San Juan 3:15 - Xochapa Mixteco

¹⁵ Yakan kua ndiꞌi na ndáa ni ini xíni yeꞌe, ta ndïꞌi xaꞌa na, sundi kutaku na xiꞌin Ndioxi ndiꞌi saa kivi ya vaxi.

San Juan 3:15 Iomraidhean Croise

San Mateo 18:10

Saa ndi̱tuꞌun tuku ra iin tuꞌun ndíchi xiꞌin na sínaꞌa ra na, káchi ra saa: ―Koto ndo ndïkani ini ndo ya köo ndáa yaꞌvi na vali yóꞌó. Saa chi na tatun ndáa na vali yóꞌó, ta ndiꞌi saa kivi íyo na xiꞌin Iva i Ndioxi nuu ndivi.

San Mateo 25:46

Ta saa kuꞌun na nuu tixuꞌvi ni na ndiꞌi saa kivi ya vaxi, ta na vaꞌa, na xáa súvi ya kúni Ndioxi ta kuꞌun na nuu kutaku na xiꞌin Ndioxi ndiꞌi saa kivi ya vaxi ―káchi Jesús xiꞌin na.

San Marcos 16:16

Ndiꞌi na kándixa yeꞌe ta chíchi na, na ikán ku na kaku, sundi na köo xíin kandixa yeꞌe ta kuvi na niꞌi na tindoꞌo.

San Lucas 19:10

Ta yeꞌe ku Taa ra xa̱a ñuu ivi yóꞌó ta vaxi i nduku i na nda̱ñuꞌu ya sikaku i na ―káchi Jesús.

San Juan 1:12

Sundi tá kúu ndiꞌi na ndíkiꞌin vaꞌa ñaꞌa, ta kándixa na kivi ra. Ta ndaꞌa na ikán kua táxi ra ichí ndúu na seꞌe Ndioxi.

San Juan 16:33

Soꞌva káꞌan i xiꞌin ndo ya ná kündiꞌi ini ndo, ta tuun ni kundikun ndo yeꞌe saa koo vaꞌa ni ini ndo. Saa chi kixi ni tindoꞌo nuu ndo ñuu ivi yóꞌó, sundi kundaa ni ini ndo kuni ndo yeꞌe, saa chi yeꞌe ta xa ku̱chiñu i xa̱a kanaa i ñuu ivi yóꞌó ―káchi Jesús.

San Juan 20:31

Ta ndiꞌi tuꞌun ya vaxi nuu tutu yóꞌó, ta̱a i ya, ná kundaa ini ndo xaꞌa Jesús ya kúu ra Cristo Seꞌe Ndioxi. Saa tá kándixa ndo ra ta saa kuchiñu ndo kutaku ndo tixin kivi ra.

San Juan 3:16

’Saa chi yáꞌa ni kúꞌvi ini Ndioxi xíni ra na ñuu ivi, xaꞌa ya ikán kua ta̱xi ra Seꞌe ra, ra iindaa mituꞌun nuu ra, yakan ndiꞌi na kándixa ra ta ndïꞌi xaꞌa na, sundi taxi ra kutaku na xiꞌin ra ndiꞌi saa kivi.

San Juan 3:36

Ta ndiꞌi na kándixa Seꞌe ra, ta táku na xiꞌin Ndioxi ndiꞌi saa kivi, sundi na köo xíin kandixa Seꞌe ra ta küchiñu na kutaku na, ndiꞌi saa kivi saá ini Ndioxi kuni ñaꞌa ra ―káchi ra Juan.

San Juan 5:24

’Ya ndaa káꞌan i xiꞌin ndo: Ndiꞌi na xíni soꞌo tuꞌun káꞌan i, ta kándixa na Ndioxi ra ti̱ꞌvi yeꞌe vaxi i ñuu ivi, ta na ikán ku na ndixa táku ndiꞌi saa kivi, ta täxi ra ndoꞌo na xaꞌa kuachi na. Saa chi tá íin na xa ndi̱xiꞌi yachi saa ndi̱xiyo na, ta vitin ndi̱taku na.

San Juan 6:27

Xäa chiñu ndo xaꞌa ndisaa ya kuxi ndo, chi ya ñaa ta ya ndíꞌi xaꞌa va kua, sundi xaa chiñu ndo xaꞌa ya köo ndíꞌi xaꞌa, ya chindee ndóꞌo̱ koo ndo xiꞌin Ndioxi ndiꞌi saa kivi ya vaxi. Chi yeꞌe Taa ra xa̱a ñuu ivi yóꞌó ku ra kúu mií ichí ya taxi i ya ndaꞌa ndo, chi Iva i Ndioxi ku ra ta̱xi ichí ndaꞌa i ya ikan i saa ―káchi Jesús xiꞌin na.

San Juan 6:40

Ya chi̱tuni Iva i Ndioxi, ra ti̱ꞌvi yeꞌe vaxi i kua yóꞌó: ndiꞌi na xíni yeꞌe, ra kúu Seꞌe Ndioxi, ta kándixa na yeꞌe ta kuchiñu na kutaku na ndiꞌi saa kivi, ta ná sitaku i na kivi sindiꞌi ―káchi Jesús xiꞌin na.

San Juan 6:47

Ya ndaa káꞌan i xiꞌin ndo: Ndiꞌi na kándixa yeꞌe ta xa táku na ndiꞌi saa kivi.

Los Hechos 13:41

Kuni soꞌo ndóꞌo̱ kúndasi nuu xíni yeꞌe, ta vaꞌa ndi̱kanda ka ini ndo kundoo ndo, ta saa ndiꞌi xaꞌa ndo. Chi vaxi kivi ikan i iin ya chee nuu ndo ta küaꞌa ndo kandixa ndo ya. Ni inka naꞌa ná kaꞌan xiꞌin ndo, ta küaꞌa ndo kandixa ndo na káchi ya ta̱a nda xinaꞌa ―káchi ra Pablo xiꞌin na.

Los Hechos 8:36

Saa yáꞌa nda kuaꞌan nda iin ñaꞌñu nuu ndíkaa tikuii. Ta saa ndi̱kaꞌan ra ikán xiꞌin ra Felipe, káchi ra saa: ―Yóꞌó ndíkaa tikuii ta ¿án ndá ka ñaꞌa kúmani nuu i saa kuchiñu kuchi i? ―káchi ra xiꞌin ra Felipe.

ROMANOS 5:21

Tá täꞌan ka kixi Jesucristo, ta ndee ya kúu mií kuachi na ku ya xa̱ꞌnda chiñu nuu na ta xa̱á ya xáꞌni ya na. Sundi vitin ta ndee ni ka ndee ya vaꞌa ta̱xi Ndioxi xáꞌnda chiñu nuu ndiꞌi yo kándixa Jesucristo xaꞌa ya kúꞌvi ni ini ra xíni ra yoo. Nda̱sa vaꞌa Ndioxi yo nuu ra, ndu̱u yo tá íin naꞌa, na köo ka kuachi kúu mií nuu ra, ta saa ta̱xi ra ya kutaku yo xiꞌin ra ndiꞌi saa kivi ya vaxi.

1 Corintios 1:18

Tá ndíkani i tuꞌun xaꞌa Cristo ya ndi̱xiꞌi ra nuu cruzin, ta tá káa tuꞌun kíꞌvi saa káa ya káꞌan i nuu naꞌa, na ku̱aꞌan ichí nuu ndiꞌi xaꞌa na. Sundi mií yo síkaku Ndioxi, ta xíni yo tuꞌun yóꞌó ta ndee ni ndee kúu mií ya xaꞌa ya kúu ya tuꞌun Ndioxi.

2 Corintios 4:3

Ta sava naꞌa köo kúndaa ini na xiꞌin tuꞌun Ndioxi ya káꞌan ndoso nde nuu na, chi íyo ñaꞌa ndási ini na, ta na ikán ku naꞌa, na ndíkun kuaꞌan ichí nuu ndiꞌi xaꞌa na.

Gálatas 2:16

Sundi xa xíni yo, nda iin naꞌa, küchiñu ndikitaꞌan vaꞌa xiꞌin Ndioxi xaꞌa ya xáa súvi ni na ley ra. Ndi̱saa xaꞌa ya ndáa ni ini yo xíni yo Jesucristo va kua ndíkuiso vaꞌa ra yoo. Xaꞌa ya ikán kua kándixa ni yo Jesucristo, ya ná kuchiñu yo nduu yo naꞌa, na vaꞌa, na köo ka kuachi kúu mií nuu ra. Ta süvi xaꞌa ya xáa súvi yo ley Ndioxi kua ndíkuiso mani ra yoo nuu ra, chi tá tu xaꞌa ya xáa súvi yo ley ra kua, ta nda iin yo küchiñu ndikundoo vaꞌa xiꞌin ra, ndikuu.

Gálatas 2:20

Ta yeꞌe, nda tá káa ra ínuu nuu cruzin xiꞌin Tata yo Jesucristo saa káa i, ta köo táku ka i xaꞌa mií i, chi ndisaa xaꞌa mií ra kua táku i. Kivi táku i ini ikin kuñu i ya kúu mií i, ta ndisaa xaꞌa ya ndáa ni ini i xíni i Tata yo Jesucristo ra kúu Seꞌe Ndioxi kua táku i, chi mií ra ku ra kúꞌvi ni ini xíni yeꞌe, saa ta̱xi ra mií ra ndi̱xiꞌi ra xaꞌa i.

HEBREOS 10:39

Ta yoo, ta süvi taꞌan naꞌa, na ndíko koo chí sata ku yo, chi na íkan saa ta síndiꞌi xaꞌa na mií va na, xaꞌa ya síndikoo na ichí ra. Sundi yoo, ta ndee ni ndáa ini yo xíni yo ra ya sikaku ra ya vaꞌa yo.

HEBREOS 7:25

Xaꞌa ya ikán kua vaꞌa síkaku ra yoo, yo kúyati nuu Ndioxi xaꞌa mií ra. Ta ndiꞌi saa ichí kutaku yo xiꞌin ra, saa chi ndiꞌi saa ichí táku mií ra, yakan vaꞌa káꞌan ra xaꞌa yo xiꞌin Ndioxi.

1 Juan 2:25

Saa chi Tata yo Jesucristo ki̱ndoo ra taxi ra ya ndi̱kaꞌan ra taxi ra ndaꞌa yo, ta ya ikán kua yóꞌó: taxi ra koo yo xiꞌin ra ndiꞌi saa tiempo.

1 Juan 5:1

Ndiꞌi na kándixa ya ti̱ꞌvi Ndioxi Jesús ki̱xi ra sikaku ra yoo, ta na ikán ta seꞌe Ndioxi ndu̱u na. Ndiꞌi na kúꞌvi ini xíni Iva yo, ta kúꞌvi tu ini na xíni na ndiꞌi seꞌe va ra.

1 Juan 5:20

Xíni tu yo ya ki̱xi Jesús Seꞌe Ndioxi ñuu ivi yóꞌó ta ta̱xi ra ya xínituni yo ya kundaa vaꞌa ini yo xaꞌa Ndioxi, ra ndaa. Ta iin yuꞌu ku yo xiꞌin Seꞌe ra, ra kúu Jesucristo, ra ndaa. Saa chi Jesucristo ku Ndioxi ra ndaa, ra táxi ichí ya kutaku yo xiꞌin Ndioxi ndiꞌi saa tiempo.