San Juan 21:22 - Xochapa Mixteco

²² Saa ndi̱kuiin Jesús, káchi ra saa: ―Tá tu kúni i ta kutaku ra ñuu ivi yóꞌó nda kivi ná ndiko koo i, ta kutaku va ra. Ta yóꞌo̱, ¿unkua ndóꞌo un ndíꞌi ini un? Naꞌa kii mií un kundikun un yeꞌe ―káchi Jesús xiꞌin ra.

San Juan 21:22 Iomraidhean Croise

San Mateo 16:24

Saa ndi̱kaꞌan Jesús xiꞌin nda ítaꞌan xiꞌin ra, káchi ra saa: ―Tá ndá naꞌa kúni kundikun yeꞌe, ta xíniñuꞌu na ndindoso ini na xaꞌa mií na, saa ndikundiso na cruzin na, ta ndikundikun na yeꞌe.

San Mateo 24:27

Tá ná ndiko koo yeꞌe Taa ra xa̱a ñuu ivi yóꞌó, ta tá kuꞌva ndíyeꞌe taxan nuu ndivi iin ndíyeꞌe ndaa yaa nuu kéta ñu̱ꞌù iin saa nda nuu kěta ya, saa kuu kivi tá ná ndiko koo i, ndiꞌi ni kúu naꞌa kuni ndiko koo i.

San Mateo 24:3

Saa ke̱e nda kuaꞌan nda iku Olivo, ñaa ndi̱kunduꞌu Jesús xiki ikán, ta ku̱yati nda ítaꞌan xiꞌin ra nuu ra káꞌan sěꞌe nda xiꞌin ra, káchi nda saa: ―Tata, kúni nde kaꞌan un xiꞌin nde maa kua kuu saa. ¿Ta ndá seña kua koo tá ná ndiko koo un tin tá ná ndiꞌi xaꞌa ñuu ivi? ―káchi nda xiꞌin ra.

San Mateo 24:44

Saa ndóꞌo̱, xíniñuꞌu ndo koo tuꞌva ndo, saa chi iin kuu soꞌva ndiko koo Yeꞌe, Taa ra xa̱a ñuu ivi yóꞌó ―káchi Jesús xiꞌin na.

San Mateo 25:31

Saa ndi̱kaꞌan ka Jesús xiꞌin na, káchi ra saa: ―Kivi tá ná ndiko koo yeꞌe, Taa ra xa̱a ñuu ivi yóꞌó, ta ndiko koo i xiꞌin ndiꞌi na tatun Ndioxi, tá káa rey ra ndee ni ndee saa koo i tá ná ndiko koo i xiꞌin ndiꞌi ñaꞌa ya ndee ni luvi yéꞌe̱. Ta saa ndikunduꞌu i nuu tai toꞌo kaꞌnda chiñu i.

San Mateo 8:22

Saa ndi̱kuiin Jesús, káchi ra saa: ―Naꞌa, kuꞌun un xiꞌin i. Vaꞌa na ndíi, ná sinduxin taꞌan mií va na ―káchi Jesús xiꞌin ra.

San Marcos 9:1

Saa ndi̱kaꞌan ka Jesús xiꞌin na, káchi ra saa: ―Ya ndaa ndixa káꞌan i xiꞌin ndo, sava ndóꞌo̱ ndóo yóꞌó vitin ta küvi yachi ndo, kuni ndo nuu xáꞌnda chiñu Ndioxi xiꞌin ndee ra ya ndee ni ―káchi Jesús xiꞌin na.

San Juan 21:19

Ta xiꞌin tuꞌun yóꞌó ndi̱kaꞌan Jesús xiꞌin ra Pedro ndá kuꞌva kuvi ra nuu xaa kaꞌnu ra Ndioxi. Tá ndi̱ꞌi saa ndi̱kaꞌan ka ra, káchi ra saa: ―Naꞌa kundikun un sata i ―káchi ra xiꞌin ra.

San Juan 21:21

Tá xi̱ni ra Pedro ra ikán, ta saa ndi̱ndakan tuꞌun ra Jesús káchi ra saa: ―Tata, ta ra yóꞌó, ¿unkua kundoꞌo ra? ―káchi ra.

1 Corintios 11:26

Yakan ndiꞌi saa ichí tá xíxi ndo xita vaꞌa yóꞌó tin xíꞌi ndo nduta vino, ta xaꞌa Tata yo Jesucristo kua ndítuꞌun ndo ya ndi̱xiꞌi ra xaꞌa yo. Saa ikan ndo nda kivi tá ná ndiko koo ra.

1 Corintios 4:5

Xaꞌa ya ñaa kua káꞌan i xiꞌin ndo, táxi i nuu ndo. Käꞌan kama ni ndo xaꞌa naꞌa ya xaa nani ndo kuachi xiꞌin na. Kundatun ndo nda ná xinu mií tiempo ya ndiko koo Tata yo Jesucristo, chi mií ra ku ra sindiyeꞌe ndiꞌi saa kúu. Ta saa kua ndituvi ndiꞌi ñaꞌa ya íyo sěꞌe vitin. Ta saa kua ndituvi nda ñaꞌa ya íyo sěꞌe nima naꞌa, ndá kuꞌva ku ya ndíkani ini na. Ta suvi mií tiempo ikán kua xaa kaꞌnu Ndioxi naꞌa, tá kuꞌva íyo ya i̱kan na, saa koo ya ikan ra xiꞌin na.

1 Tesalonicenses 2:19

Ta kúni ni nde xaa nde nuu ndo chi ndóꞌo̱ ku ndo xáꞌa ni ndee xiꞌin nde xaꞌa ya ndee ni vaꞌa ndíkun ndo Tata yo Jesucristo, xaꞌa ya ñaa kua kúsini ni nde xiꞌin ndo. Tá ná ndiko koo Tata yo Jesucristo ñuu ivi yóꞌó ta vaꞌa ni kuni nde xiꞌin ndo, chi ndóꞌo̱ ta tá íin ñaꞌa ya luvi ni níꞌi iin naꞌa nuu kuaꞌan na kéꞌe taꞌan na, saa íin ndo nuu nde. Ta niꞌi ni nde ya vaꞌa nuu Ndioxi xaꞌa ndo tá ná sinaꞌa nde ndóꞌo̱ nuu ra.

Santiago 5:7

Sundi ndóꞌo̱ ñani yo xiꞌin kuꞌva yo, ta ndaku ni koo ini ndo, kündiꞌi ini ndo, kundatun ndo nda ná ndiko koo Tata yo Jesucristo kixi ra. Tá ndóꞌo iin ra chíꞌi nuu ñuꞌú ra, köo ndíꞌi ini ra, kuekuee ndátun ra nda ná ndiyaa, küun ka savi, saa vi xáa ra síkee ra ñaꞌa chi̱ꞌi ra nuu ñuꞌú ra.

Santiago 5:8

Tá íkan ra ikán saa xíniñuꞌu ndo kuekuee kundatun ndo, ndakú ni koo ini ndo nda ná ndiko koo Tata yo Jesucristo.

El Apocalipsis 1:7

Vaxi kivi ta ndiko koo Tata yo Jesucristo ñuu ivi yóꞌó, kixi ra tañu vi̱kó. Ndiꞌi saa naꞌa kuni xiꞌin nuu na ra kixi ra. Nda naꞌa, na tu̱vi itun íyo kàà xi̱ín nuu, na xa̱a ndu̱vaꞌa ni xiꞌin ra, si̱tikueꞌe ni na ra, ta nda na ikán kuni kixi ra. Ta naꞌa, na ndóo ndiꞌi ni kúu ñaꞌñu ñuu ivi, na köo ndi̱xiin kandixa ñaꞌa, nda na ikán kusuchi ni ini, kuaku ni na tá ná kuni na ra. Saa ná koo.

El Apocalipsis 2:25

Ndisaa ya yóꞌó kua xíniñuꞌu ni ndo ikan ndo: Ndee ni kundikun ndo yeꞌe, ta sïndikoo ndo ya ndíkun ndo ichí i, nda kivi ná ndiko koo i.

El Apocalipsis 22:20

Jesús ra ndíkani xaꞌa tuꞌun yóꞌó ya kúu ya ndaa, ra ikán ku ra káꞌan xiꞌin ndo, káchi ra saa: “Ndixa kama ni ndiko koo i”, káchi ra. Ta ndiꞌi na kándixa ya káꞌan ra, káchi na: Saa ná koo. ¡Naꞌa Tata Jesús, ra chee nuu nde! káchi na.

El Apocalipsis 22:7

Ta ndi̱kaꞌan Tata yo Jesucristo tuꞌun yóꞌó, káchi ra saa: ―¡Koo tuꞌva ndo, chi kama ni ndiko koo i! Ta vaꞌa ni kée na xáa súvi tuꞌun ya íyo nuu tutu yóꞌo̱ ya ndi̱kaꞌan nda ndi̱kaꞌan ndoso tuꞌun yuꞌu Ndioxi xinaꞌa ―káchi Jesús.

El Apocalipsis 3:11

Kama ni ndiko koo i, yakan ni ndóꞌo̱ ta sïndikoo ndo ya ndíkun ndo ichí i, ya ná kïxi inka naꞌa kindaa na ñaꞌa ya taxi Ndioxi ndaꞌa ndo.