San Juan 3:13 - Xochapa Mixteco

¹³ ’Nda iin naꞌa köo ndi̱ndaa nuu ndivi, iindaa mituꞌun Taa ra xa̱a ñuu ivi yóꞌó ku ra nu̱u nuu ndivi, chi ikán íyo ra.

San Juan 3:13 Iomraidhean Croise

San Mateo 28:20

Saa sinaꞌa ndo na ya ná xaa súvi ndiꞌi na ya ndi̱kaꞌan i xiꞌin ndo. Ta ná kundaa ini ndo, chi yeꞌe, ta ndiꞌi saa kivi koo i xiꞌin ndo, iin saa nda ná ndiꞌi xaꞌa ñuu ivi ―káchi Jesús xiꞌin nda xi̱taꞌan xiꞌin ra. Saa ná koo.

San Mateo 8:20

Saa ndi̱kuiin Jesús, káchi ra saa: ―Kiti ikuii ta íyo kava nuu kíxi ri, saa tu kiti sàà va, íyo chiꞌyo nuu kíxi ri, sundi yeꞌe, Taa ra xa̱a ñuu ivi yóꞌó ta köo nuu kusun i ―káchi Jesús xiꞌin ra.

San Juan 1:18

Nda iin mituꞌun naꞌa täꞌan kuni xiꞌin nuu Ndioxi. Iindaa Jesucristo Seꞌe Ndioxi, ra iin mituꞌun nuu ra, ra íyo xiꞌin ra, ra ikán ku ra xíni vaꞌa Ndioxi, ta ra ikán ku ra sínaꞌa yoo ndá kuꞌva káa Ndioxi.

San Juan 13:3

Xa xíni Jesús ya ta̱xi ndiꞌi Iva ra ñaꞌa ndaꞌa ra, ta xíni ra ke̱e ra nuu Ndioxi, ta saa ndiko koo ra kuꞌun ra.

San Juan 17:5

Tata Iva i Ndioxi, vitin xaa kaꞌnu un yeꞌe, taxi un koo i xiín un nuu luvi ni ndi̱xiyo i xiꞌin un yachi tá täꞌan xikoo ñuu ivi yóꞌó.

San Juan 3:12

Nda vitin ta ndítuꞌun i xiꞌin ndo xaꞌa ñaꞌa ya íyo ñuu ivi yóꞌó, ta köo xíin ndo kandixa ndo ya káꞌan i. Ta ¿unkua ikan ndo kandixa ndo tá ná kaꞌan i xiꞌin ndo xaꞌa ya íyo nuu ndivi?

San Juan 3:31

Saa xa̱á káꞌan ka ra Juan, káchi ra saa: ―Ra ke̱e nuu ndivi ku ra chee ni ka nuu ndiꞌi ni kuu ñaꞌa ya íyo ñuu ivi. Ta ra íyo ñuu ivi yóꞌó, ra ivi yóꞌó kú ra, ñaꞌa ya íyo ñuu ivi yóꞌó ndítuꞌun ra xaꞌa. Sundi ra ke̱e nuu ndivi ta ra íkan ku ra chee ni nuu ndiꞌi ñaꞌa.

San Juan 6:33

Saa chi xita vaꞌa ya táxi Ndioxi kutaku ndo ku Taa ra xa̱a ra nuu ndo, ta táxi ra kutaku ndiꞌi na ñuu ivi ―káchi Jesús xiꞌin na.

San Juan 6:38

Saa chi yeꞌe ta ke̱e i nuu ndivi vaxi i ñuu ivi yóꞌó ikan i ya kúni Ndioxi, ta växi i xaa súvi i ya kúni mií i.

San Juan 6:42

Saa ndikaꞌan na káchi na saa: ―¿Án süvi Jesús seꞌe ra José va ku ra? Xíni va yo iva ra tin siꞌí ra. Ta ¿ndachu káꞌan ra ke̱e ra nuu ndivi? ―káchi na.

San Juan 6:46

’Köo naꞌa ndi̱xini xiꞌin nuu Ndioxi, iindaa mituꞌun mií ra ke̱e nuu ra ku ra xi̱ni ñaꞌa.

San Juan 6:51

Mií yeꞌe ku xita vaꞌa ya táku ya nùù nuu ndivi, ndiꞌi na xíxi xita vaꞌa yóꞌó ta nda iin ichí ndïꞌi xaꞌa na. Ta xita vaꞌa ya táxi i ndaꞌa na ku ikin kuñu i, ya soko i xaꞌa ndiꞌi na ñuu ivi yóꞌó ya kutaku na ―káchi Jesús xiꞌin na.

San Juan 6:62

Tá tu saa ta, ¿unkua ndíkani ini ndo tá ná kuni ndo Yeꞌe, ra kúu Taa ra xa̱a ñuu ivi yóꞌó, ya ná ndaa i kuꞌun i nuu ndivi nuu ndi̱xiyo i yachi? ―káchi ra xiꞌin na.

San Juan 8:42

―Tá tu ndixa Ndioxi ku Iva ndo ta kuꞌvi ini ndo kuni ndo yeꞌe, ndikuu. Saa chi yeꞌe ta nuu Ndioxi ke̱e i xa̱a i ñuu ivi yóꞌó, süvi xaꞌa ya kúni mií i kua xa̱a i, chi Ndioxi ku ra ti̱ꞌvi yeꞌe vaxi i.

Los Hechos 2:34

Chi xii sikua yo, ra rey David, ta köo ndi̱ndaa ra nuu ndivi, yakan süvi xaꞌa mií ra káꞌan ra tá ndi̱kaꞌan ra, káchi ra saa: Ndioxi ndi̱kaꞌan ra xiꞌin Tata i, ra Chee nuu i, káchi ra saa: “Naꞌa, yóꞌó koo un xiꞌin i ñaꞌñu kuáꞌá i, yóꞌó koo un xiꞌin i chi kúni i xaa toꞌo i yóꞌo̱.

Los Hechos 20:28

Ta ndóꞌo̱ ku ndo ndi̱kaxin Tachi I̱í Ndioxi ya kundiso chiñu ndo xiꞌin na veꞌe ñuꞌu. Tá íkan nda ndáa levo sana nda, saa ikan ndo. Xaa kuenta ni ndo xiꞌin mií ndo tin xaa kuenta ni ndo xiꞌin na kuaꞌan ichí Jesús. Chi na ikán ku na sa̱ta ra xiꞌin ni̱í mií ra nduta ndi̱xita nuu cruzin.

ROMANOS 10:6

Sundi vitin kúndaa ini yo xaꞌa ya kándixa yo Jesucristo kua ndúu yo naꞌa, na vaꞌa, na köo ka kuachi ku mií nuu Ndioxi, ta Jesucristo íyo ra xiꞌin yo. Yakan köo xíniñuꞌu un kaꞌan un: “¿unku na ndaa vi nuu ndivi?” kachi un, chi tá káꞌan un saa ta ya kúni un sinuu un Cristo kixi ra nuu ñuꞌú yóꞌó kua.

1 Corintios 15:47

Chi taa ra núnu̱ú, ta xiꞌin ñuꞌú ndi̱kuaꞌa ra, ta ra ivi yóꞌó ku ra, sundi taa ra uvi, ra ku Tata yo Jesucristo, ta ra ke̱e nuu ndivi ku ra ikán.

Efesios 1:23

Ta na veꞌe ñuꞌu tá káa mií ikin kuñu Cristo saa íin na. Ta mií ra ku ra táxi ndá ka ñaꞌa ya kúmani nuu na, saa síkutu ni ra ya vaꞌa íyo ya ini na xaꞌa ya íyo ra xiꞌin na.