San Juan 3:11 - Xochapa Mixteco

¹¹ Ya ndaa káꞌan i xiꞌin un, ndeꞌe ta káꞌan nde xaꞌa ya xíni̱ nde xiꞌin ya xíni xiꞌin nuu nde. Ya yóꞌó kua ndíkuiin nde xaꞌa káꞌan nde xiꞌin ndo. Ta köo xíin ndo kandixa ndo ya káꞌan nde xiꞌin ndo.

San Juan 3:11 Iomraidhean Croise

San Mateo 11:27

Saa ndi̱kaꞌan ka Jesús xiꞌin na, káchi ra saa: ―Iva i Ndioxi ta̱xi ndiꞌi ra ya vaꞌa ndaꞌa i. Ta nda iin naꞌa köo xíni yeꞌe, ra kúu seꞌe Ndioxi, iindaa mií Ndioxi ku ra xíni vaꞌa yeꞌe. Ta nda iin naꞌa köo xíni Iva i tá kuꞌva xíni yeꞌe ra, saa tu na ndi̱kaxin i taxi i kuni vaꞌa na ini ra.

San Mateo 23:37

Saa ndi̱kaꞌan tuku Jesús, káchi ra saa: ―¡Ndóꞌo̱ ñuu Jerusalén, kúsuchi ni ini i xíni i ndóꞌo̱, saa chi ndóꞌo̱ xáꞌni nda profeta ku ndo, ta káni ndo yu̱ú sata nda ti̱ꞌvi Ndioxi vaxi kaꞌan ndoso tuꞌun ra xiꞌin ndo. ¡Ndisaa vi ichí ndi̱kani ini i xiꞌin ndo ndikaya i ndóꞌo̱, tá kuꞌva ndíkaya nduxi tiatan seꞌe ri kuakee na tixin ri, saa ku̱ni i ikan i xiꞌin ndo, ta köo ndi̱xiin ndo!

San Lucas 10:22

Ta saa ndi̱kaꞌan ka ra káchi ra saa: ―Iva i Ndioxi ta ta̱xi ra ichí ndaꞌa i xaꞌa ndiꞌi ñaꞌa. Ta nda iin naꞌa köo xíni ini yeꞌe ra kúu Seꞌe Ndioxi, iindaa mií Iva i Ndioxi ku ra xíni ini i, ta ni ini Iva i Ndioxi köo xíni na, iindaa yeꞌe ku Seꞌe ra ku i xíni ini ra, saa sínaꞌa i ra nuu na kúni mií i kuni taꞌan xiꞌin ra ―káchi Jesús.

San Juan 1:11

Ki̱xi ra nuu na ñuu ra, ta na ñuu ra köo ndi̱xiin na ndikiꞌin ñaꞌa na.

San Juan 1:18

Nda iin mituꞌun naꞌa täꞌan kuni xiꞌin nuu Ndioxi. Iindaa Jesucristo Seꞌe Ndioxi, ra iin mituꞌun nuu ra, ra íyo xiꞌin ra, ra ikán ku ra xíni vaꞌa Ndioxi, ta ra ikán ku ra sínaꞌa yoo ndá kuꞌva káa Ndioxi.

San Juan 12:49

Chi tuꞌun yuꞌu mií Ndioxi kua ndi̱kaꞌan i xiꞌin ndo, ta süvi tuꞌun mií i kua. Iva i Ndioxi ku ra ti̱ꞌvi yeꞌe vaxi i, ta xa̱ꞌnda ra chiñu nuu i ndá tuꞌun kua kaꞌan i xiꞌin ndo, ta ndá kuꞌva kua ndituꞌun i xiꞌin ndo.

San Juan 14:24

Ta na köo kúꞌvi ini xíni yeꞌe, ta köo xáa súvi na ya káꞌan i. Chi tuꞌun ya xíni soꞌo ndo káꞌan i ta süvi tuꞌun mií i kua, tuꞌun Iva i ra ti̱ꞌvi yeꞌe vaxi i kua.

San Juan 3:12

Nda vitin ta ndítuꞌun i xiꞌin ndo xaꞌa ñaꞌa ya íyo ñuu ivi yóꞌó, ta köo xíin ndo kandixa ndo ya káꞌan i. Ta ¿unkua ikan ndo kandixa ndo tá ná kaꞌan i xiꞌin ndo xaꞌa ya íyo nuu ndivi?

San Juan 3:13

’Nda iin naꞌa köo ndi̱ndaa nuu ndivi, iindaa mituꞌun Taa ra xa̱a ñuu ivi yóꞌó ku ra nu̱u nuu ndivi, chi ikán íyo ra.

San Juan 3:3

Saa ndi̱kuiin Jesús káꞌan ra: ―Ya ndaa ni káꞌan i xiꞌin un, ndiꞌi na täꞌan kaku uvi, ta küchiñu na kiꞌvi na nuu xáꞌnda chiñu Ndioxi ―káchi Jesús xiꞌin ra.

San Juan 3:5

Saa ndi̱kuiin Jesús káꞌan ra, káchi ra saa: ―Ya ndaa ni káꞌan i xiꞌin un, ndiꞌi na täꞌan kaku xiꞌin tikuii ni xiꞌin Tachi I̱í Ndioxi ta küchiñu na kiꞌvi na koo na nuu xáꞌnda chiñu Ndioxi.

San Juan 5:43

Iva i Ndioxi ku ra ti̱ꞌvi yeꞌe vaxi i ñuu ivi yóꞌó, ta ndóꞌo̱ köo xíin ndo kandixa ndo yeꞌe. Sundi tá tu inka ra ná kixi tixin ndee mií ra, ta kandixa va ndo ra ikán.

San Juan 7:16

Saa ndi̱kuiin Jesús káꞌan ra: ―Ya sínaꞌa i ta süvi ya xíni mií i kua, ya xíni ra ti̱ꞌvi yeꞌe vaxi i kua sínaꞌa i.

San Juan 8:14

Saa ndi̱kuiin Jesús káꞌan ra: ―Ni káꞌan i xaꞌa mií i, ta ndáa yaꞌvi ya káꞌan i xaꞌa i, saa chi xíni i míí chí ki̱xi i, ta xíni i míí chí kuꞌun i, sundi ndóꞌo̱ ta köo xíni ndo míí chí ki̱xi i, ni köo xíni ndo míí chí kuꞌun i.

San Juan 8:26

Íyo kuaꞌa ni ya kaꞌan i xiꞌin ndo xaꞌa ya väꞌa íkan ndo. Sundi ra ti̱ꞌvi yeꞌe vaxi i, ta ra ndaa ni ku ra, ta ndiꞌi ya káꞌan i ñuu ivi yóꞌó ta ya xi̱ni soꞌo i ndi̱kaꞌan ra kua káꞌan i ―káchi Jesús xiꞌin nda.

San Juan 8:38

Yeꞌe ta káꞌan i xiꞌin ndo ndá kuꞌva íyo ya si̱naꞌa Iva i nuu i. Ta saa tu ndóꞌo̱ va ndisaa ya káꞌan iva ndo xiꞌin ndo kua xáa súvi ndo ―káchi Jesús xiꞌin na.

Los Hechos 22:18

xi̱ni i Tata yo Jesús káꞌan ra xiꞌin i, káchi ra saa: “Kama ni koo un kee un ñuu Jerusalén yóꞌó, chi küaꞌa na ñuu yóꞌó kandixa na ya káꞌan un xaꞌa i xiꞌin na”, káchi ra xiꞌin i.

2 Corintios 4:4

Saa ndóꞌo na chi kiti nǎꞌa kúu ndioxi ñuu ivi yóꞌó ku ri ndi̱kasi ya xínituni na ya ná kändixa na tuꞌun vaꞌa xaꞌa Jesucristo ya káꞌan nde xiꞌin na, ta na ikán, tá íin na kuáa̱ saa íin na. Chi köo táxi ri kuni na ya yéꞌe̱ luvi ni kúu mií tuꞌun vaꞌa xaꞌa Jesucristo. Chi mií Jesucristo, tá káa níí mií Ndioxi saa káa ra.

El Apocalipsis 1:5

Saa ná ikan tu Tata yo Jesucristo ya vaꞌa xiꞌin ndo, saa chi ndaa ni ini ra, ta ndinuꞌu ini ra ndíkuiin ra xaꞌa tuꞌun ndaa ni káꞌan ra. Ta ra ikán ku ra núnuu ndi̱taku tañu ndiꞌi na ndíi, yakan kúu mií ra ichí kaꞌnda chiñu ra nuu nda rey ñuu ivi yóꞌó. Ta kúꞌvi ni ini ra xíni ra yoo, ta köo ka kuachi ndíso yo nuu Ndioxi, saa chi ndi̱xiꞌi Jesucristo xaꞌa kuachi yo, ta xiꞌin nií ra nduta ndi̱xita ndi̱kata ra kuachi yo, nda̱sa vaꞌa ra yoo nuu Ndioxi.

El Apocalipsis 3:14

Saa ndi̱kaꞌan tuku ra xiꞌin i, káchi ra saa: ―Taa un tutu yóꞌó kuꞌun ya ndaꞌa tatun Ndioxi ya ndáa naꞌa, na kándixa yeꞌe nuu ndíkitaꞌan na xáa kaꞌnu na yeꞌe ñuu Laodicea: “Ya yóꞌó kua káꞌan yeꞌe, ra kúu Amén. Ndee ni ndíkuiin i xaꞌa ya i̱kan Ndioxi, ra ndaa ni. Ta yeꞌe ku ra ndi̱xiyo núnu̱ú tá sikan xa̱á xi̱koo xaꞌa ñuu ivi ya si̱kuaꞌa Ndioxi.