San Juan 2:4 - Xochapa Mixteco

⁴ Saa ndi̱kuiin ra káꞌan ra: ―¿Nana, ndachu káꞌan un saa xiꞌin i? Ta täꞌan vi tindaa kivi ya xaa súvi i chiñu Ndioxi ―káchi ra xiꞌin yá.

San Juan 2:4 Iomraidhean Croise

San Mateo 15:28

Ñaa ndi̱kaꞌan Jesús xiꞌin yá, káchi ra saa: ―Nana, ndixa ni kándixa un yeꞌe. Ta xaꞌa ya ñaa xaa súvi i ya ndúku un nuu i ―káchi ra xiꞌin yá. Ta mi hora ikán ndu̱vaꞌa yá loꞌo seꞌe yá.

San Mateo 8:29

Ñaa iin ndi̱ndaꞌi koꞌo uvi saa nda, káchi nda saa: ―¿Unkua kúni un ikan un xiꞌin nde, Jesús? Kïꞌvi un xiꞌin nde saa chi Seꞌe Ndioxi ku yóꞌo̱. ¿Án xa̱a un ya xaa nduvaꞌa un xiꞌin nde, yachi ka tá täꞌan tindaa tiempo? ―káchi nda xiꞌin Jesús.

San Lucas 2:49

Saa ndi̱kuiin ra, káchi ra saa: ―¿Nana, ndachu ndúku ni ndo yeꞌe? ¿Án su chiñu Iva i kua xíniñuꞌu ni i xaa súvi i? ―káchi ra xiꞌin na.

San Juan 12:23

Saa ndi̱kuiin Jesús káchi ra saa: ―Xa yati ni ti̱ndaa kivi ya xaa súvi i chiñu chee ni nuu xaa kaꞌnu ni Ndioxi yeꞌe Taa ra xa̱a ñuu ivi yóꞌó.

San Juan 13:1

Yachi tixin viko pascua. Ta xa ku̱ndaa ini Jesús ya ti̱ndaa hora sindoo ra ñuu ivi yóꞌó, ta ndiko koo ra kuꞌun ra nuu Iva ra. Ta ndiꞌi saa ichí ku̱ꞌvi ni ini ra xi̱ni ra nda ítaꞌan xiꞌin ra ñuu ivi yóꞌó, ta saa si̱naꞌa ra mií ra nuu nda ya ndixa ni kúꞌvi ini ra xi̱ni ñaꞌa ra nda kivi sindiꞌi.

San Juan 2:3

Saa ndi̱ꞌi vino na, ta ndi̱kaꞌan siꞌí Jesús xiꞌin ra, káchi yá saa: ―Ndi̱ꞌi vino na, köo ka rá ―káchi yá xiꞌin ra.

San Juan 20:13

Saa ndi̱ndakan tuꞌun na yá, káchi na saa xiꞌin yá: ―Nana, ¿ndachu xáku un? ―káchi na xiꞌin yá. Saa ndi̱kuiin yá káꞌan yá: ―Xaꞌa ya ndi̱kiꞌin na ikin kuñu Tata i, yakan xáku i, chi köo xíni i míí chí ndi̱xaꞌan na chi̱nduꞌu na ya ―káchi yá.

San Juan 20:15

Saa ndi̱kaꞌan Jesús xiꞌin yá, káchi ra saa: ―Nana, ¿ndachu xáku un? ¿Ta unku na ndúku un? ―káchi ra xiꞌin yá. Ta án ra ndáa itun kuiꞌi ikán va ku ra káꞌán yá, saa ndi̱kaꞌan yá xiꞌin ra, káchi yá saa: ―Tata, tá tu yóꞌo̱ ndi̱kiꞌin ikin kuñu ra kuaꞌan xiꞌin un, ta kaꞌan xiꞌin i míí ndi̱xaꞌan un chi̱kaa un ya, ta kuꞌun i ndikiꞌin i ya sinduxin i ―káchi yá xiꞌin ra.

San Juan 7:30

Ta saa ku̱ni na tiin na ra chikaa na veꞌe kàà, sundi nda iin na köo ndi̱tiin ñaꞌa chi täꞌan tindaa kivi ya chi̱tuni Ndioxi.

San Juan 7:6

Saa ndi̱kaꞌan Jesús xiꞌin nda, káchi ra saa: ―Täꞌan vi tindaa kivi kuꞌun i, sundi ndóꞌo̱ ta ndá kivi ndikuu ta ya vaꞌa ku ndiꞌi va ya nuu ndo.

San Juan 7:8

Kuáꞌan mií ndo viko, küꞌun vi yeꞌe chi täꞌan tindaa kivi kuꞌun i ―káchi ra xiꞌin nda ñani ra.

San Juan 8:20

Ndiꞌi tuꞌun yóꞌó ndi̱kaꞌan Jesús yeꞌe veꞌe ñuꞌu kaꞌnu. Ndi̱kaꞌan ra saa tá ndi̱xiyo ra yati nuu ndíchi ñaꞌa nuu táan na xuꞌun, ya sóko na nuu Ndioxi. Káꞌan ra saa ya sínaꞌa ra naꞌa. Ta nda iin nda köo ndi̱tiin ñaꞌa, chi täꞌan xinu koo kivi ya kundoꞌo ra saa.

2 Corintios 5:16

Ta vitin xiꞌin ndiꞌi saa kivi ya vaxi, ta ndeꞌe ta xa si̱ndikoo nde ya ndíkani ini nde xaꞌa inka naꞌa, köo íkan ka nde tá kuꞌva íkan na ñuu ivi yóꞌó. Ya ndixa kua saa ndi̱kani ini nde xaꞌa na yachi tá täꞌan kundikun nde Jesucristo. Nda ni mií ra ta saa ndi̱kani ini nde xaꞌa ra, ta vitin ta köo ndíkani ka ini nde xaꞌa ra kuꞌva saa.