San Juan 5:18 - Xochapa Mixteco

¹⁸ Xaꞌa ya ikán kua kúni ni nda naꞌnu nuu na judío kaꞌni ñaꞌa nda, chi xáa soꞌo ra yáꞌa ra ley na xaꞌa ya síndaꞌa ra naꞌa kivi ndíkundee na, ta saa káꞌan ra Iva ra kúu Ndioxi, ta iin ndása ra mií ra xiꞌin Ndioxi.

San Juan 5:18 Iomraidhean Croise

San Mateo 12:5

¿Án ni täꞌan kaꞌvi tu ndóꞌo̱ va unkua káꞌan ley Ndioxi ya ta̱a ra Moisés? ¿Án su káꞌan ya, nda iin naꞌa küvi xaa chiñu kivi i̱í? Ta ndachu vaꞌa xáa chiñu sutu kivi i̱í veꞌe ñuꞌu, ta nda iin naꞌa köo táxi kuachi xaꞌa nda ya xáa chiñu nda.

San Juan 1:19

Soꞌva ndi̱kuiin ra Juan ra sínaꞌa naꞌa, tá ti̱ꞌvi nda naꞌnu nuu na judío na ndóo ñuu Jerusalén sava nda sutu xiꞌin sava nda levita, nda ndíso chiñu xiꞌin veꞌe ñuꞌu. Ti̱ꞌvi ñaꞌa nda kuaꞌan nda ndakan tuꞌun nda ra, káchi nda saa: ―¿Unku yóꞌo̱? ―káchi nda xiꞌin ra.

San Juan 10:30

Yeꞌe xiꞌin Iva i Ndioxi ta iin ku nde ―káchi Jesús xiꞌin na.

San Juan 10:33

Saa ndi̱kuiin nda káꞌan nda: ―Süvi xaꞌa nda iin ya vaꞌa íkan un kua kúni kaꞌni nde yóꞌo̱. Xaꞌa ya ndi̱kaꞌan un kúu un Ndioxi kua kaꞌni nde yóꞌo̱. Chi ra ivi yóꞌó ku un, ta káꞌan un kúu un Ndioxi ―káchi nda xiꞌin ra.

San Juan 14:23

Saa ndi̱kuiin Jesús, káꞌan ra: ―Na kúꞌvi ini xíni yeꞌe, ta xáa súvi na ya káꞌan i xiꞌin na ta kuꞌvi ini Iva i kuni ra na, ta saa kixi Iva i tin yeꞌe, kixi nde koo nde xiꞌin na.

San Juan 14:9

Saa ndi̱kuiin Jesús káꞌan ra: ―Felipe, xa naꞌá ni íyo i xiꞌin ndo ta, ¿án täꞌan kundaa ini un unku i? Na xíto xiꞌin nuu yeꞌe, ta xíto xiꞌin nuu tu na Iva va i. ¿Ta ndachu káꞌan un xiꞌin i sinaꞌa i ra nuu ndo?

San Juan 19:7

Saa ndi̱kuiin na judío káchi na saa: ―Ndeꞌe ta kúu mií nde ley nuu káꞌan ya kuvi ra, saa chi káꞌan ra xaꞌa ra ya kúu ra Seꞌe Ndioxi káchi ra ―káchi na xiꞌin ra Pilato.

San Juan 5:15

Saa ke̱e ra ikán ndi̱xaꞌan ra ndi̱tuꞌun ra xiꞌin nda judío xaꞌa Jesús, chi Jesús va ku ra si̱ndaꞌa ñaꞌa.

San Juan 5:16

Xaꞌa ya ikán kua xa̱á nda judío ndíkun nda sata Jesús kúni nda kaꞌni ñaꞌa nda, xaꞌa ya síndaꞌa ra naꞌa kivi ndíkundee na.

San Juan 5:17

Ta ndi̱kaꞌan Jesús xiꞌin nda, káchi ra saa: ―Iva i ta ndiꞌi saa kivi xáa chiñu ra, ta saa tu yeꞌe va, ndiꞌi saa kivi xáa chiñu i ―káchi ra xiꞌin nda.

San Juan 5:23

chi kúni Ndioxi ya ná xaa toꞌo ndiꞌi na Seꞌe ra, tá kuꞌva xáa toꞌo na mií ra, saa ná xaa toꞌo na Seꞌe ra. Saa chi ndiꞌi na köo xíin xaa toꞌo Seꞌe ra, ta kúni kachi ya köo xáa toꞌo na Iva ra, ra ti̱ꞌvi ra vaxi.

San Juan 7:1

Tá ndiꞌi ndi̱yaꞌa tiempo, saa xa̱á xíka Jesús ñuu ya ñúꞌu estado Galilea, ta xïin ka ra kaka ra estado Judea chi nda naꞌnu nuu na judío ta ndúku nda kaꞌni ñaꞌa nda.

San Juan 7:19

’¿Án süvi ya ndaa kua si̱ndoo ra Moisés ley Ndioxi ndaꞌa ndo?, ta nda iin ndo köo xáa súvi ya káꞌan ya. ¿Ndachu kúni ndo kaꞌni ndo yeꞌe? ―káchi Jesús xiꞌin nda.

San Juan 8:54

Saa ndi̱kuiin Jesús káꞌan ra: ―Tá ná chinuu vaꞌa i tuꞌun i, ta köo ndá yaꞌvi ya káꞌan i xaꞌa i. Sundi Iva i ra káꞌan ndo kúu Ndioxi ndo, ra ikán ku ra chínuu vaꞌa tuꞌun i.

San Juan 8:58

Saa ndi̱kuiin Jesús káꞌan ra, káchi ra saa: ―Ya ndaa ni káꞌan i xiꞌin ndo, tá täꞌan ka vi koo ra Abraham, ta yeꞌe ta xa íyo va i ―káchi ra xiꞌin nda.

Filipenses 2:6

chi mií ra, vani Ndioxi ku ra, tá kuꞌva íyo Iva ra Ndioxi saa káa ra, ta köo iin tuun ndíndasa ra mií ra ya kúu ra Ndioxi,

El Apocalipsis 22:1

Saa si̱naꞌa tatun ikán iin i̱tà nuu i, ta ndee ni yaa rá, ta rá ikán ku rá táxi ichí ya kutaku naꞌa ndiꞌi saa kivi xiꞌin Ndioxi. Ta kána koo rá nuu ndíchi tai toꞌo nuu índuꞌu Ndioxi xiꞌin Levo loꞌo. Tá kuꞌva yéꞌe̱ taxan vidrio, saa yéꞌe̱ rá.

El Apocalipsis 22:3

Ta köo ka nda iin ya väꞌa, ya íyo chiꞌña ñuu i̱í ikán. Saa chi mií Ndioxi ku ra kaꞌnda chiñu xiꞌin Levo loꞌo xiꞌin ndiꞌi na xáa chiñu nuu ra ku na koo ya xaa toꞌo na ra.