San Juan 4:26 - Xochapa Mixteco

²⁶ Saa ndi̱kaꞌan Jesús xiꞌin yá, káchi ra saa: ―Ra káꞌan un xaꞌa ñaa ku yeꞌe va ―káchi ra xiꞌin yá.

San Juan 4:26 Iomraidhean Croise

San Mateo 16:20

Saa ndi̱kaꞌan Jesús xiꞌin nda ítaꞌan xiꞌin ra, ya ná käꞌan nda xiꞌin nda iin naꞌa ya kúu ra Cristo ra ti̱ꞌvi Ndioxi vaxi sikaku na ñuu ivi yóꞌó.

San Mateo 20:15

Mií i xíni va xaꞌa ya íkan i xiꞌin ñaꞌa i. ¿Án kûní ini un xaꞌa ya vaꞌa íkan i xiꞌin naꞌa?” káchi ra xíin ñuꞌú ikán xiꞌin ra xáa chiñu nuu ra.

San Lucas 13:30

Ta kiꞌin ndo kuenta chi kuaꞌa ni na sindiꞌi nduu na núnuu, ta na núnuu nduu na kundikun nda sindiꞌi ―káchi Jesús xiꞌin na.

San Juan 13:19

Xa vitin ka káꞌan i xiꞌin ndo, ya kundaa kuee ini ndo, tá ti̱ndaa ya kuu saa, ta kandixa ndo ya kúu i taa ra kúu i.

San Juan 8:24

Xaꞌa ya ñaa kua ndi̱kaꞌan i xiꞌin ndo, kuvi ndo xaꞌa kuachi ndo, chi tá tu köo xíin ndo kandixa ndo yeꞌe, ya kúu i taa, ra ndi̱kaꞌan i xiꞌin ndo ku i, ta kuvi ndo xaꞌa kuachi ndo ―káchi ra xiꞌin nda.

San Juan 8:28

Xaꞌa ya ikán kua ndi̱kaꞌan ra xiꞌin nda, káchi ra saa: ―Vaxi kivi ta iin ichí chinuu sukun ndo yeꞌe, Taa ra xa̱a ñuu ivi yóꞌó. Ta saa kundaa ini ndo ya ndixa kua kúu i taa, ra ndi̱kaꞌan i xiꞌin ndo kúu i. Ta nda iin chiñu köo íkan iindaa mií i, ndisaa ya si̱naꞌa Iva i yeꞌe kua káꞌan i xiꞌin naꞌa.