San Juan 4:24 - Xochapa Mixteco

²⁴ Saa chi Iva yo tá káa Tachi ndinuꞌu saa káa ra, ta na xáa toꞌo ra ta xíniñuꞌu na xaa toꞌo na ra xiꞌin tachi ra tin ya ndaa ―káchi Jesús xiꞌin yá.

San Juan 4:24 Iomraidhean Croise

San Juan 4:23

Ta kama ni tindaa kivi, ta xa vitin ku kivi nuu xíniñuꞌu ndiꞌi na ndixa ni xáa kaꞌnu Ndioxi, ya xaa kaꞌnu ñaꞌa na tixin Tachi I̱í ra xiꞌin ya ndaa. Saa chi saa kúni Iva yo Ndioxi, ndúku ra taꞌan na ñaa ya ná xaa kaꞌnu ñaꞌa na.

2 Corintios 1:12

Ta ndeꞌe, ta ndee ni va kúsini nde chi vívií ni va ndi̱xiyo nde xiꞌin ndiꞌi ni kúu naꞌa, ta ndee ni ka vaꞌa xi̱taꞌan nde xiꞌin ndóꞌo̱. Chi köo ndi̱xiyo nde xiꞌin ndo tá kuꞌva ndíkani ini mií na ñuu ivi yóꞌó, tá kuꞌva kúni mií Ndioxi kua ndi̱xiyo nde xiꞌin ndo xaꞌa ya kúꞌvi ni ini ra xíni ra ndóꞌo̱.

2 Corintios 3:17

Ta ya yóꞌó kua káꞌan xaꞌa Tata yo Jesucristo ya kúu ra Tachi, ta nuu íyo Tachi ra kua sáña ndíka naꞌa, köo núꞌni ka na.

Filipenses 3:3

Ta na ndixa kúu mií tuni Ndioxi ku yoo na káñuꞌu ni Ndioxi xiꞌin ndiꞌi nima yo, chi kúu mií yo Tachi Ndioxi. Ta kúsini ni yo xiꞌin ya i̱kan Tata yo Jesucristo xaꞌa yo. Ta köo kándixa yo ya sikaku ra yoo xaꞌa kuꞌva íin yo án xaꞌa ndá ka ñaꞌa ya íkan yo.

1 Timoteo 1:17

Xaꞌa ya ikán kua, ¡ná xaa kaꞌnu ni yo Ndioxi, ná xaa toꞌo ni yo ra! ¡Chi nda xi̱naꞌa táku ra ta saa kutaku ra ndiꞌi saa kivi ya vaxi, nda iin yo köo kúchiñu kuni xiꞌin nuu yo ra, ta mií ra ku ra xáꞌnda chiñu nuu ndiꞌi ni kúu yo! ¡Iindaa mií ra ku Ndioxi ra ndaa ni, ra ndíchi ni! ¡Saa ná koo ya!