San Juan 3:12 - Xochapa Mixteco

¹² Nda vitin ta ndítuꞌun i xiꞌin ndo xaꞌa ñaꞌa ya íyo ñuu ivi yóꞌó, ta köo xíin ndo kandixa ndo ya káꞌan i. Ta ¿unkua ikan ndo kandixa ndo tá ná kaꞌan i xiꞌin ndo xaꞌa ya íyo nuu ndivi?

San Juan 3:12 Iomraidhean Croise

San Juan 3:11

Ya ndaa káꞌan i xiꞌin un, ndeꞌe ta káꞌan nde xaꞌa ya xíni̱ nde xiꞌin ya xíni xiꞌin nuu nde. Ya yóꞌó kua ndíkuiin nde xaꞌa káꞌan nde xiꞌin ndo. Ta köo xíin ndo kandixa ndo ya káꞌan nde xiꞌin ndo.

San Juan 3:3

Saa ndi̱kuiin Jesús káꞌan ra: ―Ya ndaa ni káꞌan i xiꞌin un, ndiꞌi na täꞌan kaku uvi, ta küchiñu na kiꞌvi na nuu xáꞌnda chiñu Ndioxi ―káchi Jesús xiꞌin ra.

San Juan 3:5

Saa ndi̱kuiin Jesús káꞌan ra, káchi ra saa: ―Ya ndaa ni káꞌan i xiꞌin un, ndiꞌi na täꞌan kaku xiꞌin tikuii ni xiꞌin Tachi I̱í Ndioxi ta küchiñu na kiꞌvi na koo na nuu xáꞌnda chiñu Ndioxi.

San Juan 3:8

Chi tachi ta nda nuu kúni mií ya níꞌi xíka ya, vani xíni soꞌo yo xíka ya, sundi köo xíni yo mií chí vaxi ya ni mií chí kuaꞌan ya. Tá íkan tachi, saa íin ndiꞌi na ndíkaku uvi tixin Tachi I̱í Ndioxi ―káchi Jesús xiꞌin ra Nicodemo.

1 Timoteo 3:16

Ta saa ná kundaa ini ndo chi nda vitin ta ndee ni ndee ya ndaa si̱naꞌa Tata yo Jesucristo nuu yo kándixa ñaꞌa, ta soꞌva íyo ya: Tata yo Jesucristo ta ndu̱u ra taꞌan mií yo ivi yóꞌó, ta ki̱xi ra ñuu ivi yóꞌó. Ta Tachi I̱í Ndioxi kua ndíkuiin xaꞌa ra. Ta xi̱ni na tatun Ndioxi ra. Saa ndi̱kaꞌan ndoso nda xi̱ndikun sata ra xaꞌa ra nuu ndiꞌi naꞌa, na köo kúu judío. Ndiꞌi ni kúu xaꞌa ñuu ivi yóꞌó íyo naꞌa, na kándixa ra. Saa ndi̱kiꞌin tuku Iva yo Ndioxi ra, nda̱a tuku ra kuaꞌan ra nuu ndivi.

HEBREOS 5:11

Íyo kuaꞌa ni ka ya ndituꞌun nde xaꞌa ya yóꞌó xiꞌin ndo, ta ndíchi ni ya ndikani nde ya nuu ndo tá kuꞌva íyo ya, saa chi ndóꞌo̱ ta kuee ni saa kúndaa ini ndo xiꞌin ya.

1 Juan 4:10

Káꞌan i xiꞌin ndo unkua káchi mií ya ndaa ni kúꞌvi ini Ndioxi xíni ra yoo, saa chi süvi yoo ku yo xiꞌna ndi̱kuꞌvi ini kuni Ndioxi, xiꞌna mií ra ku ra xa̱á kúꞌvi ni ini xi̱ni yoo ta xaꞌa ya ikán kua ti̱ꞌvi ra Seꞌe ra, ra kúu Jesucristo. Ta ra ikán ndi̱soko ra mií ra ndi̱xiꞌi ra xaꞌa yo, cha̱ꞌvi ra xaꞌa kuachi yo nuu Ndioxi.