San Juan 20:9 - Xochapa Mixteco

⁹ Vani täꞌan kundaa ini nda ya káꞌan tuꞌun Ndioxi, ya xíniñuꞌu nditaku Jesús tañu na ndíi.

San Juan 20:9 Iomraidhean Croise

San Mateo 22:29

Saa ndi̱kuiin Jesús, káꞌan ra xiꞌin nda: ―Sïndaꞌvi ndo mií ndo, saa chi ni köo xíni ndo unkua káꞌan tuꞌun Ndioxi, ta ni köo xíni ndo ndee ya kúu mií ya.

San Lucas 24:26

Taa ra ti̱ꞌvi Ndioxi vaxi sikaku na ñuu ivi yóꞌó ta xíniñuꞌu ra ndoꞌo ni ra, ta saa vaxi kivi saa ndiko koo tuku ra ndikunduꞌu ra kaꞌnda chiñu ra xiꞌin Ndioxi nuu ndi̱xiyo ra ―káchi Jesús xiꞌin nda.

San Lucas 9:45

Ta ni köo ndi̱kundaa ini nda xiꞌin tuꞌun ikán, chi xi̱ndasi va ya xínituni nda yakan köo ndíkundaa ini nda xiꞌin ya. Ta ni köo ndi̱xaꞌa ndee ini nda ndakan tuꞌun ñaꞌa nda unkua kúni kachi ya ndi̱kaꞌan ra xiꞌin nda.

San Juan 2:22

Chi tá ndi̱xiꞌi ra ta ndi̱taku ra kivi uni, ta saa ndi̱kaꞌán ini nda xi̱taꞌan xiꞌin ra xaꞌa tuꞌun yóꞌó. Ta saa ka̱ndixa nda tuꞌun Ndioxi ya ta̱a na xinaꞌa, ta ka̱ndixa tu nda tuꞌun ya ndi̱kaꞌan Jesús xiꞌin va nda.

Los Hechos 17:3

Ta sínaꞌa ra na, káchi ra saa xiꞌin na: ―Tuꞌun Ndioxi ya ta̱a nda ndi̱kaꞌan ndoso tuꞌun yuꞌu ra xinaꞌa káꞌan ya xaꞌa ra kúu Cristo, ta xíniñuꞌu ra ndoꞌo ni ra, saa kuvi ra, ta sindiꞌi nditaku ra, káchi tuꞌun Ndioxi. Ta Jesús ku ra kúu Cristo, taa ra káꞌan tuꞌun Ndioxi xaꞌa. Ta suvi xaꞌa ra ikán kua káꞌan i xiꞌin ndo vitin ―káchi ra Pablo xiꞌin na.

Los Hechos 2:24

Sundi tá ndi̱xiꞌi ra ta köo ndi̱taxi Ndioxi ndoo ra ndikaa ra ndaꞌa ya ndíi, chi köo ichí ya ndíi kaꞌnda chiñu ya nuu ra.

1 Corintios 15:4

Ta si̱nduxin na ra, saa ndi̱taku ra kivi uni, tá kuꞌva káꞌan tuꞌun Ndioxi xaꞌa ra ya ta̱a na xinaꞌa, saa ndo̱ꞌo ra.