San Juan 20:22 - Xochapa Mixteco

²² Tá ndi̱kaꞌan ra saa, ñaa ti̱vi ra tachi ra nuu nda, saa ndi̱kaꞌan ra xiꞌin nda, káchi ra saa: ―Ndikiꞌin ndo Tachi I̱í Iva i Ndioxi vitin.

San Juan 20:22 Iomraidhean Croise

San Juan 14:16

Ta yeꞌe nduku i ya mani nuu Iva i, ya ná tiꞌvi ra Tachi ra koo ya xiꞌin ndo Sindiko ya ini ndo, ta koo ya xiꞌin ndo ndiꞌi saa ichí.

San Juan 15:26

Saa ndi̱kaꞌan ka Jesús xiꞌin nda, káchi ra saa: ―Tá ná kixi Tachi Ndioxi ya Sindiko ini ndo ndikuiin ya xaꞌa i kaꞌan ya xiꞌin ndo. Ta ya tiꞌvi i kixi ta ya ndaa ni kua chi nuu Iva i vaxi ya.

San Juan 16:7

Sundi ya ndaa káꞌan i xiꞌin ndo, tá ná kuꞌun i ta vaꞌa ni ka kee ndo. Chi tá ná küꞌun i ta kïxi Tachi I̱í Ndioxi chindee ya ndóꞌo̱, sindiko ya ini ndo. Tá ná kuꞌun i ta tiꞌvi i ya kixi ya.

San Juan 20:21

Saa ndi̱kaꞌan tuku Jesús xiꞌin nda, káchi ra saa: ―Ná koo vaꞌa ni ini ndo. Tá kuꞌva ti̱ꞌvi Iva i yeꞌe, saa tíꞌvi i ndóꞌo̱ kuꞌun ndo vitin ―káchi ra xiꞌin nda.

San Juan 20:23

Tá tu xáa kaꞌnu ini ndo xaꞌa kuachi naꞌa, ta saa tu Ndioxi xaa kaꞌnu ini ra xaꞌa kuachi na. Tá tu köo xáa kaꞌnu ini ndo xaꞌa kuachi na, ta ni Ndioxi xäa kaꞌnu ini ra xaꞌa kuachi na ―ka̱chi ra xiꞌin nda.

San Juan 7:39

Ndi̱kaꞌan Jesús saa xiꞌin na chi na kándixa ñaꞌa ta ndikiꞌin na Tachi I̱í Ndioxi koo ya xiꞌin na. Täꞌan kixi ya koo ya xiꞌin na, chi täꞌan ndiko koo ra kuꞌun ra nuu ndivi.

Los Hechos 10:47

Saa ndi̱kaꞌan ra Pedro, káchi ra saa: ―Tá kúu yoo ndi̱kiꞌin yo Tachi I̱í Ndioxi ta chi̱chi yo, ta saa tu na yóꞌó va, ndi̱kiꞌin na Tachi I̱í Ndioxi. Ta unku vi yoo ya kasi yo nuu na täxi yo kuchi na. Vaꞌa kuchi tu na yóꞌó va ―káchi ra.

Los Hechos 19:2

Saa ndi̱ndakan tuꞌun ra nda ikán, káchi ra saa: ―¿Án ndi̱kiꞌin ndo Tachi I̱í Ndioxi tá xa̱á kándixa ndo Jesús? ―káchi ra xiꞌin nda. Saa ndi̱kuiin nda káꞌan nda: ―Ni köo xíni nde án íyo Tachi I̱í Ndioxi ―káchi nda xiꞌin ra.

Los Hechos 2:38

Saa ndi̱kuiin ra Pedro káꞌan ra xiꞌin nda káchi ra saa: ―Ndiko koo ini ndo xaꞌa ndiꞌi kuachi ndo. Ta saa kuchi ndo tixin kivi Jesucristo ya ná xaa kaꞌnu ini Ndioxi xaꞌa kuachi ndo. Saa kua ndikiꞌin ndo Tachi Ií ra koo ya xiꞌin ndo.

Los Hechos 2:4

Ta Tachi I̱í Ndioxi kua xa̱a sata iin iin na, ñaa xa̱á iin iin na káꞌan na inka nuu tuꞌun ya káꞌan na inka ñuu. Tá íyo ya ta̱xi Tachi I̱í Ndioxi ndaꞌa na kaꞌan na, saa íyo ya xa̱á na káꞌan na.

Los Hechos 4:8

Ta ndee ni íyo Tachi Ndioxi xiꞌin ra Pedro, ta saa ndi̱kuiin ra káꞌan ra: ―Ndóꞌo̱ tata na chiñu nuu ñuu yo xiꞌin ndóꞌo tata na xikuaꞌa nuu yo Israel.

Los Hechos 8:15

Tá ndi̱xaa ra Pedro xiꞌin ra Juan ñuu Samaria ta ndi̱kaꞌan nda xaꞌa na kándixa Jesús xiꞌin Ndioxi ya ná ndikiꞌin na Tachi I̱í Ndioxi.

Gálatas 3:2

Ta vitin kúni i ndakan tuꞌun i ndóꞌo̱, ta vaꞌa ndikuiin ndo yuꞌu i xaꞌa ya kaꞌan i xiꞌin ndo: Tá ndi̱kiꞌin ndo Tachi I̱í Ndioxi ta ¿án xaꞌa ya xáa súvi ndo ley Ndioxi kua ndi̱kiꞌin ndo ya, túvi ndo? Süvi saa íyo ya, xaꞌa ya xi̱ni soꞌo ndo tuꞌun vaꞌa xaꞌa Jesucristo va kua ndi̱kiꞌin ndo Tachi I̱í ra.