San Juan 3:31 - Xochapa Mixteco

³¹ Saa xa̱á káꞌan ka ra Juan, káchi ra saa: ―Ra ke̱e nuu ndivi ku ra chee ni ka nuu ndiꞌi ni kuu ñaꞌa ya íyo ñuu ivi. Ta ra íyo ñuu ivi yóꞌó, ra ivi yóꞌó kú ra, ñaꞌa ya íyo ñuu ivi yóꞌó ndítuꞌun ra xaꞌa. Sundi ra ke̱e nuu ndivi ta ra íkan ku ra chee ni nuu ndiꞌi ñaꞌa.

San Juan 3:31 Iomraidhean Croise

San Mateo 28:18

Saa ku̱yati Jesús nuu nda, ta ndi̱kaꞌan ra xiꞌin nda, káchi ra saa: ―Ndaꞌa yeꞌe ta̱xi Ndioxi ichí xaꞌa ndiꞌi ni kúu ñaꞌa ya íyo nuu ndivi tin ya íyo ñuu ivi yóꞌó.

San Juan 1:15

Ta ra Juan ku ra ndíkuiin xaꞌa ra ikán, chi ra ikán ku taa, ra kúu tuꞌun Ndioxi. Ndee ni ndi̱kaꞌan ra Juan káchi ra saa: ―Ra yóꞌó ku taa ra ndi̱kaꞌan i xaꞌa xiꞌin ndo yachi, ka̱chi i saa: Ra vaxi sata i, ta chee ni ka ra ikán nuu i chi xa yachi vi íyo ra ―káchi ra Juan.

San Juan 1:27

Ta ra ikán ku ra vaxi sata i, ta xa xiꞌna ka vi ra ikán íyo nuu yeꞌe yakan chee ni ra nuu i. Ta nda ni iin correa loꞌo sata nduxan ra köo kúu mií i ichí ndaxin i xaꞌa ya ndee ni ra ―káchi ra Juan xiꞌin nda.

San Juan 1:30

Xaꞌa ra káa kua ndi̱kaꞌan i xiꞌin ndo, ka̱chi i saa: “Vaxi iin ra sata i, ta ndee ni ka ra ikán nuu i, chi tá ka̱ku i ta xa xiꞌna vi ra íyo nuu i”, ka̱chi i xiꞌin ndo.

San Juan 3:30

Ta ra ikán ku ra xíniñuꞌu nduu chee ka nuu i ta yeꞌe xíniñuꞌu i xaa ni̱nu̱ i mií i nuu ra ―káchi ra Juan xiꞌin nda ítaꞌan xiꞌin ra.

San Juan 6:33

Saa chi xita vaꞌa ya táxi Ndioxi kutaku ndo ku Taa ra xa̱a ra nuu ndo, ta táxi ra kutaku ndiꞌi na ñuu ivi ―káchi Jesús xiꞌin na.

San Juan 6:51

Mií yeꞌe ku xita vaꞌa ya táku ya nùù nuu ndivi, ndiꞌi na xíxi xita vaꞌa yóꞌó ta nda iin ichí ndïꞌi xaꞌa na. Ta xita vaꞌa ya táxi i ndaꞌa na ku ikin kuñu i, ya soko i xaꞌa ndiꞌi na ñuu ivi yóꞌó ya kutaku na ―káchi Jesús xiꞌin na.

San Juan 8:23

Saa ndi̱kaꞌan Jesús xiꞌin nda, káchi ra saa: ―Ndóꞌo̱ ta ndo ivi nìnù yóꞌó va ku ndo, sundi yeꞌe, ta yeꞌe ki̱xi chí ni̱nu ku i. Ndóꞌo̱ ñuu ivi yóꞌó ku ndo, sundi yeꞌe ta süvi yeꞌe ñuu ivi yóꞌó ku i.

Los Hechos 10:36

Ta ndi̱kaꞌan Ndioxi xiꞌin ndeꞌe judío, tá ti̱ꞌvi ra Tata yo Jesucristo ki̱xi ra ndi̱kaꞌan ndoso ra tuꞌun vaꞌa ya táxi koo vaꞌa ni ini yo, chi ra ikán ku ra xáꞌnda chiñu nuu ndiꞌi yo ―káchi ra Pedro xiꞌin na.

ROMANOS 9:5

Ra Abraham xiꞌin ra Isaac tin ra Jacob, nda yóꞌó ku xii sikua ndiꞌi nde ñuu Israel, ta xii sikua tu Jesucristo va ku nda. Xaꞌa ya ki̱xi Jesucristo ñuu ivi yóꞌó ta ndi̱xiyo ikin kuñu ra tá kuꞌva íyo mií yo, yakan kúu ra Ndioxi ra Chee ni nuu ndiꞌi ñaꞌa. Vaꞌa ná kunuu vaꞌa ni ya toꞌo ra ndiꞌi saa kivi ya vaxi. Saa ná koo.

HEBREOS 9:1

Tá kivi ki̱ndoo Ndioxi xiꞌin na Israel ya núnu̱ú, ta ta̱xi ra ichí ndaꞌa na nuu xa̱ꞌnda chiñu ra nuu na ndá kuꞌva xaa kaꞌnu na ra ini veꞌe ñuꞌu manta ñuu ivi yóꞌó.

1 Pedro 3:22

Ta nda̱a ra kuaꞌan ra nuu ndivi, índuꞌu ra ñaꞌñu kuáꞌá Ndioxi. Ta mií ra ku ra xáꞌnda chiñu nuu na tatun Ndioxi, saa xáꞌnda chiñu ra nuu ndiꞌi ndee ya íyo nuu ndivi tin ya íyo nuu ñuꞌú yóꞌó.

1 Juan 4:5

Na ñaa ta na ñuu ivi yóꞌó ku na yakan káꞌan ni na xaꞌa ya kúu kuenta ivi yóꞌó, saa xíni soꞌo ni mií na ivi yóꞌó ya káꞌan na xiꞌin taꞌan na.

El Apocalipsis 19:16

Ta ra yóso kuai yaa ikán, ndíxi ra iin toto nuu ndi̱kaꞌi kivi ra saa tu nuu siꞌin va ra, ta ya ndi̱kaꞌi ikán káchi ya saa: “Ra rey chee ni nuu ndiꞌi nda rey ku ra yóꞌó. Ta saa ndixa ni ka chee ra yóꞌó nuu ndiꞌi ni kúu na naꞌnu”, káchi kivi ra ya ndi̱kaꞌi nuu toto ndíxi ra xiꞌin nuu siꞌin ra.