San Juan 4:9 - Xochapa Mixteco

⁹ Saa ndi̱kuiin yá káꞌan yá: ―¿Ndachu ndúku un tikuii nuu i koꞌo un, ta yóꞌo̱ judío ku un, ta yeꞌe yá Samaria ku i? ―káchi yá xiꞌin ra. Saa káꞌan yá xiꞌin ra saa chi na judío xiꞌin na Samaria ta köo ítaꞌan vaꞌa na xiꞌin taꞌan na.

San Juan 4:9 Iomraidhean Croise

San Mateo 10:5

Saa ti̱ꞌvi ra uxi uvi saa nda ikán kuaꞌan nda, ta ndi̱kaꞌan ra xiꞌin nda, káchi ra saa: ―Küꞌun ndo ñuu nuu ndóo naꞌa, na köo kúu judío, ni nda iin ñuu nuu ndóo na Samaria küꞌun ndo.

San Lucas 10:33

Saa ku̱u ta ndi̱yaꞌa tu iin ra ke̱e chí estado Samaria va, ndi̱yaꞌa ra nuu índuꞌu ra ti̱kueꞌe ikán. Ñaa ku̱ndaꞌvi ni ini ra xi̱ni ñaꞌa ra.

San Juan 4:27

Saa káꞌan na xiꞌin taꞌan na ta xa̱a va nda ítaꞌan xiꞌin ra. Ta ndi̱kanda ni ini nda xíto nda nuu ra xaꞌa ya káꞌan ra xiꞌin iin ñaꞌa, ta nda iin nda köo ndi̱ndakan tuꞌun ñaꞌa unkua kúni ra án ndá xaꞌa kua káꞌan ra xiꞌin yá.

San Juan 8:48

Saa ndi̱kaꞌan nda naꞌnu nuu na judío xiꞌin ra káchi nda saa: ―Xíni vaꞌa nde ndi̱kaꞌan nde xiꞌin un ya ke̱e un ñuu Samaria, ta kúu mií un tachi nduvaꞌa ―káchi nda xiꞌin ra.

Los Hechos 1:8

Sundi tá ná kixi Tachi ra sata ndo, ta saa kuu mií ndo ndee Ndioxi, nda saa kua kee ndo kuꞌun ndo ndituꞌun ndo xaꞌa i xiꞌin na ñuu Jerusalén yóꞌó. Xiꞌna na ñuu yóꞌó kuꞌun ndo ndituꞌun ndo xiꞌin, saa kuꞌun ndo ndituꞌun ndo xiꞌin ndiꞌi na ndóo estado Judea, tá ndiꞌi, saa kuꞌun ndo ndituꞌun tu ndo xiꞌin ndiꞌi na ndóo estado Samaria iin saa kuꞌun ndo ndiꞌi ni kuu ñuu ivi ndituꞌun ndo xiꞌin naꞌa xaꞌa i ―káchi Jesús xiꞌin nda.

Los Hechos 10:28

Ñaa ndi̱kaꞌan ra xiꞌin na, káchi ra saa: ―Xíni mií ndo, ndeꞌe raza na judío ta küvi ndi̱kitaꞌan nde xiꞌin na án kuyati nde nuu na köo kúu judío, chi na yakua ku na nuu nde, káꞌán nde. Sundi Ndioxi ta si̱tuvi ra nuu i ndi̱kaꞌan ra xiꞌin i: küvi kaꞌan nde xiꞌin nda iin naꞌa ya yakua na.

Los Hechos 10:32

Ta vitin tiꞌvi un naꞌa ná kuꞌun na ñuu Jope ndikiꞌin na ra Simón, ra káꞌan na xiꞌin Pedro íyo ra veꞌe iin ra náni Simón ra xáa chiñu xiꞌin iín kiti, ta yati yuꞌu nduta ñûꞌu íyo veꞌe ra ikán. Tá ná kixi ra, ta ndituꞌun ra xiꞌin un”, káchi tatun ikán xiꞌin i.