San Juan 4:48 - Xochapa Mixteco

⁴⁸ Ta saa ndi̱kaꞌan Jesús xiꞌin ra, káchi ra saa: ―Ndóꞌo̱, ta xïin ndo kandixa ndo yeꞌe. Nda kuni ndo yatuꞌun Ndioxi íkan i án iin seña kuni ndo ta saa vi kandixa ndo yeꞌe ―káchi Jesús.

San Juan 4:48 Iomraidhean Croise

San Mateo 16:1

Saa ndi̱xaa nda fariseo xiꞌin nda saduceo nuu Jesús. Ndi̱xaa nda xíto ndoso nda ra, yakan káꞌan nda xiꞌin ra, ikan ra yatuꞌun kuni nda ya kundaa ini nda án ndixa ra ke̱e nuu Ndioxi ku ra.

San Mateo 24:24

Chi kana koo kuaꞌa ni na vata kachi na saa: “Yeꞌe ku ra ku Cristo ra ti̱ꞌvi Ndioxi”, án “Yeꞌe ku profeta ra káꞌan ndoso tuꞌun yuꞌu Ndioxi”, kachi na, ta süvi na ndaa ku na. Ikan na yatuꞌun nuu sindaꞌvi na naꞌa, saa ndikanda ni ini na xiꞌin ya vata ikan na nuu naꞌa, ta nda na ndi̱kaxin Ndioxi kuni na sindaꞌvi na.

San Mateo 27:42

―Ku̱chiñu ra si̱kaku ra inka naꞌa, ta köo kúchiñu ra sikaku ra mií ra. Tá tu ndixa ra rey nuu na Israel ku ra, ta vaꞌa ná sinuu ra mií ra nuu cruzin saa kuchiñu yo kandixa ñaꞌa yo.

San Marcos 13:22

Saa chi kuaꞌa ni nda taa vata kixi, kaꞌan nda, nda ikán ku nda ti̱ꞌvi Ndioxi sikaku na ñuu ivi yoꞌo, án nda ikán ku profeta nda vaxi kaꞌan ndoso tuꞌun yuꞌu ra, kachi nda. Ta kuaꞌa ni yatuꞌun ikan nda, saa ikan nda ya ndíchi ni nuu na ya sindaꞌvi nda na, nda sava na ndi̱kaxin Ndioxi kuni nda sindaꞌvi nda.

San Lucas 10:18

Saa ndi̱kaꞌan ra xiꞌin nda, káchi ra saa: ―Yeꞌe ta xi̱ni va i kiti nǎꞌa, kiti Satanás, ke̱ta ri nuu ndivi. Tá káa iin taxan, saa káa ri ndi̱kava ri nuu ñuꞌú.

San Lucas 16:31

Ñaa ndi̱kaꞌan ra Abraham, káchi ra saa: “Tá tu köo xíin nda kuni soꞌo nda nda ya ta̱a ra Moisés ni ya ta̱a nda ndi̱kaꞌan ndoso tuꞌun yuꞌu Ndioxi ta ni ná nditaku na ndíi kuꞌun na kaꞌan na xiꞌin nda ta küaꞌa vi nda kuni soꞌo nda”, káchi ra Abraham xiꞌin ra kuika ikán. Soꞌva káchi tuꞌun ndíchi ikán ―káchi Jesús xiꞌin na.

San Juan 12:37

Ni kuaꞌa ni yatuꞌun Ndioxi xi̱ni na judío íkan Jesús ta köo ndi̱xiin na kandixa ñaꞌa na.

San Juan 15:24

Tá tu köo yatuꞌun ndi̱xini na ikan i ta köo kuachi na, ndikuu, sundi xi̱ni na ya, ta saa ni kúndasi nuu na xíni na yeꞌe ta kúndasi nuu tu na xíni na Iva va i. Ta kuaꞌa ni yatuꞌun i̱kan i nda iin na köo ndi̱kan taꞌan ya i̱kan i.

San Juan 2:18

Saa ndi̱ndakan tuꞌun nda chiñu nuu na judío Jesús káchi nda saa: ―¿Ndá yatuꞌun kua táxi un kuni nde ya kúu mií un ichí ikan un saa? ―káchi nda xiꞌin ra.

San Juan 20:29

Saa ndi̱kaꞌan Jesús xiꞌin ra, káchi ra saa: ―Tomás, kándixa un yeꞌe vitin saa chi xi̱ni un yeꞌe. Ta vaꞌa ni kée na köo ndi̱xini yeꞌe, ta kándixa na yeꞌe ―káchi Jesús xiꞌin ra.

San Juan 4:49

Saa ndi̱kuiin ra chiñu ikán káꞌan ra, káchi ra saa: ―Tata, kama loꞌo kixi un ndáꞌvi i, koto ka kuvi seꞌe i ―káchi ra.

Los Hechos 14:3

Xaꞌa ya ikán kua ndi̱ndoo naꞌá ka ra Pablo xiꞌin ra Bernabé xiꞌin na, ta ndi̱nuni loꞌo káꞌan ndoso nda tuꞌun Tata yo. Xaꞌa ya kúꞌvi ini ra xíni ra yoo, yakan ta̱xi ra ndee ra ndaꞌa nda íkan nda yatuꞌun ra.

Los Hechos 15:12

Ñaa vaꞌa ka ku̱taxin yuꞌu nda, ta xa̱á nda xíni soꞌo nda ya káꞌan ra Pablo xiꞌin ra Bernabé. Ndítuꞌun nda xiꞌin na xaꞌa yatuꞌun ndee ni i̱kan Ndioxi xiꞌin naꞌa tá ndi̱xaꞌan nda ndi̱kaꞌan ndoso nda tuꞌun ra xiꞌin na köo kúu judío.

Los Hechos 2:19

Ta sinaꞌa i ñaꞌa nuu ndivi ya kuni na, ñaa ndikanda ni ini na, koo seña ñuu ivi yóꞌó ikan i. Kuni na ni̱í ta kuni na koko ni ñu̱ꞌu̱. Saa koo ni tu iꞌma va, nda tá káa viko, saa koo ya.

Los Hechos 2:22

’Nda taꞌan yo nda ñuu Israel, kuni soꞌo ndo ya kaꞌan i xiꞌin ndo xaꞌa Jesús, ra ñuu Nazaret. Iin taa ra vaꞌa ni ku ra. Suvi mií Ndioxi ku ra ndi̱kaxin ra i̱kan ra kuaꞌa ni ya vaꞌa, chi̱ndee ni ra yoo, i̱kan ni ra yatuꞌun Ndioxi nuu yo. Ta tixin ndiꞌi ya yóꞌó si̱naꞌa Ndioxi yoo ndá taa ku Jesús.

Los Hechos 2:43

Ta ndíkanda ni ini ndiꞌi na xíto na yatuꞌun íkan nda apóstol.

Los Hechos 4:30

Ta chindee un ndeꞌe xiꞌin ndee un, tixin Seꞌe un Jesús ra i̱í. Sindaꞌa un na kúꞌvi, saa ikan un yatuꞌun un ná kuni naꞌa ―káchi na xiꞌin Ndioxi.

Los Hechos 5:12

Ñaa xa̱á nda apóstol íkan nda kuaꞌa ni yatuꞌun Ndioxi tañu na ñuu. Ta ndiꞌi saa ichí ndíkitaꞌan ndiꞌi na ndíkun Jesús ini corredor ra Salomón ya ndíkaa mií veꞌe ñuꞌu kaꞌnu.

Los Hechos 6:8

Ta ra Esteban kúu iin ta̱a, ra̱ ndee ni íyo ya vaꞌa xiꞌin saa ndee ni íyo ndee Ndioxi xiꞌin ra yakan vaꞌa i̱kan ni ra̱ yatuꞌun Ndioxi nuu na ñuu.

Los Hechos 7:36

Ta ra Moisés ku ra ta̱va xii sikua yo ke̱e na ñuu Egipto. Kuaꞌa ni yatuꞌun Ndioxi si̱naꞌa ra nuu na ñuu Egipto ya ná kuni na ndee Ndioxi. Saa i̱kan tu ra tá ndi̱yaꞌa na nuu nduta ñûꞌu, rá náni Nduta Ñûꞌu Kuáꞌa. I̱kan tu ra yatuꞌun Ndioxi tá ndi̱xika na iku yuyu tixin uvi xiko kuiya va.

ROMANOS 15:19

Ndixaꞌvi ni mií Ndioxi xaꞌa Tachi I̱í ra, saa chi chíndee ya yeꞌe íkan i yatuꞌun nuu na xiꞌin ya vaꞌa ni, ta soꞌva kua síxinu i tuꞌun vaꞌa xaꞌa Jesucristo. Nda ñuu Jerusalén kua xa̱á i káꞌan ndoso i tuꞌun vaꞌa xaꞌa ra, iin saa ndi̱xaa i nda ñuu Ilírico, ndi̱xika ndiꞌi i ndi̱kaꞌan i xiꞌin na xaꞌa tuꞌun vaꞌa ya síkaku mií na.

1 Corintios 1:22

Na judío ta xiꞌna kúni na kuni na yatúꞌun Ndioxi, saa kandixa na, ta na griego ta ya ndee ni kúni na kuni soꞌo na ku tuꞌun ya ndíchi ni, saa kandixa na.

2 Corintios 12:12

Xiꞌin ndiꞌi ni kúu ya vaꞌa xiꞌin yatuꞌun ya i̱kan i xi̱ni ndo ya ñaa kua káꞌan xaꞌa i ya kúu i iin ra apóstol, ra xíka chiñu nuu Tata yo Jesucristo. Saa chi kaꞌnu ni ndi̱xiyo ini i xiꞌin ndo.

2 Tesalonicenses 2:9

Ta kivi ná ndituvi ra nduvaꞌa ikán ñuu ivi yóꞌó ta xiꞌin ndee kiti nǎꞌa kua ndituvi ra, ta ndee ni ndee kuu mií ra, ikan ni ra yatuꞌun nuu naꞌa, saa ndikanda ni ini na kuni na ra xiꞌin ya vata ikan ra nuu na.

HEBREOS 2:4

Ta si̱naꞌa teꞌe Ndioxi yoo, ya ndaa ku tuꞌun ra, chi kuaꞌa ni nuu seña ya täꞌan kuni yo si̱naꞌa ra nuu yo, xiꞌin ndee vaꞌa ni xiꞌin yatuꞌun si̱naꞌa ra nuu yo, ta tixin Tachi I̱í ra kua ta̱xi ndiꞌi ra ya yóꞌó ndaꞌa yo tá kuꞌva chi̱tuni mií ra, saa i̱kan ra xiꞌin yo.