San Juan 3:19 - Xochapa Mixteco

¹⁹ Ta ya yóꞌó ku kuachi na ya síndiꞌi xaꞌa na, chi ki̱xi ñu̱ꞌu̱ ya ndituun ya nuu na, ta köo ndi̱xiin na ndikiꞌin na ya, ku̱too ni ka na xi̱ni na ya naá, chi ñaꞌa íkan na ta süvi ya vaꞌa kua.

San Juan 3:19 Iomraidhean Croise

San Lucas 12:47

Ta ndixa ni sindoꞌo ñaꞌa xitoꞌo ra moso ikán ra, saa chi xa xíni ra ini xitoꞌo ra ta köo ndi̱xiyo nduvi ra ndikiꞌin ra xitoꞌo ra, xaꞌa ya i̱kan ra saa ta ndee ni sitixuꞌvi ñaꞌa xitoꞌo ra.

San Lucas 16:14

Saa tá xi̱ni soꞌo nda fariseo ya ndi̱kaꞌan ra, ta ndi̱xaku ndaa ñaꞌa nda. Chi kútoo ni nda ya kuika.

San Juan 1:4

Ta mií ra ikán ku ra kúu mií ndee ya taxi ra kutaku na ñuu ivi xiꞌin ra tá kuꞌva táku mií ra. Chi ya táku ra kua vaꞌa síndiyeꞌe ra nuu na ñuu ivi.

San Juan 1:5

Ta ñu̱ꞌu̱ ikán kua túun nuu naá, ta ya naá köo ndi̱küchiñu ya ndaꞌva ya ñu̱ꞌu̱ ikán.

San Juan 12:31

Vitin kua ti̱ndaa kivi ya taxi Ndioxi kuachi xaꞌa na ñuu ivi. Ta kindaa ra ichí ndaꞌa kiti nǎꞌa, ri xáꞌnda chiñu ñuu ivi yóꞌó, keta ri kuꞌun ri.

San Juan 12:43

Saa chi kúni ka nda kaꞌan vaꞌa na ivi yóꞌó xaꞌa nda, ta köo ndíꞌi ini nda ya kaꞌan vaꞌa Ndioxi xaꞌa nda.

San Juan 12:46

Yeꞌe ku ñu̱ꞌu̱ ya xa̱a i ñuu ivi yóꞌó, ta ndiꞌi na kándixa yeꞌe, ta ndöo na koo na nuu naá.

San Juan 5:44

Köo xíin ndo kandixa ndo yeꞌe, saa chi kútoo ni ndo kaꞌan vaꞌa ndo xaꞌa taꞌan ndo, ta köo ndúku ndo ya kaꞌan vaꞌa Ndioxi xaꞌa ndo ―káchi ra xiꞌin nda.

San Juan 7:17

Tá ndá ndo chíkaa ini xaa súvi ya kúni Ndioxi, ta vaꞌa kundaa ini ndo xaꞌa ya sínaꞌa i, án ya vaxi nuu Ndioxi kua án ya xáa xiní mií i kua káꞌan i xiꞌin ndo.

San Juan 7:7

Chi ndóꞌo̱ ta küvi kundasi nuu na ñuu ivi yóꞌó kuni na ndóꞌo̱, ta yeꞌe kúndasi nuu va na xíni na yeꞌe, chi káꞌan teꞌe i xiꞌin na xaꞌa ya väꞌa íkan na.

San Juan 8:12

Saa xa̱á tuku ra káꞌan ra xiꞌin naꞌa, káchi ra saa: ―Yeꞌe ku ñu̱ꞌu̱ ya síndiyeꞌe nuu na ñuu ivi yóꞌó. Ta ndiꞌi na ndíkun yeꞌe ta käka na ichí ya naá, chi kúu mií na ñu̱ꞌu̱ ya táxi kutaku na ―káchi ra xiꞌin na.

San Juan 9:5

Kivi íyo i ñuu ivi yóꞌó, ta tá káa ñu̱ꞌu̱ yéꞌe̱ saa káa i nuu na ñuu ivi ―káchi Jesús xiꞌin nda.

ROMANOS 1:32

Na íkan saa, ta xa xíni vaꞌa na ya íyo ley Ndioxi ya káꞌan xaꞌa na ya xíniñuꞌu na kuvi na. Ta saa ni xïin na sindoo na ya väꞌa íkan na, saa kúsini na xíni na naꞌa, na íkan taꞌan ya väꞌa íkan mií na.

ROMANOS 2:8

Sundi sava naꞌa, na ikú ni ini, na köo xíin ikan ya vaꞌa, ndisaa ya väꞌa kúni na ikán na, na ikán ta kundoꞌo ni na ikan Ndioxi chi sáa ni ini ra xíni ra na, yakan yáꞌa ni xaa nduvaꞌa ra xiꞌin na.

2 Tesalonicenses 2:12

Saa sitixuꞌvi ni Ndioxi na ikán chi köo ndi̱xiin na kandixa na ya ndaa. Ya väꞌa va kua ku̱sini ni na i̱kan na nuu ra.

1 Pedro 2:8

Saa káꞌan ka tuꞌun Ndioxi, káchi ya saa: Yu̱ú ikán kua síkakiꞌi xaꞌa naꞌa, na köo xíin kandixa, ta kákiꞌi xaꞌa na nuu ya. Ndiꞌi na kákiꞌi xaꞌa ta kóyo na nuu ya, na ikán ku na köo xíin kuni soꞌo ya káꞌan Ndioxi, ni köo xíin na xaa súvi na ya káꞌan ra. Chi xa saa chi̱tuni Ndioxi kundoꞌo na xïin kuni soꞌo ya káꞌan tuꞌun ra.

2 Pedro 3:3

Ya núnu̱ú xíniñuꞌu ni ndo kuñuꞌu ini ndo ku ya yóꞌó, ndá kuꞌva koo tá xa ku̱yati vaxi kivi sindiꞌi, chi kivi ikán kua koo kuaꞌa ni naꞌa, na ndikani ini ndisaa xaꞌa ya väꞌa, ya kútoo ni mií ikin kuñu na ikan na, ta na ikán ta kuaku ndaa na ndóꞌo̱.