San Juan 21:7 - Xochapa Mixteco

⁷ Saa ndi̱kaꞌan ra ku̱ꞌvi ni ini Jesús xi̱ni ra xiꞌin ra Pedro, káchi ra saa: ―¡Tata yo Jesús va ku ra! ―káchi ra xiꞌin ra. Tá xi̱ni soꞌo ra Simón Pedro ya ndi̱kaꞌan ra ikán, ta ndi̱kun ndi̱kundixi ra toto ra. Ta saa ndi̱kiꞌvi ra kuaꞌan ra ini tikuii ya kúni ra xaa kama ra nuu Jesús.

San Juan 21:7 Iomraidhean Croise

San Marcos 11:3

Tá ndá naꞌa káꞌan xiꞌin ndo: “¿Ndachu ndáxin ndo ri?”, káchi na xiꞌin ndo. Ta saa kaꞌan ndo xiꞌin na: “Tata yo xíniñuꞌu ri tá ndiꞌi xi̱niñuꞌu ra ri ta kama ni sindiko koo ra ri ndaꞌa ndo”, kachi ndo xiꞌin na ―káchi ra xiꞌin nda.

San Lucas 12:35

Saa ku̱u ta ndi̱kaꞌan ka Jesús, káchi ra saa: ―Kundixi ndo tikoto ndo, ta koo tuꞌva ndo tuun ndo ñu̱ꞌu̱.

San Lucas 2:11

Kivi vitin ka̱ku iin ra loꞌo sikaku ndóꞌo̱ ñuu ra rey David, ta ra ikán ku Cristo ra ndi̱kaxin Ndioxi kaꞌnda chiñu nuu na ñuu ivi.

San Lucas 7:47

Ta vitin kúni i kaꞌan i xiꞌin un: Ndiꞌi kúu kuachi yá yóꞌó ta xa ndo̱o ndiꞌi ya, saa chi kúꞌvi ni ini yá xíni yá yeꞌe. Sundi na loꞌo ni kuachi kúu mií túvi na, ta loꞌo ni kúꞌvi ini na xíni na yeꞌe ―káchi Jesús xiꞌin ra ikán.

San Juan 13:23

Ta iin ra ítaꞌan xiꞌin Jesús ku ra kúꞌvi ni ini ra xíni ñaꞌa ra, ta yati índuꞌu ndaa ra xiín Jesús.

San Juan 19:26

Tá xi̱ni Jesús siꞌí ra ndíchi yá xiꞌin inka ra xi̱taꞌan xiꞌin ra, ra ku̱ꞌvi ni ini ra xi̱ni ñaꞌa ra, saa ndi̱kaꞌan ra xiꞌin siꞌí ra, káchi ra saa: ―Nana, ra yóꞌó nduu seꞌe un vitin ―káchi ra xiꞌin yá.

San Juan 20:2

Saa ke̱e yá xínu yá kuaꞌan yá nuu íin ra Simón Pedro xiꞌin inka ra xi̱taꞌan xiꞌin Jesús, ra ku̱ꞌvi ni ini Jesús xi̱ni ra, ta ndi̱tuꞌun yá xiꞌin nda, káchi yá saa: ―Ta̱va na ikin kuñu Tata yo kuaꞌan xiꞌin na, ta köo xíni nde míí chí ndi̱xaꞌan na ndi̱ndaka na ya ―káchi yá xiꞌin nda.

San Juan 20:20

Tá sindiꞌi ra ndi̱kaꞌan ra saa, ta si̱naꞌa ra ndaꞌa ra tin ñaꞌñu xiín ra nuu íyo yavi ya ti̱kueꞌe ra. Saa ku̱sini ni nda xi̱taꞌan xiꞌin ra xaꞌa ya xi̱ni ñaꞌa nda.

San Juan 20:28

Saa ndi̱kuiin ra Tomás, káchi ra saa: ―¡Tata, yóꞌo̱ ku Tata i tin Ndioxi mií i! ―káchi ra xiꞌin Jesús.

San Juan 21:20

Saa ndi̱ko koo ra Pedro ndi̱koto ra sata ra, ta xi̱ni ra ndíkun inka ra xi̱taꞌan xiꞌin Jesús kuaꞌan ra sata ra. Ta ra ikán ku ra kúꞌvi ni ini Jesús xíni ra, ta suvi ra ikán ku ra ndi̱xiyo yati xiín Jesús tá ndóo nda xíxini nda nuu ndi̱ndakan tuꞌun ñaꞌa ra, káchi ra saa: “Tata, ¿unku ra ndixiko vata yóꞌo̱?”, ka̱chi ra xiꞌin Jesús.

San Juan 21:24

Ta yeꞌe ku ra ikán, ra xi̱taꞌan xiꞌin Jesús, ta táa i ya yóꞌó ya ná kundaa ini ndo. Tá íyo ya xi̱ni i, saa íyo ya ndítuꞌun i xiꞌin ndo. Ta ya ndítuꞌun i xiꞌin ndo ta ya ndaa ni ku ya.

San Juan 21:8

Ta ñúu nda ñunu kuaꞌan xiꞌin nda, ta chútu ndaa tiaka ini ya, kuaꞌan nda xiꞌin ya yuꞌu nduta ñûꞌu nuu ndíchi itun barco, ta kúu ya iin kuꞌva iin ciento metro, saa xaa nda nuu ndíchi nu.

Los Hechos 10:36

Ta ndi̱kaꞌan Ndioxi xiꞌin ndeꞌe judío, tá ti̱ꞌvi ra Tata yo Jesucristo ki̱xi ra ndi̱kaꞌan ndoso ra tuꞌun vaꞌa ya táxi koo vaꞌa ni ini yo, chi ra ikán ku ra xáꞌnda chiñu nuu ndiꞌi yo ―káchi ra Pedro xiꞌin na.

Los Hechos 2:36

Ta xaꞌa ya ñaa kua xíniñuꞌu kundaa ini ndiꞌi ndóꞌo̱ na taꞌan yo Israel chi suvi mií Jesús ra chi̱nuu ndo nuu cruzin ku ra kúu Cristo ra sikaku yoo ―káchi ra Pedro xiꞌin nda.

1 Corintios 15:47

Chi taa ra núnu̱ú, ta xiꞌin ñuꞌú ndi̱kuaꞌa ra, ta ra ivi yóꞌó ku ra, sundi taa ra uvi, ra ku Tata yo Jesucristo, ta ra ke̱e nuu ndivi ku ra ikán.

2 Corintios 5:14

Ya kúꞌvi ni ini Jesucristo xíni ra ndeꞌe kua chíndaꞌa ndeꞌe xaa súvi nde chiñu nuu ra, chi ndeꞌe ta kúndaa teꞌe ini nde, iindaa mií ra ku ra ndi̱xiꞌi xaꞌa kuachi ndiꞌi yo ñuu ivi, ta saa ndo̱ꞌo ndiꞌi yo tá íin na ndi̱xiꞌi saa ndu̱u ndiꞌi yo.

Santiago 2:1

Ñani yo, ndïkaxin ndo nda iin na taꞌan yo na ndíkun Tata yo Jesucristo ra kúu mií ndee chee ya vaꞌa ni, iin kachi kuꞌvi ini ndo kuni taꞌan ndiꞌi ndo.