San Juan 2:21 - Xochapa Mixteco

²¹ Sundi Jesús ta köo ndi̱kaꞌan ra xaꞌa veꞌe ñuꞌu ya ndíkaa ñuu Jerusalén, xaꞌa ikin kuñu va ra kua ndi̱kaꞌan ra.

San Juan 2:21 Iomraidhean Croise

San Juan 1:14

Ta Tuꞌun Ndioxi ikán, ndu̱u ya iin taa, tá íin mií yo saa ndu̱u ra, ta ndi̱xika ra xiꞌin nde ñuu ivi yóꞌó. Ta xi̱ni nde ya vaꞌa luvi ni kúu mií ra. Ta mií ya luvi ni kúu mií Ndioxi kua kúu mií ra, chi iindaa mií ra ku Seꞌe Ndioxi. Iin chútu ndaa ya vaꞌa, ya ndaa ini ra.

San Juan 2:22

Chi tá ndi̱xiꞌi ra ta ndi̱taku ra kivi uni, ta saa ndi̱kaꞌán ini nda xi̱taꞌan xiꞌin ra xaꞌa tuꞌun yóꞌó. Ta saa ka̱ndixa nda tuꞌun Ndioxi ya ta̱a na xinaꞌa, ta ka̱ndixa tu nda tuꞌun ya ndi̱kaꞌan Jesús xiꞌin va nda.

1 Corintios 3:16

Ta saa ndóꞌo̱, ¿án köo kúndaa ini ndo ya íin ndo tá káa veꞌe ñuꞌu Ndioxi, ta íyo tu Tachi I̱í ra xiꞌin va ndo?

1 Corintios 6:19

¿Án köo xíni ndo ya kúu ikin kuñu ndo veꞌe ñuꞌu Tachi I̱í Ndioxi, ya ta̱xi ra ndaꞌa ndo íyo ya xiꞌin ndo? ta mií ra ku ra xáꞌnda chiñu nuu ndo.

2 Corintios 6:16

Köo íyo yuꞌu naꞌa, na kúu veꞌe ñuꞌu Ndioxi xiꞌin naꞌna ndioxi ya ndíi. Ta saa yoo, chi yo veꞌe ñuꞌu Ndioxi ra táku ku yo. Tá kuꞌva ndi̱kaꞌan mií ra, káchi ra saa: Yeꞌe, ta koo i xiꞌin na, saa kaka i xiꞌin na, Ndioxi na kúu i, saa kúu na, na ñuu mií i, káchi Ndioxi.

Colosenses 1:19

Ta kúsini ni mií Iva yo Ndioxi ta̱xi ra ndiꞌi ni kúu ñaꞌa ya kúu mií ra ndaꞌa Tata yo Jesucristo.

Colosenses 2:9

Ta iin tá kuꞌva íyo ini mií Iva yo Ndioxi iin kuꞌva ndaa saa íyo tu ikin kuñu mií Tata yo Jesucristo va.

HEBREOS 8:2

Saa xáa chiñu ra ini veꞌe ñuꞌu nuu i̱í ni, nuu ndee ni ndixa íyo ya toꞌo xáa kaꞌnu na Ndioxi xiꞌin nina ya ndaa. Ta mií Ndioxi ku ra si̱kuaꞌa veꞌe ñuꞌu ikán, süvi na ivi yóꞌó ku na ndi̱sikuaꞌa ya.