San Juan 4:39 - Xochapa Mixteco

³⁹ Ta kuaꞌa ni mií na ñuu Samaria ikán ka̱ndixa Jesús xaꞌa tuꞌun ya ndi̱kaꞌan mií yá ñuu na xiꞌin na, chi ndi̱tuꞌun ndiꞌi yá xiꞌin na káchi yá saa: “Iin ndi̱kaꞌan ndiꞌi ra xiꞌin i xaꞌa ya íkan i”, káchi yá xiꞌin na.

San Juan 4:39 Iomraidhean Croise

San Mateo 10:5

Saa ti̱ꞌvi ra uxi uvi saa nda ikán kuaꞌan nda, ta ndi̱kaꞌan ra xiꞌin nda, káchi ra saa: ―Küꞌun ndo ñuu nuu ndóo naꞌa, na köo kúu judío, ni nda iin ñuu nuu ndóo na Samaria küꞌun ndo.

San Juan 1:37

Tá xi̱ni soꞌo uvi saa nda ítaꞌan xiꞌin ra ya ndi̱kaꞌan ra xaꞌa Jesús, ta saa ndi̱kundikun nda Jesús.

San Juan 11:45

Ta kuaꞌa ni mií na judío ndi̱xaa ndóo xiꞌin yá María xi̱ni ya i̱kan Jesús ta saa ka̱ndixa ñaꞌa na.

San Juan 4:29

―Naꞌa ndo koto ndo iin ra taa ta ndi̱kaꞌan ndiꞌi ra xiꞌin i xaꞌa ya íkan i. Ta ¿án süvi ra kúu Cristo ku ra? ―káchi yá xiꞌin na.

San Juan 4:30

Ñaa ka̱na koo ndiꞌi na ñuu kuaꞌan na koto na nuu íin Jesús.

San Juan 4:38

Tíꞌvi i ndóꞌo̱ kuꞌun ndo sikee ndo nuu köo ndi̱chiꞌi ndo, inka na chi̱ꞌi ta ndóꞌo̱ ku ndo vaꞌa ni kée xiꞌin ñaꞌa ya chi̱ꞌi na ikán ―káchi Jesús xiꞌin nda ítaꞌan xiꞌin ra.

San Juan 4:40

Ñaa ndi̱xaa mií na ñuu Samaria nuu Jesús ta ndi̱xikan na ya mani nuu ra ya ndoo ra xiꞌin na, saa ndi̱ndoo ra xiꞌin na uvi kivi.

San Juan 4:42

Saa ndi̱kaꞌan na xiꞌin yá ikán, káchi na saa: ―Ndinuꞌu ni ini nde kándixa ñaꞌa nde, saa chi süvi iindaa yóꞌo̱ ndi̱kaꞌan xiꞌin nde, xi̱ni soꞌo mií nde ya káꞌan ra, ta kúndaa ini nde ya ndixa kua, ra yóꞌó ku ra ku Cristo ra vaxi sikaku na ñuu ivi yóꞌó ―káchi na xiꞌin yá.

San Juan 4:5

Saa ku̱u ta ndi̱xaa ra estado Samaria, nuu ndíkaa ñuu ya náni Sicar, yati nuu íin ñuꞌú ya si̱niꞌi ra Jacob nuu ra José seꞌe ra.

San Juan 4:8

Ta nda ítaꞌan xiꞌin ra, ke̱e nda kuaꞌan nda sata nda ñaꞌa kuxi Jesús xiꞌin nda.