San Juan 5:19 - Xochapa Mixteco

¹⁹ Saa ndi̱kaꞌan Jesús xiꞌin nda káchi ra saa: ―Ya ndaa káꞌan i xiꞌin ndo, ra kúu Seꞌe Ndioxi ta nda iin ñaꞌa küvi ikan mií ra, ndisaa ya xíni ra íkan Iva ra kua íkan ra. Ndiꞌi saa kivi kándixa ra ya káꞌan Iva ra xiꞌin ra.

San Juan 5:19 Iomraidhean Croise

San Mateo 26:39

Saa ke̱e ra kuaꞌan xika loꞌo ka ra, ñaa ndi̱xaa ra si̱kusiti ra ta nda nuu ñuꞌú ndi̱xinu taan ra, ta xa̱á ra káꞌan ra xiꞌin Ndioxi, káchi ra saa: ―Tata Iva mií i, tá tu kúni un ta täxi un kundoꞌo i tindoꞌo yóꞌó, sundi ïkan un ya kúni yeꞌe, vaꞌa ikan un ya kúni mií va un ―káchi Jesús xiꞌin Ndioxi.

San Lucas 21:15

chi mií i chindee ndóꞌo̱, taxi i tuꞌun ndaꞌa ndo kaꞌan ndo xiꞌin na. Ndíchi ni koo tuꞌun taxi i ndaꞌa ndo kaꞌan ndo xiꞌin na ta ni küchiñu na ndikuiin na yuꞌu ndo, chi vaꞌa ni kaꞌan ndo.

San Juan 10:18

Nda iin naꞌa küchiñu kindaa ya táku i ndaꞌa i, chi kúu mií i ichí ya taxi i kutaku i. Chi yeꞌe ta íyo ndee ndaꞌa i ya taxi i mií i kuvi i, ta íyo tu ndee ndaꞌa i ya sitaku i mií va i. Ta ichí yóꞌó kua ta̱xi Iva i ndaꞌa i ―káchi Jesús xiꞌin na.

San Juan 12:49

Chi tuꞌun yuꞌu mií Ndioxi kua ndi̱kaꞌan i xiꞌin ndo, ta süvi tuꞌun mií i kua. Iva i Ndioxi ku ra ti̱ꞌvi yeꞌe vaxi i, ta xa̱ꞌnda ra chiñu nuu i ndá tuꞌun kua kaꞌan i xiꞌin ndo, ta ndá kuꞌva kua ndituꞌun i xiꞌin ndo.

San Juan 12:50

Chi yeꞌe ta xíni i ya xáꞌnda chiñu Ndioxi ku ichí ya táxi kutaku na ndiꞌi saa kúu kivi. Yakan tá íyo ya ndi̱kaꞌan Iva i xiꞌin i kaꞌan i, saa íyo ya káꞌan i ―káchi Jesús xiꞌin na.

San Juan 14:10

¿Án köo kándixa un yeꞌe ya íyo i xiꞌin Iva i, ta Iva i íyo ra xiꞌin i? Ndiꞌi ya káꞌan i xiꞌin ndo ta süvi xiní mií i kána ya káꞌan i xiꞌin ndo. Tuꞌun mií ra kua káꞌan i xiꞌin ndo, ta íkan ra chiñu kúni mií ra tixin yeꞌe.

San Juan 2:19

Saa ndi̱kuiin Jesús ndi̱kaꞌan ra xiꞌin nda, káchi ra saa: ―Tá ná sindiꞌi xaꞌa ndo veꞌe ñuꞌu yóꞌó ta tixin kivi uni ta sikuaꞌa tuku i ya ―káchi ra xiꞌin nda.

San Juan 3:3

Saa ndi̱kuiin Jesús káꞌan ra: ―Ya ndaa ni káꞌan i xiꞌin un, ndiꞌi na täꞌan kaku uvi, ta küchiñu na kiꞌvi na nuu xáꞌnda chiñu Ndioxi ―káchi Jesús xiꞌin ra.

San Juan 5:21

Tá kuꞌva sítaku Iva ra Ndioxi na ndíi ta táxi ra kutaku na, ta saa íkan tu Seꞌe va ra, táxi ra kutaku na kúni mií ra.

San Juan 6:38

Saa chi yeꞌe ta ke̱e i nuu ndivi vaxi i ñuu ivi yóꞌó ikan i ya kúni Ndioxi, ta växi i xaa súvi i ya kúni mií i.

San Juan 8:28

Xaꞌa ya ikán kua ndi̱kaꞌan ra xiꞌin nda, káchi ra saa: ―Vaxi kivi ta iin ichí chinuu sukun ndo yeꞌe, Taa ra xa̱a ñuu ivi yóꞌó. Ta saa kundaa ini ndo ya ndixa kua kúu i taa, ra ndi̱kaꞌan i xiꞌin ndo kúu i. Ta nda iin chiñu köo íkan iindaa mií i, ndisaa ya si̱naꞌa Iva i yeꞌe kua káꞌan i xiꞌin naꞌa.

San Juan 9:4

Ta xíniñuꞌu i xaa súvi i chiñu ra ti̱ꞌvi yeꞌe vaxi i, chi vitin ta tá káa nduvi saa káa ya, ta vaxi kivi ta tá káa ñuu saa nduu ya, ta nda iin naꞌa küchiño xaa chiñu.

Los Hechos 2:24

Sundi tá ndi̱xiꞌi ra ta köo ndi̱taxi Ndioxi ndoo ra ndikaa ra ndaꞌa ya ndíi, chi köo ichí ya ndíi kaꞌnda chiñu ya nuu ra.

ROMANOS 6:4

Saa chi Jesucristo ta ndi̱xiꞌi ra saa ndi̱nduxin ra. Ta saa mií yo tá chíchi yo ta tá íin yo xíꞌi ta ndúxin yo xiꞌin ra, saa íin yo. Tá kuꞌva si̱taku Iva yo Ndioxi Jesucristo xiꞌin ndee chee ni kúu mií ra, saa íyo ya i̱kan ra xiꞌin yo. Saa chi xaꞌa ya iin káchi ndi̱taku yo xiꞌin Jesucristo ta ndu̱u yo naꞌa na xa̱á, yakan xa síin koo yo, vívií ná koo yo nuu Ndioxi.

ROMANOS 8:11

Ndioxi ku ra si̱taku Jesús tá ndi̱xiꞌi ra. Ta suvi ni mií ra si̱taku Cristo Jesús ku ra taxi kutaku ndo. Saa taxi ra kutaku ikin kuñu ndo ya ndíꞌi xaꞌa. Tixin mií Tachi ra ya íyo xiꞌin ndo kua sitaku ra ndoꞌo̱.

1 Corintios 15:12

Ta ndeꞌe káꞌan ndoso nde xaꞌa Tata yo Jesucristo ya ndi̱taku ra, ta ¿ndachu káꞌan sava ndóꞌo̱ xaꞌa naꞌa, na xíꞌi, ya köo ndítaku ka na, káchi ndo?

2 Corintios 4:14

Saa chi ndeꞌe, ta xíni nde ya si̱taku Ndioxi Jesús ta saa sitaku tu ra yoo va. Saa tu ndóꞌo̱ va, iin káchi sitaku ra ndiꞌi yo, ta saa kundaka ra yoo kuꞌun yo xiꞌin ra nuu íyo mií ra.

2 Corintios 5:10

Saa chi xa kúndaa ini yo vaxi kivi ta kundita ndiꞌi yo nuu Tata yo Jesucristo, nuu índuꞌu ra xáa nani ra kuachi. Ta saa kundita yo nuu ra ya xaa nani ra kuachi xiꞌin iin iin yo nuu chaꞌvi ra yoo xaꞌa chiñu i̱kan yo, án ya vaꞌa i̱kan yo, án ya väꞌa i̱kan yo kivi xi̱taku yo ini ikin kuñu yo ñuu ivi yóꞌó.

Efesios 2:5

Tá íin yo xa ndi̱xiꞌi va ndi̱xiyo yo nuu Ndioxi xaꞌa kuachi yo ya väꞌa i̱kan yo nuu ra. Vani tá íin na ndíi saa ndi̱xiyo yo ta si̱taku ra yoo kivi ndi̱kitaꞌan yo xiꞌin Jesucristo. Ndi̱xaꞌvi ni Ndioxi xaꞌa ya vaꞌa ni ra xiꞌin yo, chi ni köo ñaꞌa ndi̱kan yo ta si̱kaku uun ra yoo.

Efesios 3:16

Xíkan ni i ya mani nuu ra ya ná taxi ra Tachi I̱í ra koo ya xiꞌin ndo, saa taxi ra ndee ndaꞌa ndo ya vaꞌa nduxuxa nima ndo xiꞌin tuꞌun ra, ta vaꞌa ikan Ndioxi saa xiꞌin ndo, chi ndee ya kúu mií ra ta chee ni ya ta ni köo ndíꞌi tu xaꞌa va ya.

Filipenses 3:21

Ta ndinama ra ikin kuñu yo ya vita ni kúu mií yo, saa nduu ya tá káa ikin kuñu mií ra, ya luvi ni. Ta xiꞌin ndee kúu mií ra ya xáꞌnda chiñu ra nuu ndiꞌi ñaꞌa kua ndisama ra yoo.

Filipenses 4:13

Ta kúchiñu i xáꞌa ndee ini i xiꞌi ndiꞌi ni kúu va ya, chi Cristo ku ra táxi ndee ndaꞌa i yáꞌa i nuu iin iin ya.

Colosenses 1:11

Ta ná taxi ni ra ndee chee ni ya kúu mií ra ndaꞌa ndo ya ná kuchiñu ndo xaꞌa ndee ni ini ndo xiꞌin ndiꞌi ya uꞌvi ni vaxi nuu ndo.

Colosenses 1:16

Xiꞌin ndee mií ra kua ndi̱kuaꞌa ndiꞌi ni kúu ñaꞌa ya íyo nuu ndivi xiꞌin ya íyo ñuu ivi yóꞌó. Ndiꞌi ñaꞌa ya xíto yo íyo xiꞌin ya täꞌan ka kuni yo, ta mií ra ku ra si̱kuaꞌa ya. Saa si̱kuaꞌa tu ra ndiꞌi nuu tatun ya íyo nuu ndivi, xiꞌin ndiꞌi ndee naꞌnu ya xáꞌnda chiñu ndiꞌi ñaꞌñu xiꞌin ka inka nuu ndiꞌi ndee ya íyo. Ndiꞌi ya ndi̱kuaꞌa ta mií ra ku ra si̱kuaꞌa ndiꞌi ya, xaꞌa mií ra kua ndi̱kuaꞌa ndiꞌi ya.

1 Tesalonicenses 4:14

Chi xaꞌa ya kándixa yo ndi̱xiꞌi Jesús saa kándixa tu yo ya ndi̱taku ra. Ta kuꞌva saa sitaku Ndioxi ndiꞌi yoo kándixa ñaꞌa, sitaku ra yo koo yo xiꞌin Jesús.

1 Pedro 3:18

Saa chi saa kua ndo̱ꞌo tu mií va Tata yo Jesucristo xaꞌa yo, ndi̱xiꞌi ra xaꞌa kuachi yo, ta iindaa ichí ndo̱ꞌo ra ndi̱xiꞌi ra, ta küvi ka ra. Ra vaꞌa ni ndi̱xiyo ra, ta ndi̱xiꞌi ra xaꞌa ndiꞌi yo ivi kuachi ya kuchiñu kundaka ra yoo kuꞌun yo nuu Ndioxi. Tá ndi̱xiꞌi ra ta ndi̱ꞌi xaꞌa ikin kuñu ra, saa tá ndi̱taku ra xiꞌin ikin kuñu ra ya xa̱á küvi kuni yo.

El Apocalipsis 2:23

Ta naꞌa, na kúu seꞌe yá, ta taxi i kueꞌe kuvi ndiꞌi na. Saa kundaa ini ndiꞌi naꞌa, na kándixa yeꞌe ya xíni ndiꞌi i ya íyo nima na xiꞌin ya ndíkani ini na. Ta saa chaꞌvi i iin iin na, tá kuꞌva íyo ya i̱kan na, saa koo yaꞌvi na.