San Juan 20:16 - Xochapa Mixteco

¹⁶ Saa ndi̱kuiin Jesús ndi̱kaꞌan ra xiꞌin yá, káchi ra saa: ―¡María! ―káchi ra. Saa ndi̱koto yá nuu ra, ta ndi̱kuni yá ra, saa ndi̱kaꞌan yá xiꞌin ra: ―¡Raboni! ―káchi yá. (Chi tuꞌun Raboni ku tuꞌun ya káꞌan mií na judío, ta kúni kachi ya Maestro.)

San Juan 20:16 Iomraidhean Croise

San Mateo 14:27

Saa kama ni ndi̱kaꞌan Jesús xiꞌin nda, káchi ra saa: ―¡Kündiꞌi ini ndo, chi yeꞌe va ku i, ku ïꞌvi ndo! ―káchi ra xiꞌin nda.

San Marcos 10:51

Tá ndi̱xaa ra, saa ndi̱kaꞌan Jesús xiꞌin ra, káchi ra saa: ―¿Unkua kúni un ikan i xiꞌin un? ―káchi ra xiꞌin ra. Saa ndi̱kuiin ra káꞌan ra: ―Nuu va i kua kúni ná kuna, Tata ―káchi ra.

San Lucas 10:41

Saa ndi̱kuiin Jesús káꞌan ra xiꞌin yá: ―Marta, Marta, ya ndaa ndixa kua ndíꞌi ni ini un xáa chiñu un chi íyo ni chiñu nuu un ya síndiꞌi ni yóꞌó.

San Juan 1:38

Saa ndi̱ko koo Jesús ndikoto ra sata ra, ta xi̱ni ra ndíkun nda kuaꞌan nda sata ra, ta saa ndi̱kaꞌan ra xiꞌin nda, káchi ra saa: ―¿Unkua kúni ndo? ―káchi ra xiꞌin nda. Saa ndi̱kuiin nda káꞌan nda: ―Rabí ¿míí ku nu íyo un? ―káchi nda xiꞌin ra. Ta tuꞌun “Rabí” kúni kachi ya “Maestro”.

San Juan 1:49

Saa ndi̱kaꞌan ra Natanael xiꞌin ra, káchi ra saa: ―Tata Rabí, ¡yóꞌo̱ ku Seꞌe Ndioxi, ta yóꞌo̱ ku Rey ra kaꞌnu nuu ndeꞌe ñuu Israel! ―káchi ra.

San Juan 10:3

Nda mií ra ndáa corra ikán ta xíni ra unku ra ndáa ri. Ta xúna ra yeꞌe ya kiꞌvi ri. Nda ni mií kiti levo ikán ta xa xíni ri tachi ra ndáa ri. Saa kána ra kivi iin iin ri, ta kána koo ri ini corra ikán.

San Juan 11:28

Sindiꞌi tá ndi̱kaꞌan yá saa, ta ndi̱xaꞌan yá ka̱na yá kuꞌvi yá, yá María ndi̱kaꞌan sěꞌe yá xiꞌin yá, káchi yá saa: ―Xa̱a ra Maestro yóꞌó, ta ndúku ra yóꞌo̱ ―káchi yá xiꞌin yá.

San Juan 13:13

Ndóꞌo̱, ta káꞌan ndo xiꞌin i kúu i Maestro ta kúu i ra kaꞌnu nuu ndo, káchi ndo. Ta ya ndaa ndixa kua káꞌan ndo xiꞌin i, saa chi ikán ku i.

San Juan 20:28

Saa ndi̱kuiin ra Tomás, káchi ra saa: ―¡Tata, yóꞌo̱ ku Tata i tin Ndioxi mií i! ―káchi ra xiꞌin Jesús.

San Juan 3:2

Ta iin ñûu ke̱e ra ndi̱xaꞌan ra nuu Jesús káꞌan ra xiꞌin ra, káchi ra saa: ―Rabí, xíni nde yóꞌo̱ ku Maestro ra ti̱ꞌvi Ndioxi vaxi sinaꞌa un ndeꞌe ñuu ivi yóꞌó, saa chi nda iin naꞌa ta küchiñu na ikan na taꞌan ya íkan un tá tu köo Ndioxi íyo xiꞌin na ―káchi ra xiꞌin Jesús.

San Juan 5:2

Ta yati yeꞌe ya náni yeꞌe levo ñuu Jerusalén ikán íyo iin nuu chútu tikuii, ta náni ya Betesda tuꞌun hebreo, ta ikán ndi̱xiyo uꞌun yeꞌe nama yu̱ú, ndási xiní ya ta núna xaꞌa ya.

San Juan 6:25

Saa tá ndi̱xaa na inka ñaꞌñu yuꞌu nduta ñûꞌu, ta ndi̱ndakan tuꞌun na Jesús, káchi na saa: ―Tata Rabí, ¿maa xa̱a un yóꞌó? ―káchi na xiꞌin ra.

Los Hechos 10:3

Ta iin kivi kuꞌva kàà uni xikuaa si̱tuvi ya nuu ra, xi̱ni ra iin tatun Ndioxi ndi̱kiꞌvi ya ini veꞌe nuu ndíkaa ra. Ta saa ndi̱kaꞌan ya xiꞌin ra, káchi ya saa: ―¡Tata Cornelio! ―káchi ya xiꞌin ra.

Los Hechos 9:4

Saa ndu̱va ra kuaꞌan ra nuu ñuꞌú, ta xi̱ni soꞌo ra iin tachi taa káꞌan ya xiꞌin ra, káchi ya saa: ―Saulo, Saulo, ¿ndachu xíka un sítixuꞌvi un yeꞌe? ―káchi ra xiꞌin ra.