San Juan 4:30 - Xochapa Mixteco

³⁰ Ñaa ka̱na koo ndiꞌi na ñuu kuaꞌan na koto na nuu íin Jesús.

San Juan 4:30 Iomraidhean Croise

San Mateo 20:16

Saa sindiꞌi Jesús ndi̱kaꞌan ra, káchi ra saa: ―Ta vaꞌa ná kundaa ini ndo, chi na núnu̱ú ku na nduu na sindiꞌi, ta na sindiꞌi ku na nduu na núnu̱ú. Saa chi kuaꞌa ni naꞌa ka̱na Ndioxi, ta loꞌo ni ku na ndi̱kaxin ra ―káchi Jesús xiꞌin na.

San Juan 4:29

―Naꞌa ndo koto ndo iin ra taa ta ndi̱kaꞌan ndiꞌi ra xiꞌin i xaꞌa ya íkan i. Ta ¿án süvi ra kúu Cristo ku ra? ―káchi yá xiꞌin na.

San Juan 4:31

Ta nda ítaꞌan xiꞌin ra, ndinuni loꞌo káꞌan nda xiꞌin ra, káchi nda saa: ―Rabí, kuxi loꞌo un ―káchi nda xiꞌin ra.

San Juan 4:39

Ta kuaꞌa ni mií na ñuu Samaria ikán ka̱ndixa Jesús xaꞌa tuꞌun ya ndi̱kaꞌan mií yá ñuu na xiꞌin na, chi ndi̱tuꞌun ndiꞌi yá xiꞌin na káchi yá saa: “Iin ndi̱kaꞌan ndiꞌi ra xiꞌin i xaꞌa ya íkan i”, káchi yá xiꞌin na.

Los Hechos 10:33

Tá ndi̱kaꞌan ya xiꞌin i ta ndikun ti̱ꞌvi i nda yóꞌó kuaꞌan nda ndikiꞌin nda yóꞌo̱. Vaꞌa ni kúu xa̱a un, ndi̱xaꞌvi un xaꞌa ya vaxi un. Ta vitin ndi̱kitaꞌan ndiꞌi nde ndóo nde kúni nde kuni soꞌo nde ya ndi̱kaꞌan Ndioxi xiꞌin un kaꞌan un xiꞌin nde ―káchi ra Cornelio xiꞌin ra Pedro.

Los Hechos 13:42

Tá ndi̱ꞌi ndi̱kaꞌan ra xiꞌin nda, saa ke̱ta ra ini veꞌe ñuꞌu sinagoga xiꞌin nda taꞌan ra. Ñaa ndi̱xikan nda köo kúu judío ya mani nuu nda, ya ná kuꞌun tuku nda inka kivi ndíkundee na, ndi̱tuꞌun nda xaꞌa suvi ya xa ndi̱kaꞌan nda.

Los Hechos 28:28

Saa ndi̱kaꞌan ka ra Pablo xiꞌin na, káchi ra saa: ―Ta vaꞌa ná kundaa ini ndo vitin chi xaꞌa ya tuun ni nima ndo yakan kuꞌun i ndituꞌun i xiꞌin na köo kúu judío xaꞌa ya kúni Ndioxi sikaku ra na, chi na ikán ta kuni soꞌo va na ―káchi ra Pablo xiꞌin na.

ROMANOS 5:20

Tá ta̱xi Ndioxi ley ra ndaꞌa na, saa kua ku̱ndaa ini na ya ndee ni íyo kuachi na nuu ra. Tá ndee ni nda̱a kuachi na ta saa ndee ni ka ndaa tu ya vaꞌa i̱kan Ndioxi xiꞌin va na, xaꞌa ya kúꞌvi ni ini ra xíni ra na.