San Juan 4:22 - Xochapa Mixteco

²² Ndóꞌo̱ na Samaria ta ni köo xíni ndo unku na káñuꞌu ndo. Sundi ndeꞌe ta xíni nde Ndioxi ra káñuꞌu nde. Saa chi taa, ra sikaku na ñuu ivi, ta tixin ndeꞌe judío kua keta ra kixi ra.

San Juan 4:22 Iomraidhean Croise

San Lucas 24:47

Ta naꞌa na ndíkun sata ra tixin kivi ra taxi ra ndee ndaꞌa na kuꞌun na ndituꞌun na xiꞌin ndiꞌi kúu na ñuu ivi. Xiꞌna ñuu Jerusalén xáa na kaꞌan na xiꞌin naꞌa, ya ná ndiko koo ini na xaꞌa kuachi na, saa xaa kaꞌnu ini Ndioxi xaꞌa kuachi na”, káchi ya ta̱a na.

Los Hechos 17:23

Tá ndi̱xika i xíto ndeꞌe i ñuu ndo, ta xi̱ni i kuaꞌa ni ndioxi si̱kuaꞌa ndo xáa toꞌo ndo. Ta xi̱ni i nuu káñuꞌu ndo ndioxi ndo ndóso tuꞌun káchi ya saa: “YÓꞌÓ XÁA TOꞌO YO NDIOXI RA KÖO XÍNI YO”, káchi ya. Ta xaꞌa Ndioxi ra káñuꞌu ndo, ra köo xíni ndo ñaa kua káꞌan i xiꞌin ndo vitin.

Los Hechos 17:30

Xinaꞌa ta köo ndi̱xaa ndikuu Ndioxi xiꞌin yo köo ndi̱kundaa ini xaꞌa ra. Sundi vitin ta xáꞌnda chiñu ra nuu ndiꞌi kuu yo ñuu ivi ya ná ndiko koo ini yo, sindoo yo ichí väꞌa kuaꞌan yo.

Los Hechos 3:26

Tá si̱taku Ndioxi Seꞌe ra ta xiꞌna nuu yo judío kua ti̱ꞌvi ñaꞌa ra ki̱xi ra ya ta̱xi ra ya vaꞌa ndaꞌa yo kutaku yo, ta saa ná ndiko koo ini iin iin ndo xaꞌa ya väꞌa íkan ndo, ta ná ndikundikun ndo Ndioxi ―káchi ra Pedro xiꞌin na.

ROMANOS 11:18

Ta xaꞌa ya ñaa kua käꞌan tái ni ndo ya vaꞌa ni ka mií ndo nuu na judío. Tá tu ndíkani ini ndo saa, ta ndikáꞌan ini ndo, süvi ndóꞌo̱ ku ndo táxi táku tioꞌo itun olivo ikán, mií tioꞌo nu ku ya táxi táku ndo.

HEBREOS 7:14

Ta yoo xíni yo ya ki̱xi Jesucristo ti̱xin veꞌe ra Judá, ta köo ndi̱kaꞌan ra Moisés xaꞌa nda iin na veꞌe ra Judá ya koo na sutu.