San Juan 20:1 - Xochapa Mixteco

¹ Ta xitaan ni kivi domingo, naá ka ke̱e yá María Magdalena kuaꞌan yá nuu ndi̱nduxin Jesús, ta xi̱ni yá xa ku̱taꞌa yu̱ú ya chee ni ndási yuꞌu kava ikán.

San Juan 20:1 Iomraidhean Croise

San Mateo 27:56

Tañu ná ikán ndíkaa yá María Magdalena xiꞌin yá María, siꞌí ra Jacobo xiꞌin ra José, xiꞌin inka siꞌí uvi saa nda seꞌe ra Zebedeo.

San Mateo 27:60

Ñaa ndi̱xaꞌan ra chi̱kaa ra ikin kuñu Jesús ini kava xa̱á, ya sikan si̱kuaꞌa ra. Ta saa si̱kutuvi ra yu̱ú yati yuꞌu kava ikán ta xiꞌin ya ikán ndi̱kasi ra yeꞌe ya, saa ke̱e ra kuanuꞌu ra.

San Mateo 27:64

Yakan vaxi nde nuu un kaꞌan nde xiꞌin un ya ná tiꞌvi un nda lapa kuꞌun nda ndikasi kutu vaꞌa nda yuꞌu kava ikán nda kivi uni. Koto ka kuꞌun nda xi̱ndikun sata ra sikuiꞌna nda ikin kuñu ra, ta sindiꞌi kaꞌan nda: “Ndi̱taku ra”, kachi nda. Ta kini ni ka sindaꞌvi ra naꞌa vitin süvi ka vi tá xi̱taku ra ―káchi nda xiꞌin ra Pilato.

San Mateo 27:66

Saa ka̱na koo nda kuaꞌan nda ndikasi kutu vaꞌa nda yeꞌe kava ikán, ka̱ni nda sello sata yu̱ú ya ndási yuꞌu ya, ñaa ndi̱ndoo nda lapa ndáa nda ya.

San Mateo 28:1

Tá ndi̱yaꞌa kivi i̱í ya ndíkundee na, saa kuaꞌan túvi inka kivi núnu̱ú xaꞌa semana, kivi domingo, saa ndi̱xaa yá María Magdalena xiꞌin inka yá María, ndi̱xaa ná xíto ná nuu chi̱kaa nda ikin kuñu Jesús.

San Mateo 28:2

Iin ku̱u soꞌva ta xa̱á ndee ni táan, chi nu̱u iin tatun Ndioxi ke̱e nuu ndivi si̱kutaꞌa ya yu̱ú kaꞌnu ni ndási yuꞌu kava ikán, saa ndi̱kunduꞌu koo ya sata mií yu̱ú ikán.

San Marcos 15:46

Saa sa̱ta ra José iin toto xa̱á, ta toto vaꞌa ni ku ya ikán. Ñaa si̱nuu ra ikin kuñu Jesús, ta su̱vi ra ya xiꞌin toto ikán. Saa ke̱e ra ndi̱xaꞌan ra si̱nduxin ñaꞌa ra ini iin kava ya xa si̱kuaꞌa ra tá yachi, ta ndi̱kasi ra iin yu̱ú chee yuꞌu ya ikán.

San Marcos 16:9

Tá ndi̱taku Jesús kivi núnu̱ú xaꞌa semana, xitaan kivi domingo ta xiꞌna nuu yá María Magdalena ndi̱tuvi ra, yá ta̱va ra uxa tachi nduvaꞌa tá yachi.

San Juan 11:38

Saa ta ku̱suchi ni ini Jesús. Ta ndi̱xaa ra yeꞌe kava nuu ndi̱nduxin ra Lázaro. Ta índuꞌu iin yu̱ú, yuꞌu kava ikán ndási ya.

San Juan 11:41

Saa si̱kutaꞌa na yu̱ú ya ndási yuꞌu kava nuu chi̱kaa na ra. Ta ndi̱koto Jesús nuu ndivi saa ndi̱kaꞌan ra, káchi ra saa: ―Tata Iva i, táxi i tixaꞌvi ndaꞌa un chi xi̱ni soꞌo un ya ndi̱kaꞌan i xiꞌin un.

San Juan 19:25

Ta yati xaꞌa cruzin nuu ínuu Jesús ndíchi siꞌí ra xiꞌin kuꞌvi yá, xiꞌin yá María síꞌi ra Cleofas xiꞌin yá María Magdalena.

San Juan 20:26

Saa ndi̱yaꞌa una kivi ta ndi̱kitaꞌan ndiꞌi tuku nda ndóo nda ini veꞌe ikán. Ta íyo ra Tomás xiꞌin nda. Ta ndási tuun tuku yeꞌe ndóo nda, saa ndi̱xaa Jesús ndi̱kundichi sava tuku ra maꞌñu nda, saa chi̱ndee ra nda, káchi ra saa: ―¡Ná koo vaꞌa ni ini ndo! ―káchi ra xiꞌin nda.

Los Hechos 20:7

Tá ti̱ndaa kivi núnu̱ú xaꞌa semana saa ndi̱kitaꞌan ndiꞌi nde ndíkun Jesús ya taꞌvi nde xita vaꞌa kuxi nde xiꞌin taꞌan nde xiꞌin ra Pablo, saa káꞌan ndoso ra tuꞌun Ndioxi xiꞌin naꞌa, síin kivi saa íyo ra ñuu na, ta tuvi xitaan keta ra kuꞌun ra inka ñaꞌñu, káchi ra. Yakan ndíꞌi ni ini ra nda sava ñǔu ta káꞌan ka ra xiꞌin na.

1 Corintios 16:2

Ta kivi núnu̱ú xaꞌa semana ta vaꞌa tava síin iin iin ndo loꞌo xuꞌun tañu ya kíꞌin ndo xáa chiñu ndo, tá kuꞌva síkaꞌán mií Ndioxi ini iin iin ndo chindee ndo na, kuꞌva saa koo ya taxi ndo, ta ná koo tuꞌva ya tá ná xaa i ta ndïkaya ka ndo ya.

El Apocalipsis 1:10

Saa ku̱u iin kivi ta kúu ya kivi domingo, kivi i̱í nuu mií yo kándixa Tata yo Jesucristo, saa ku̱ndaa ini i ya ndee ni ndee xa̱á íyo Tachi I̱í Ndioxi xiꞌin i, ñaa xi̱ni soꞌo i tachi iin ra chí sata i, ndee ka vi ndi̱kaꞌan ra, tá kuꞌva ndáꞌi itun trompeta saa ndee ni ndi̱kaꞌan ra, káchi ra saa: