San Juan 20:13 - Xochapa Mixteco

¹³ Saa ndi̱ndakan tuꞌun na yá, káchi na saa xiꞌin yá: ―Nana, ¿ndachu xáku un? ―káchi na xiꞌin yá. Saa ndi̱kuiin yá káꞌan yá: ―Xaꞌa ya ndi̱kiꞌin na ikin kuñu Tata i, yakan xáku i, chi köo xíni i míí chí ndi̱xaꞌan na chi̱nduꞌu na ya ―káchi yá.

San Juan 20:13 Iomraidhean Croise

San Lucas 24:17

Saa ndi̱ndakan tuꞌun ñaꞌa ra, káchi ra saa: ―¿Unkua ndítuꞌun ni ndo xaꞌa vaxi ndo? ¿Ndachu ndi̱kava ni ini ndo? ―káchi ra xiꞌin nda.

San Juan 19:26

Tá xi̱ni Jesús siꞌí ra ndíchi yá xiꞌin inka ra xi̱taꞌan xiꞌin ra, ra ku̱ꞌvi ni ini ra xi̱ni ñaꞌa ra, saa ndi̱kaꞌan ra xiꞌin siꞌí ra, káchi ra saa: ―Nana, ra yóꞌó nduu seꞌe un vitin ―káchi ra xiꞌin yá.

San Juan 2:4

Saa ndi̱kuiin ra káꞌan ra: ―¿Nana, ndachu káꞌan un saa xiꞌin i? Ta täꞌan vi tindaa kivi ya xaa súvi i chiñu Ndioxi ―káchi ra xiꞌin yá.

San Juan 20:15

Saa ndi̱kaꞌan Jesús xiꞌin yá, káchi ra saa: ―Nana, ¿ndachu xáku un? ¿Ta unku na ndúku un? ―káchi ra xiꞌin yá. Ta án ra ndáa itun kuiꞌi ikán va ku ra káꞌán yá, saa ndi̱kaꞌan yá xiꞌin ra, káchi yá saa: ―Tata, tá tu yóꞌo̱ ndi̱kiꞌin ikin kuñu ra kuaꞌan xiꞌin un, ta kaꞌan xiꞌin i míí ndi̱xaꞌan un chi̱kaa un ya, ta kuꞌun i ndikiꞌin i ya sinduxin i ―káchi yá xiꞌin ra.

San Juan 20:2

Saa ke̱e yá xínu yá kuaꞌan yá nuu íin ra Simón Pedro xiꞌin inka ra xi̱taꞌan xiꞌin Jesús, ra ku̱ꞌvi ni ini Jesús xi̱ni ra, ta ndi̱tuꞌun yá xiꞌin nda, káchi yá saa: ―Ta̱va na ikin kuñu Tata yo kuaꞌan xiꞌin na, ta köo xíni nde míí chí ndi̱xaꞌan na ndi̱ndaka na ya ―káchi yá xiꞌin nda.

Los Hechos 21:13

Ta ndi̱kuiin ra, káchi ra saa: ―Küaku ndo chi nda yeꞌe kúchiꞌña ini íkan ndo. Tá ti̱in na yeꞌe ka̱tun na, ta vaꞌa ná tiin va na yeꞌe, chi yeꞌe ta xa íyo tuꞌva i kundoꞌo i xaꞌa Tata yo Jesús, vani kaꞌni na yeꞌe xaꞌa va ra ―káchi ra xiꞌin na.