San Juan 4:25 - Xochapa Mixteco

²⁵ Saa ndi̱kaꞌan yá xiꞌin ra, káchi yá saa: ―Xíni i iin kivi ta kixi Taa ra Mesías. Ta káꞌan tu na xiꞌin ra Cristo va. Tá ná kixi ra ikán ta saa ndikani vaꞌa ka ra nuu nde ―káchi yá.

San Juan 4:25 Iomraidhean Croise

San Mateo 1:16

Ta ra Jacob ku ra xi̱kuu iva ra José, ra ndi̱xiyo ií yá María, yá ndi̱xiyo siꞌí Jesús, ra kúu Cristo.

San Mateo 27:17

Saa ndi̱kitaꞌan ndiꞌi nda ndóo nda, ñaa ndi̱kaꞌan ra Pilato xiꞌin nda, káchi ra saa: ―¿Unku ra kúni ndo tava i veꞌe kàà? ¿Án ra Barrabás tava i án ra Jesús ra káꞌan ndo xiꞌin Cristo tava i ―káchi ra xiꞌin na.

San Mateo 27:22

Saa ndi̱kaꞌan tuku ra xiꞌin na, káchi ra saa: ―Ta ¿unkua ikan i xiꞌin ra, káꞌan ndo xiꞌin Cristo? ―káchi ra xiꞌin na. Saa ndi̱kuiin ndiꞌi na, káꞌan na: ―¡Chinuu ra ndaꞌa cruzin! ¡Ná kuvi ra! ―káchi na, iin káchi ndi̱kaꞌan ndiꞌi na.

San Lucas 2:11

Kivi vitin ka̱ku iin ra loꞌo sikaku ndóꞌo̱ ñuu ra rey David, ta ra ikán ku Cristo ra ndi̱kaxin Ndioxi kaꞌnda chiñu nuu na ñuu ivi.

San Juan 1:49

Saa ndi̱kaꞌan ra Natanael xiꞌin ra, káchi ra saa: ―Tata Rabí, ¡yóꞌo̱ ku Seꞌe Ndioxi, ta yóꞌo̱ ku Rey ra kaꞌnu nuu ndeꞌe ñuu Israel! ―káchi ra.

San Juan 4:29

―Naꞌa ndo koto ndo iin ra taa ta ndi̱kaꞌan ndiꞌi ra xiꞌin i xaꞌa ya íkan i. Ta ¿án süvi ra kúu Cristo ku ra? ―káchi yá xiꞌin na.

San Juan 4:39

Ta kuaꞌa ni mií na ñuu Samaria ikán ka̱ndixa Jesús xaꞌa tuꞌun ya ndi̱kaꞌan mií yá ñuu na xiꞌin na, chi ndi̱tuꞌun ndiꞌi yá xiꞌin na káchi yá saa: “Iin ndi̱kaꞌan ndiꞌi ra xiꞌin i xaꞌa ya íkan i”, káchi yá xiꞌin na.

San Juan 4:42

Saa ndi̱kaꞌan na xiꞌin yá ikán, káchi na saa: ―Ndinuꞌu ni ini nde kándixa ñaꞌa nde, saa chi süvi iindaa yóꞌo̱ ndi̱kaꞌan xiꞌin nde, xi̱ni soꞌo mií nde ya káꞌan ra, ta kúndaa ini nde ya ndixa kua, ra yóꞌó ku ra ku Cristo ra vaxi sikaku na ñuu ivi yóꞌó ―káchi na xiꞌin yá.