San Juan 4:8 - Xochapa Mixteco

⁸ Ta nda ítaꞌan xiꞌin ra, ke̱e nda kuaꞌan nda sata nda ñaꞌa kuxi Jesús xiꞌin nda.

San Juan 4:8 Iomraidhean Croise

San Lucas 9:13

Ta saa ndi̱kuiin ra yuꞌu nda, káchi ra saa: ―Vaꞌa taxi mií ndo ñaꞌa ná kuxi na ―káchi ra xiꞌin nda. Ñaa ndi̱kuiin nda, káchi nda saa: ―Tata, köo mií ñaꞌa taxi nde ndaꞌa na, uꞌun ndaa va ku xita vaꞌa ndíso nde xiꞌin uvi tiaka va, näni vi ya yóꞌó kuxi na, yáꞌa ni kuaꞌa ku na. Tá tu kúni un ta vaꞌa kuꞌun nde sata nde ya kuxi na ndá ñuu niꞌi nde ya ―káchi nda xiꞌin ra.

San Juan 2:2

Saa tu mií va ra ka̱na na ra kuaꞌan ra nuu viko ikán xiꞌin nda ítaꞌan xiꞌin ra.

San Juan 4:27

Saa káꞌan na xiꞌin taꞌan na ta xa̱a va nda ítaꞌan xiꞌin ra. Ta ndi̱kanda ni ini nda xíto nda nuu ra xaꞌa ya káꞌan ra xiꞌin iin ñaꞌa, ta nda iin nda köo ndi̱ndakan tuꞌun ñaꞌa unkua kúni ra án ndá xaꞌa kua káꞌan ra xiꞌin yá.

San Juan 4:39

Ta kuaꞌa ni mií na ñuu Samaria ikán ka̱ndixa Jesús xaꞌa tuꞌun ya ndi̱kaꞌan mií yá ñuu na xiꞌin na, chi ndi̱tuꞌun ndiꞌi yá xiꞌin na káchi yá saa: “Iin ndi̱kaꞌan ndiꞌi ra xiꞌin i xaꞌa ya íkan i”, káchi yá xiꞌin na.

San Juan 4:5

Saa ku̱u ta ndi̱xaa ra estado Samaria, nuu ndíkaa ñuu ya náni Sicar, yati nuu íin ñuꞌú ya si̱niꞌi ra Jacob nuu ra José seꞌe ra.

San Juan 4:7

Saa ndi̱xaa iin yá ke̱e ñuu Samaria táva yá tikuii, ñaa ndi̱kaꞌan Jesús xiꞌin yá káchi ra saa: ―Taxi loꞌo tikuii koꞌo i ―káchi ra xiꞌin yá.