San Juan 4:41 - Xochapa Mixteco

⁴¹ Ta kuaꞌa ni ka na ka̱ndixa ñaꞌa, chi xi̱ni soꞌo na ya ndi̱kaꞌan mií ra xiꞌin na.

San Juan 4:41 Iomraidhean Croise

San Lucas 4:32

Ta ndi̱kanda ni ini ndiꞌi na xíni soꞌo ya sínaꞌa ra. Saa chi ndee ni ndee kúu mií tuꞌun káꞌan ra.

San Juan 4:40

Ñaa ndi̱xaa mií na ñuu Samaria nuu Jesús ta ndi̱xikan na ya mani nuu ra ya ndoo ra xiꞌin na, saa ndi̱ndoo ra xiꞌin na uvi kivi.

San Juan 4:42

Saa ndi̱kaꞌan na xiꞌin yá ikán, káchi na saa: ―Ndinuꞌu ni ini nde kándixa ñaꞌa nde, saa chi süvi iindaa yóꞌo̱ ndi̱kaꞌan xiꞌin nde, xi̱ni soꞌo mií nde ya káꞌan ra, ta kúndaa ini nde ya ndixa kua, ra yóꞌó ku ra ku Cristo ra vaxi sikaku na ñuu ivi yóꞌó ―káchi na xiꞌin yá.

San Juan 6:63

Saa ndi̱kaꞌan ka ra xiꞌin na, káchi ra saa: ―Iindaa Tachi Ndioxi ku ya kúu mií ndee táxi ya kutaku naꞌa, ta nda iin na ñuu ivi köo kúu mií ndee ya taxi na kutaku naꞌa. Ta ndiꞌi tuꞌun ya ndi̱kaꞌan i xiꞌin ndo, ku tuꞌun Tachi Ndioxi ta kúu mií ya ndee táxi ya táku ndo.

San Juan 7:46

Saa ndi̱kuiin na ikán káꞌan na, káchi na saa: ―Nda iin naꞌa köo káꞌan tá kuꞌva káꞌan ra ikán ―káchi na.

Los Hechos 1:8

Sundi tá ná kixi Tachi ra sata ndo, ta saa kuu mií ndo ndee Ndioxi, nda saa kua kee ndo kuꞌun ndo ndituꞌun ndo xaꞌa i xiꞌin na ñuu Jerusalén yóꞌó. Xiꞌna na ñuu yóꞌó kuꞌun ndo ndituꞌun ndo xiꞌin, saa kuꞌun ndo ndituꞌun ndo xiꞌin ndiꞌi na ndóo estado Judea, tá ndiꞌi, saa kuꞌun ndo ndituꞌun tu ndo xiꞌin ndiꞌi na ndóo estado Samaria iin saa kuꞌun ndo ndiꞌi ni kuu ñuu ivi ndituꞌun ndo xiꞌin naꞌa xaꞌa i ―káchi Jesús xiꞌin nda.

Los Hechos 15:3

Saa ti̱ꞌvi na veꞌe ñuꞌu Antioquía nda kuaꞌan nda ñuu Jerusalén. Tá kuaꞌan nda ta ndi̱yaꞌa nda estado Fenicia xiꞌin estado Samaria. Iin iin ñuu ikán ndi̱yaꞌa nda ndítuꞌun nda xiꞌin na ndíkun Jesús ya xa kuaꞌa ni na köo kúu judío ndíkundikun ichí Ndioxi. Saa kúsini ni na ikán xaꞌa ya xíni soꞌo na káꞌan nda xiꞌin na.

Los Hechos 8:12

Ta saa tá ka̱ndixa na tuꞌun ya káꞌan ndoso ra Felipe xiꞌin na xaꞌa ichí nuu xáꞌnda chiñu Ndioxi tin xaꞌa kivi Jesús. Ñaa ndikun chi̱chi na, nda taa tin ná síꞌi ku na chi̱chi.

Los Hechos 8:25

Sindiꞌi tá ndi̱kaꞌan ndoso ra Pedro xiꞌin ra Juan tuꞌun vaꞌa xaꞌa Jesús ya ti̱ꞌvi Ndioxi ra ki̱xi ra sikaku ra yo ñuu ivi yóꞌó, ta ndi̱xika nda mií ñuu Samaria ndi̱tuꞌun nda xiꞌin naꞌa. Ta saa ndi̱ko koo tuku nda kuaꞌan nda ñuu Jerusalén, ta ndítuꞌun nda xiꞌin ndiꞌi na ndóo ñuu vali nuu yáꞌa nda kuaꞌan nda ichí.

HEBREOS 4:13

Nda iin ñaꞌa ya si̱kuaꞌa Ndioxi küvi tiseꞌe ya nuu ra, saa chi mií ra si̱kuaꞌa ndiꞌi ya, ta íyo túvi ndiꞌi ya nuu ra. Ta suvi mií ra ku ra xaꞌa yo kuenta nuu xaꞌa ndiꞌi ñaꞌa ya íkan yo.