San Juan 2:16 - Xochapa Mixteco

¹⁶ Ta na xíko sata ndi̱kaꞌan ra xiꞌin na, káchi ra saa: ―¡Tava ndo ri yóꞌó ná kana koo ri kuꞌun ri! ¡Ta ndäsa ndo veꞌe Iva i ndúu ya nuu yaꞌvi! ―káchi ra xiꞌin na.

San Juan 2:16 Iomraidhean Croise

San Mateo 21:12

Tá ndi̱xaa Jesús keꞌe yeꞌe veꞌe ñuꞌu kaꞌnu, saa xa̱á ra táva ndiꞌi ra na ndóo xíko xiꞌin na sáta, ya ná kana koo na kuꞌun na. Saa si̱nduva ra mesa na ndóo náma xuꞌun, xiꞌin tai na ndóo xíko sa̱ta̱.

San Mateo 21:13

Saa ndi̱kaꞌan ra xiꞌin ndiꞌi na, káchi ra saa: ―Soꞌva káchi tuꞌun Ndioxi ya ta̱a na xinaꞌa: “Veꞌe i ta kunani ya veꞌe nuu kuꞌun naꞌa kaꞌan na xiꞌin i”, káchi tuꞌun Ndioxi. Ta ndóꞌo̱ ta väꞌa íkan ndo, chi ndása ndo ya tá káa iin kava nuu ndíkitaꞌan na kuiꞌna, saa ndása ndo ya ―káchi Jesús xiꞌin na.

San Mateo 22:5

Ta na ka̱na ra kuꞌun, köo ndi̱xiin na kuꞌun na. Iin ra ke̱e kuaꞌan nuu ñuꞌú ra, inka ra kuaꞌan nuu xíko ra,

San Marcos 11:17

Saa xa̱á ra sínaꞌa ra na, káchi ra saa: ―Nuu tuꞌun Ndioxi káchi ya saa: “Veꞌe i ta kunani ya veꞌe nuu kaꞌan ndiꞌi kúu na ñuu ivi xiꞌin Ndioxi saa kunani ya”, káchi tuꞌun ra. Ta ndóꞌo̱, ta köo íkan ndo saa. Nda tá káa iin kava nuu ndíkitaꞌan na kuiꞌna saa íkan ndo xiꞌin ya ―káchi Jesús xiꞌin na.

San Lucas 2:49

Saa ndi̱kuiin ra, káchi ra saa: ―¿Nana, ndachu ndúku ni ndo yeꞌe? ¿Án su chiñu Iva i kua xíniñuꞌu ni i xaa súvi i? ―káchi ra xiꞌin na.

San Juan 10:29

Chi Iva i Ndioxi ku ra ta̱xi ri ndaꞌa i. Ta chee ni ra ikán nuu ndiꞌi na, ta nda iin na küchiñu kindaa ri ndaꞌa Iva i.

San Juan 2:15

Saa tá xi̱ni Jesús na, ta ti̱in ra yoꞌó. Ñaa ta̱va ndiꞌi ra na yeꞌe veꞌe ñuꞌu xiꞌin sindiki tin levo sana na. Ta na náma xuꞌun xa̱ta yava ra xuꞌun na, saa ka̱ta ndee ra mesa na nuu ñuꞌú.

San Juan 20:17

Saa ndi̱kaꞌan Jesús xiꞌin yá, káchi ra saa: ―Tïin un yeꞌe saa chi täꞌan ndiko koo i kuꞌun i nuu Iva i. Sundi vaꞌa kuꞌun un ndituꞌun un xiꞌin nda xi̱taꞌan xiꞌin i, ya ndiko koo i kuꞌun i nuu Iva i xiꞌin Iva ndóꞌo̱, Ndioxi mií i ku ra ta saa kúu tu ra Ndioxi ndóꞌo̱ va ―káchi Jesús xiꞌin yá.

San Juan 5:17

Ta ndi̱kaꞌan Jesús xiꞌin nda, káchi ra saa: ―Iva i ta ndiꞌi saa kivi xáa chiñu ra, ta saa tu yeꞌe va, ndiꞌi saa kivi xáa chiñu i ―káchi ra xiꞌin nda.

San Juan 8:49

Saa ndi̱kuiin ra káꞌan ra: ―Köo tachi nduvaꞌa kúu mií i. Iva i Ndioxi va ku ra xáa toꞌo i yakan kánaꞌa ndo xaꞌa i.

1 Timoteo 6:5

ndiꞌi saa ichí kánitaꞌan nda xiꞌin tuꞌun ya köo ndáa yaꞌvi. Chi köo ka vi ya xínituni nda, nda xa ndi̱yaꞌa vaꞌa ini va ku nda, köo xíni nda ya ndaa, köo íyo vaꞌa ka ini nda, xaꞌa ya ikán kua ku̱xika nda nuu ya ndaa. Saa ndíkani ini nda ya ndukuika ni nda xaꞌa ya ndíkun nda ichí Tata yo Jesucristo. Ta kütaꞌan un xiꞌin nda ñaa, vaꞌa kuxika un nuu nda.

2 Pedro 2:3

Chi nda ikán ta ya ndee ni kúni nda ku xuꞌun ndo xaꞌa ya sínaꞌa nda ndóꞌo̱ tuꞌun vata. Ta vaꞌa ná kundatun naꞌa nda chi xa ta̱xi Ndioxi kuachi xaꞌa nda, xa xinaꞌa vi íyo ya xaꞌa nda ta kama ni kuu saa xiꞌin nda, ni käku ka vi nda ndakua ndiꞌi xaꞌa nda ikan Ndioxi.