San Juan 2:19 - Xochapa Mixteco

¹⁹ Saa ndi̱kuiin Jesús ndi̱kaꞌan ra xiꞌin nda, káchi ra saa: ―Tá ná sindiꞌi xaꞌa ndo veꞌe ñuꞌu yóꞌó ta tixin kivi uni ta sikuaꞌa tuku i ya ―káchi ra xiꞌin nda.

San Juan 2:19 Iomraidhean Croise

San Mateo 12:40

Saa chi ra ikán ta xi̱ndikaa ra tixin tiaka chee ni uni ñuu tin uni nduvi, saa yeꞌe, Taa ra xa̱a ñuu ivi yóꞌó, ndikaa i tixin ñuꞌú uni ñuu tin uni nduvi.

San Mateo 16:21

Nda kivi saa xa̱á Jesús ndítuꞌun ra xiꞌin nda ítaꞌan xiꞌin ra, ya xíniñuꞌu kuꞌun ra ñuu Jerusalén. Ta ikán xaa nduvaꞌa ni na xikuaꞌa, xiꞌin nda ínuu nuu sutu tin nda maestro nda sínaꞌa ley Ndioxi, xaa nduvaꞌa ni nda xiꞌin ra. Saa kaꞌni nda ra, ta nditaku ra kivi uni.

San Mateo 27:40

káchi na saa: ―Yóꞌo̱ ku ra ndi̱kaꞌan: “Kani i veꞌe ñuꞌu, ta tixin ya uni kivi sikuaꞌa tuku i ya”, káchi un. Ta vitin vaꞌa ¡sikaku un mií un! Tá tu ndixa Seꞌe Ndioxi ku un, ta saa ¡sinuu un mií un ndaꞌa cruzin ñaa! ―káchi na xiꞌin ra.

San Mateo 27:63

Ndi̱kaꞌan nda xiꞌin ra, káchi nda saa: ―Tata, ndi̱kaꞌán ini nde ya ndi̱kaꞌan ra Jesús ra síndaꞌvi naꞌa, tá xi̱taku ra ta ndi̱kaꞌan ra ya nditaku ra sindiꞌi tixin kivi uni.

San Marcos 14:58

―Ndeꞌe ta xi̱ni soꞌo nde ndi̱kaꞌan ra, káchi ra saa: “Yeꞌe ta sindiꞌi xaꞌa i veꞌe ñuꞌu kaꞌnu yóꞌó ya si̱kuaꞌa na ivi, ta tixin kivi uni sixinu i inka ya, ta süvi taꞌan ya síkuaꞌa na ivi yóꞌó koo ya”, káchi ra ―káchi nda xaꞌa Jesús.

San Marcos 15:29

Ta ndiꞌi na yáꞌa kuaꞌan, kánaꞌa na xiꞌin ra ta síkuiko xiní na, káchi na saa: ―¡Án su yóꞌo̱ ku un káꞌan kani un veꞌe ñuꞌu kaꞌnu ta tixin uni kivi ta sikuaꞌa tuku un ya!

San Marcos 8:31

Saa ku̱u xa̱á Jesús káꞌan ra xiꞌin nda ítaꞌan xiꞌin ra, káchi ra saa: ―Yeꞌe ku ra xa̱a ñuu ivi yóꞌó ta ndoꞌo ni i, saa kundasi nuu na xikuaꞌa ñuu yo Israel kuni na yeꞌe, xiꞌin nda naꞌnu nuu nda sutu xiꞌin nda maestro nda sínaꞌa ley ya ta̱a ra Moisés xinaꞌa ―káchi ra. Ndítuꞌun ra xiꞌin nda ítaꞌan xiꞌin ra ya xaa nduvaꞌa ni na chiñu xiꞌin ra kaꞌni ñaꞌa na, sundi kivi uni nditaku ra, káchi ra xiꞌin nda.

San Juan 11:25

Saa ndi̱kaꞌan Jesús xiꞌin yá, káchi ra saa: ―Yeꞌe ku ra sínditaku naꞌa, ta yeꞌe ku ra táxi kutaku na. Ndiꞌi na kándixa yeꞌe vani xa ndi̱xiꞌi na, ta taxi i kutaku na.

San Juan 5:19

Saa ndi̱kaꞌan Jesús xiꞌin nda káchi ra saa: ―Ya ndaa káꞌan i xiꞌin ndo, ra kúu Seꞌe Ndioxi ta nda iin ñaꞌa küvi ikan mií ra, ndisaa ya xíni ra íkan Iva ra kua íkan ra. Ndiꞌi saa kivi kándixa ra ya káꞌan Iva ra xiꞌin ra.

Los Hechos 2:24

Sundi tá ndi̱xiꞌi ra ta köo ndi̱taxi Ndioxi ndoo ra ndikaa ra ndaꞌa ya ndíi, chi köo ichí ya ndíi kaꞌnda chiñu ya nuu ra.

Los Hechos 2:32

Ta vitin ndeꞌe ku testigo xaꞌa Jesús ya si̱taku Ndioxi ra tixin ñuꞌú.

Los Hechos 3:15

Ta xa̱ꞌni ndo taa ra vaꞌa ni, chi iin mituꞌun ra ikán ku ra táxi ichí ya kutaku yo. Sundi Ndioxi ta si̱taku ñaꞌa ra. Ndeꞌe ku testigo xaꞌa ra, xi̱ni nde ndi̱taku ra.

Los Hechos 3:26

Tá si̱taku Ndioxi Seꞌe ra ta xiꞌna nuu yo judío kua ti̱ꞌvi ñaꞌa ra ki̱xi ra ya ta̱xi ra ya vaꞌa ndaꞌa yo kutaku yo, ta saa ná ndiko koo ini iin iin ndo xaꞌa ya väꞌa íkan ndo, ta ná ndikundikun ndo Ndioxi ―káchi ra Pedro xiꞌin na.

Los Hechos 6:14

Saa xi̱ni soꞌo tu nde káꞌan ra xaꞌa Jesús ra ñuu Nazaret, ya sindiꞌi ra xaꞌa veꞌe ñuꞌu yo ya kaꞌnu, ta ndinama ra ichí yo ya si̱ndoo xií yo ra Moisés ndaꞌa yo, káchi ra ―ka̱chi nda xiꞌin na chiñu ikán.

ROMANOS 4:24

Chi káꞌan tu ya xaꞌa yoo va, yo kándixa Ndioxi, ra si̱taku Tata yo Jesús, ra chee nuu yo. Xaꞌa ya kándixa yo ra, ta nduu yo tá íin naꞌa, na köo ka kuachi kúu mií nuu Ndioxi.

ROMANOS 6:4

Saa chi Jesucristo ta ndi̱xiꞌi ra saa ndi̱nduxin ra. Ta saa mií yo tá chíchi yo ta tá íin yo xíꞌi ta ndúxin yo xiꞌin ra, saa íin yo. Tá kuꞌva si̱taku Iva yo Ndioxi Jesucristo xiꞌin ndee chee ni kúu mií ra, saa íyo ya i̱kan ra xiꞌin yo. Saa chi xaꞌa ya iin káchi ndi̱taku yo xiꞌin Jesucristo ta ndu̱u yo naꞌa na xa̱á, yakan xa síin koo yo, vívií ná koo yo nuu Ndioxi.

ROMANOS 8:11

Ndioxi ku ra si̱taku Jesús tá ndi̱xiꞌi ra. Ta suvi ni mií ra si̱taku Cristo Jesús ku ra taxi kutaku ndo. Saa taxi ra kutaku ikin kuñu ndo ya ndíꞌi xaꞌa. Tixin mií Tachi ra ya íyo xiꞌin ndo kua sitaku ra ndoꞌo̱.

1 Corintios 15:12

Ta ndeꞌe káꞌan ndoso nde xaꞌa Tata yo Jesucristo ya ndi̱taku ra, ta ¿ndachu káꞌan sava ndóꞌo̱ xaꞌa naꞌa, na xíꞌi, ya köo ndítaku ka na, káchi ndo?

Colosenses 2:12

Chi tá kivi chi̱chi ndo xaꞌa ya kándixa ndo Jesucristo, ta kúni kachi ya, tá íin ndo ndi̱nduxin xiꞌin ra saa íin ndo, ta ndi̱taku ndo xiꞌin ra xaꞌa ya ndáa ni ini ndo xíni ndo Ndioxi ya si̱taku ra Tata yo Jesucristo tá ndi̱xiꞌi ra.

1 Pedro 3:18

Saa chi saa kua ndo̱ꞌo tu mií va Tata yo Jesucristo xaꞌa yo, ndi̱xiꞌi ra xaꞌa kuachi yo, ta iindaa ichí ndo̱ꞌo ra ndi̱xiꞌi ra, ta küvi ka ra. Ra vaꞌa ni ndi̱xiyo ra, ta ndi̱xiꞌi ra xaꞌa ndiꞌi yo ivi kuachi ya kuchiñu kundaka ra yoo kuꞌun yo nuu Ndioxi. Tá ndi̱xiꞌi ra ta ndi̱ꞌi xaꞌa ikin kuñu ra, saa tá ndi̱taku ra xiꞌin ikin kuñu ra ya xa̱á küvi kuni yo.