San Juan 4:3 - Xochapa Mixteco

³ Saa ke̱ta Jesús estado Judea ta ndiko koo tuku ra kuaꞌan ra chí estado Galilea.

San Juan 4:3 Iomraidhean Croise

San Mateo 10:23

Tá sítixuꞌvi na ndóꞌo̱ iin ñuu, ta kana koo ndo kuꞌun ndo inka ñuu. Ya ndixa káꞌan i xiꞌin ndo, täꞌan ka vi sindiꞌi ndo ndikani ndo tuꞌun Ndioxi nuu ndiꞌi na ñuu Israel ta yeꞌe, Taa ra xa̱a ñuu ivi yóꞌó ta xa ndiko koo tuku va i ñuu ivi yóꞌó.

San Marcos 3:7

Saa ke̱e Jesús kuaꞌan ra chí yuꞌu nduta ñûꞌu xiꞌin nda ítaꞌan xiꞌin ra, ta kuaꞌá ka vi na ke̱e ndiꞌi ni kúu ñuu estado Galilea kuaꞌan sata ra.

San Lucas 17:11

Tá kuaꞌan Jesús ñuu Jerusalén ta ndi̱yaꞌa ra ichí nuu ndíkitaꞌan ñuꞌú na Samaria xiꞌin ñuꞌú na Galilea.

San Juan 1:43

Ta ndi̱tuvi inka kivi ku̱ni Jesús kuꞌun ra estado Galilea, ta saa ndi̱taꞌan ra, ra Felipe. Ta ndi̱kaꞌan ra xiꞌin ra, káchi ra saa: ―Naꞌa koꞌyo xiꞌin i ―káchi Jesús xiꞌin ra.

San Juan 10:40

Saa ndi̱kiꞌin tuku Jesús kuaꞌan ra inka ñaꞌñu yuꞌu ita Jordán. Ikán ndi̱ndoo ra nuu ndi̱xiyo ra Juan si̱kuchi ra naꞌa yachi.

San Juan 11:54

Xaꞌa ya ikán kua köo ndi̱xika ndikuu ra tañu na judío. Ku̱xika ra nuu na ke̱ta ra kuaꞌan ra estado Judea ta ndi̱kiꞌin ra kuaꞌan ra yati iku yuyu iin ñuu náni Efraín. Ta ikán ndi̱ndoo ra xiꞌin nda ítaꞌan xiꞌin ra.

San Juan 2:11

Yatuꞌun yóꞌó ku ya núnu̱ú i̱kan Jesús ñuu Caná, estado Galilea. Xaꞌa ya i̱kan ra ya yóꞌó ta si̱naꞌa ra naꞌa ya ndee ni ndee kúu mií ra. Ta ka̱ndixa ñaꞌa nda ítaꞌan xiꞌin ra.

San Juan 3:22

Saa ku̱u ndi̱yaꞌa sava kivi, ta ke̱e Jesús kuaꞌan ra xiꞌin nda ítaꞌan xiꞌin ra ñuꞌú Judea. Saa ndi̱xiyo nda uvi ndaá kivi xiꞌin na ñuu ikán, ta si̱kuchi ra na.

San Juan 3:32

Ta ra ikán káꞌan ra xaꞌa ñaꞌa ya xi̱ni soꞌo ra tin ya xi̱ni ra, ta nda iin na köo xíin kandixa ya káꞌan ra.

San Juan 4:47

Saa tá ku̱ndaa ini ra tuꞌun xaꞌa Jesús ya ke̱e ra estado Judea ta ndi̱xaa ra estado Galilea, ta ke̱e ra ikán ndi̱xaꞌan ra nuu ra ndi̱kaꞌan ra xiꞌin ra ya kuꞌun ra xiꞌin ra veꞌe ra sindaꞌa ra seꞌe ra, saa chi ndée ni ndee ndóꞌo seꞌe ra ta xa yati kuvi ra.

San Juan 7:1

Tá ndiꞌi ndi̱yaꞌa tiempo, saa xa̱á xíka Jesús ñuu ya ñúꞌu estado Galilea, ta xïin ka ra kaka ra estado Judea chi nda naꞌnu nuu na judío ta ndúku nda kaꞌni ñaꞌa nda.