kuꞌvi ni ka ini na kuni na yeꞌe nuu na veꞌe na. Saa tu naꞌa, na kúꞌvi ni ka ini xíni iva na, án siꞌí na, án seꞌe taa na, án seꞌe síꞌi na, ta na yóꞌó ta küvi kundikun na yeꞌe.

San Mateo 11:27

Saa ndi̱kaꞌan ka Jesús xiꞌin na, káchi ra saa: ―Iva i Ndioxi ta̱xi ndiꞌi ra ya vaꞌa ndaꞌa i. Ta nda iin naꞌa köo xíni yeꞌe, ra kúu seꞌe Ndioxi, iindaa mií Ndioxi ku ra xíni vaꞌa yeꞌe. Ta nda iin naꞌa köo xíni Iva i tá kuꞌva xíni yeꞌe ra, saa tu na ndi̱kaxin i taxi i kuni vaꞌa na ini ra.

San Mateo 12:21

Ta ndiꞌi na köo kúu judío kandixa ni ñaꞌa na. káchi Ndioxi, xaꞌa Jesús nuu ta̱a ra profeta Isaías ra ndi̱kaꞌan ndoso tuꞌun yuꞌu Ndioxi xinaꞌa.

San Mateo 15:8

“Na ivi yóꞌó, ta nuu yuꞌu kuiti va na ínuu ya káꞌan na, xáa toꞌo na yeꞌe. Sundi nima na, ta íyo xika ni va ya nuu i.

San Mateo 28:19

Yakan vitin ta kuáꞌan ndo ndiꞌi saa xaꞌa ñuu ivi ta sinaꞌa ndo naꞌa ndá kuꞌva kundikun na ichí i, saa sikuchi ndo na tixin kivi Iva i, xiꞌin tixin kivi Seꞌe ra, xiꞌin tixin Tachi I̱í Ndioxi.

San Lucas 10:16

Ta saa ndi̱kaꞌan ra xiꞌin uni xiko uxi saa nda ikán, káchi ra saa: ―Ndiꞌi na ndíkiꞌin tuꞌun ya káꞌan ndóꞌo̱, tuꞌun yeꞌe kua ndíkiꞌin na. Ta ndiꞌi na kúndasi ndóꞌo̱, yeꞌe ku i kúndasi na. Ndiꞌi na kúndasi yeꞌe, Ndioxi ku ra kúndasi na ikán, saa chi Ndioxi ku ra ti̱ꞌvi yeꞌe vaxi i ñuu ivi yóꞌó ―káchi Jesús xiꞌin nda.

San Juan 14:1

Saa ndi̱kaꞌan Jesús xiꞌin nda ítaꞌan xiꞌin ra káchi ra saa: ―Kündiꞌi ini ndo. Kandixa ndo Ndioxi ta kandixa ndo yeꞌe.

San Juan 16:14

Ta chinuu sukun ni ya ya toꞌo i, saa chi ndituꞌun ya xiꞌin ndo xaꞌa ya kúu kuenta yeꞌe.

San Juan 17:10

Ta ndiꞌi na ndíkun yeꞌe kuenta un ku na, saa tu na ndíkun yóꞌo̱ va kúu na kuenta i, ta xáa kaꞌnu ni na yeꞌe.

ROMANOS 1:7

Táa i tutu yóꞌó xaa ya ndaꞌa ndóꞌo̱, ñani yo, xiꞌin ndóꞌo̱ kuꞌva yo ndóo ñuu Roma, chi ndóꞌo̱ ku naꞌa, na kúꞌvi ni ini Ndioxi xíni ra. Saa ka̱na ra ndóꞌo̱ ya kuu ndo naꞌa, na i̱í nuu ra, koo vaꞌa ni ini ndo, ná taxi ni ra ya vaꞌa ndaꞌa ndo ya ndi̱niꞌi uun ndo nuu Iva yo Ndioxi xiꞌin Tata yo Jesucristo.

ROMANOS 15:12

Saa ndi̱kaꞌan tu ra Isaías va xaꞌa ya yóꞌó, káchi ra saa: Tixin iin na veꞌe ra kúu seꞌe ñani sikua ra Isaí kua keta iin taa ra kaꞌnda chiñu nuu ndiꞌi ni kúu na ñuu ivi. Ta ndiꞌi ni kúu na ñuu ivi kundaa ni ini na kuni na ra ikán.

ROMANOS 6:22

Ta vitin ta xa ndi̱saña ndo ndaꞌa kuachi nuu xi̱ñuꞌu ndo. Xa ta̱xi ndo mií ndo xáa chiñu ndo nuu Ndioxi, saa ndu̱u ndo naꞌa na i̱í nuu ra, ta xaꞌa ya ñaa kua ndi̱niꞌi ndo nuu ra ya koo ndo xiꞌin ra ndiꞌi saa kivi ya vaxi.

ROMANOS 8:9

Ta ndóꞌo̱, köo ndíkun ndo ichí ya kúni mií ndo. Chi tá kuꞌva kúni mií Tachi I̱í Ndioxi saa íkan ndo, saa chi íyo Tachi I̱í ra xiꞌin ndo. Ta naꞌa na köo kúu mií Tachi Jesucristo, ta süvi seꞌe ra ku na.

1 Corintios 1:3

Ta ndiꞌi saa kivi ná taxi ni ra ya vaꞌa ndaꞌa ndo, koo vaꞌa ni ndo xiꞌin ya vaꞌa, ya ndi̱niꞌi uun ndo nuu Iva yo Ndioxi xiꞌin Tata yo Jesucristo, kúꞌvi ni ini ra xíni ra ndóꞌo̱.

1 Corintios 10:31

Sundi yeꞌe, ta ya káꞌan i xiꞌin ndo ku ya yóꞌó: Tá íkan ndo ndá ka mií ñaꞌa án ya xíxi ndo ku ya án ya xíꞌi ndo ku ya, ta xaa kaꞌnu ndo ra xaꞌa ndiꞌi va ya.

1 Corintios 16:22

Tá ndá naꞌa köo kúꞌvi ini xíni Tata yo Jesucristo, ta vaꞌa ná nduu na, naꞌa na íyo chiꞌña xiꞌin. Chi xa kama ni va ndiko koo Tata yo Jesucristo.

1 Corintios 6:19

¿Án köo xíni ndo ya kúu ikin kuñu ndo veꞌe ñuꞌu Tachi I̱í Ndioxi, ya ta̱xi ra ndaꞌa ndo íyo ya xiꞌin ndo? ta mií ra ku ra xáꞌnda chiñu nuu ndo.

2 Corintios 1:9

Ta xa iin chi̱kaa va ini nde kuvi nde, chi siloꞌo yuꞌu kuvi nde, ndikuu. Saa ndo̱ꞌo nde ya ná sikuaꞌa nde kundaa ni ini nde kuni nde Ndioxi, ta ná kündaa ni ini nde kuni ndee mií nde, saa chi iindaa Ndioxi ku ra sítaku na ndíi, na xa ndi̱xiꞌi.

2 Corintios 13:14

Ta saa ná niꞌi ni ndo ya vaꞌa nuu Tata yo Jesucristo xiꞌin ya kúꞌvi ni ini Iva yo Ndioxi xíni ra ndóꞌo̱. Saa ná koo Tachi I̱í Ndioxi xiꞌin ndiꞌi ndo ndiꞌi saa ichí. Saa ná koo.

2 Corintios 5:14

Ya kúꞌvi ni ini Jesucristo xíni ra ndeꞌe kua chíndaꞌa ndeꞌe xaa súvi nde chiñu nuu ra, chi ndeꞌe ta kúndaa teꞌe ini nde, iindaa mií ra ku ra ndi̱xiꞌi xaꞌa kuachi ndiꞌi yo ñuu ivi, ta saa ndo̱ꞌo ndiꞌi yo tá íin na ndi̱xiꞌi saa ndu̱u ndiꞌi yo.

2 Corintios 5:19

Ta ya káꞌan i xiꞌin ndo kua, kúni i ná kundaa ini ndo, chi tixin Tata yo Jesucristo kua si̱kitaꞌan mani Ndioxi yoo ñuu ivi yóꞌó xiꞌin mií ra, ta köo ndíkiꞌin ra kuenta xaꞌa kuachi nda iin naꞌa. Saa ta̱xi ra chiñu ndaꞌa ndeꞌe ya ndituꞌun nde xiꞌin na ya ná ndikitaꞌan mani na xiꞌin ra.

Efesios 6:24

Ta mií Ndioxi ná chikaa ni ya vaꞌa ndiꞌi ndóꞌo̱ yáꞌa ni kúꞌvi ini xíni Tata yo Jesucristo. Saa ná koo.

2 Timoteo 1:12

Xaꞌa ya káꞌan ndoso i tuꞌun vaꞌa xaꞌa ra kua ndóꞌo ni i vitin. Sundi köo kúkaꞌán nuu i xaꞌa ya ndóꞌo i. Chi yeꞌe, ta xa kúndaa teꞌe ini i unku ra ndáa ni ini i xíni i, ta ndee ni ndee kúu mií ra ya chindee ra yeꞌe ya xaa súvi i ndiꞌi chiñu ya ta̱xi ra ndaꞌa i xaa súvi i.

HEBREOS 1:6

Tá kivi ti̱ꞌvi Ndioxi Seꞌe ra, ra núnu̱ú ki̱xi ra ñuu ivi yóꞌó ta ndi̱kaꞌan ra xaꞌa ra, káchi ra saa: Ndiꞌi tatun xáa chiñu nuu i ta ná xaa kaꞌnu na Seꞌe i, káchi ra.

2 Pedro 1:1

Yeꞌe, Simón Pedro ra xáa chiñu nuu Tata yo Jesucristo ku i táa tutu ya tíꞌvi i xaa ndaꞌa ndóꞌo̱ ñani yo, na xa iin káchi luvi ni kándixa ra tá kuꞌva kándixa mií nde ra. Saa chi mií Tata yo Jesucristo ra síkaku yoo, ra kúu Iva yo Ndioxi ku iin taa ra ndee ni ndaa ini.

2 Pedro 3:18

Ta ndóꞌo̱ xíniñuꞌu ndo kunitaꞌan vaꞌa ka ndo xiꞌin Tata yo Jesucristo, ra síkaku yoo, ra kúꞌvi ni ini xíni yoo. Ta ná xaa kaꞌnu ni yo ra ndiꞌi saa kivi xiꞌin ndiꞌi kivi ya vaxi. Saa ná koo.

1 Juan 2:23

Ta ndiꞌi na ndíkuaa Jesús, ra kúu Seꞌe Ndioxi, ta kúni kachi ya ndíkuaa tu na Ndioxi va. Ta ndiꞌi na ndíkuni Jesús ya kúu ra Seꞌe Ndioxi ta ndíkuni tu na Iva yo Ndioxi va.

2 Juan 1:9

Ndiꞌi na síndoo ichí ya si̱naꞌa Jesucristo ta ndíkiꞌin na inka ichí kuaꞌan na, ta köo Ndioxi íyo xiꞌin na, sundi na tuun ni ndíkun ichí ya si̱naꞌa ra ta kúu mií na Iva yo Ndioxi xiꞌin Seꞌe ra.