San Juan 2:11 - Xochapa Mixteco

¹¹ Yatuꞌun yóꞌó ku ya núnu̱ú i̱kan Jesús ñuu Caná, estado Galilea. Xaꞌa ya i̱kan ra ya yóꞌó ta si̱naꞌa ra naꞌa ya ndee ni ndee kúu mií ra. Ta ka̱ndixa ñaꞌa nda ítaꞌan xiꞌin ra.

San Juan 2:11 Iomraidhean Croise

San Juan 1:14

Ta Tuꞌun Ndioxi ikán, ndu̱u ya iin taa, tá íin mií yo saa ndu̱u ra, ta ndi̱xika ra xiꞌin nde ñuu ivi yóꞌó. Ta xi̱ni nde ya vaꞌa luvi ni kúu mií ra. Ta mií ya luvi ni kúu mií Ndioxi kua kúu mií ra, chi iindaa mií ra ku Seꞌe Ndioxi. Iin chútu ndaa ya vaꞌa, ya ndaa ini ra.

San Juan 1:17

Ta ley Ndioxi ta ndaꞌa xii sikua yo ra Moisés ta̱xi Ndioxi ya xa̱ꞌnda chiñu ya nuu yo. Sundi ya ndaa xiꞌin ya kúꞌvi ni ini Ndioxi xíni ra yoo ta tixin Jesucristo kua xa̱a ya nuu yo.

San Juan 1:43

Ta ndi̱tuvi inka kivi ku̱ni Jesús kuꞌun ra estado Galilea, ta saa ndi̱taꞌan ra, ra Felipe. Ta ndi̱kaꞌan ra xiꞌin ra, káchi ra saa: ―Naꞌa koꞌyo xiꞌin i ―káchi Jesús xiꞌin ra.

San Juan 1:50

Saa ndi̱kuiin Jesús, káꞌan ra: ―¿Án kándixa un yeꞌe chi ndi̱kaꞌan i xiꞌin un, xi̱ni i yóꞌo̱ xaꞌa itun higo? Ya ndee ka kuni un nuu ya xi̱ni un vitin ―káchi Jesús xiꞌin ra.

San Juan 10:41

Ta kuaꞌa ni naꞌa kuaꞌan nuu ra, ta káꞌan xiꞌin taꞌan na, káchi na saa: ―Ya ndixa kua ra Juan, ta nda iin yatuꞌun Ndioxi köo ndi̱kan ra, sundi ndiꞌi ya ndi̱kaꞌan ra xaꞌa ra yóꞌó, ta ya ndaa kua ―káchi na.

San Juan 11:15

Ta yeꞌe kúsini i xaꞌa ya köo i ndi̱xiyo ikán tá ndi̱xiꞌi ra. Chi ya ndo̱ꞌo ra ta ya vaꞌa xaꞌa ndóꞌo̱ kua, ya ná kandixa ndo yeꞌe. Ta vaꞌa ná koꞌo yo koto yo ra ―káchi Jesús xiꞌin nda.

San Juan 11:47

Saa ndi̱kitaꞌan nda fariseo xiꞌin nda sutu naꞌnu, nda ndóso nuu sutu nda xáꞌnda chiñu nuu na judío, káchi nda saa: ―¿Unkua ikan yo vitin? Ra yóꞌó ta yaꞌa ni kuaꞌa yatuꞌun íkan ra.

San Juan 12:18

Xaꞌa ya ikán kua kuaꞌa ni naꞌa ka̱na koo kuaꞌan na ndi̱kiꞌin ñaꞌa na, chi xi̱ni soꞌo na xaꞌa yatuꞌun i̱kan ra.

San Juan 12:37

Ni kuaꞌa ni yatuꞌun Ndioxi xi̱ni na judío íkan Jesús ta köo ndi̱xiin na kandixa ñaꞌa na.

San Juan 12:41

Soꞌva ndi̱kaꞌan ra Isaías xaꞌa Jesús xinaꞌa, chi xi̱ni xiꞌin nuu ra ya ndee ni vaꞌa luvi kúu mií Jesús.

San Juan 14:13

Ta ndiꞌi ya ndúku ndo nuu Iva i Ndioxi xiꞌin kivi i, ta xaa súvi i ya xiꞌin ndo. Xaꞌa ya ikan i xiꞌin ndo kua ndikunuu vaꞌa ni ya toꞌo Iva i Ndioxi tixin yeꞌe kúu Seꞌe ra.

San Juan 16:27

Saa chi Iva i ta kúꞌvi ni ini ra xíni ra ndóꞌo̱, saa chi kúꞌvi ni ini ndo xíni ndo yeꞌe, ta kándixa ndo yeꞌe ya ke̱e i nuu ra.

San Juan 16:30

Vitin kúndaa ini nde, xa xíni vaꞌa un xaꞌa ndiꞌi ñaꞌa, yakan köo xíniñuꞌu un ndakan tuꞌun na yóꞌo̱. Xaꞌa ya ñaa kua kándixa nde ya ti̱ꞌvi Ndioxi yóꞌo̱ vaxi un ñuu ivi yóꞌó ―káchi nda xiꞌin ra.

San Juan 2:1

Kivi uni ndi̱xiyo iin viko tíndaꞌa ñuu Caná, estado Galilea, ta ndi̱xaa tu siꞌí Jesús va íyo yá nuu viko ikán.

San Juan 2:23

Tá ndi̱xiyo Jesús ñuu Jerusalén kivi kána viko pascua, ta kuaꞌa ni yatuꞌun i̱kan ra, saa kuaꞌa ni naꞌa ka̱ndixa kivi ra xaꞌa ya xi̱ni na ñaꞌa íkan ra.

San Juan 3:2

Ta iin ñûu ke̱e ra ndi̱xaꞌan ra nuu Jesús káꞌan ra xiꞌin ra, káchi ra saa: ―Rabí, xíni nde yóꞌo̱ ku Maestro ra ti̱ꞌvi Ndioxi vaxi sinaꞌa un ndeꞌe ñuu ivi yóꞌó, saa chi nda iin naꞌa ta küchiñu na ikan na taꞌan ya íkan un tá tu köo Ndioxi íyo xiꞌin na ―káchi ra xiꞌin Jesús.

San Juan 4:3

Saa ke̱ta Jesús estado Judea ta ndiko koo tuku ra kuaꞌan ra chí estado Galilea.

San Juan 4:46

Ta saa ndi̱ko koo Jesús kuaꞌan ra ñuu Caná ya ndíkaa estado Galilea, nuu si̱kuaꞌa ra nduta tikuii ndu̱u rá vino. Ta íyo iin ra kúu mií chiñu ndee ni ñuu Capernaum ta ndee ni ndóꞌo seꞌe ra.

San Juan 4:54

Ya yóꞌó ku yatuꞌun, ya uvi i̱kan Jesús, tá ndi̱ko koo ra ndi̱xaa estado Galilea tá sindiꞌi ndi̱xika ra estado Judea.

San Juan 5:23

chi kúni Ndioxi ya ná xaa toꞌo ndiꞌi na Seꞌe ra, tá kuꞌva xáa toꞌo na mií ra, saa ná xaa toꞌo na Seꞌe ra. Saa chi ndiꞌi na köo xíin xaa toꞌo Seꞌe ra, ta kúni kachi ya köo xáa toꞌo na Iva ra, ra ti̱ꞌvi ra vaxi.

San Juan 6:14

Saa tá xi̱ni na ikán yatuꞌun i̱kan Jesús, ta ndi̱kaꞌan na, káchi na saa: ―Ndixa ra yóꞌó ku ra káꞌan ndoso tuꞌun yuꞌu Ndioxi, mií ra chee ni, ra ndátun yo xaa ñuu ivi yóꞌó ku ra ―káchi na.

San Juan 6:2

Ta iin táꞌnda chee naꞌa ndíkun kuaꞌan xiꞌin ra, chi xi̱ni na yatuꞌun Ndioxi íkan ra, síndaꞌa ra na ndee ni ndóꞌo.

San Juan 6:26

Saa ndi̱kaꞌan ra xiꞌin na, káchi ra saa: ―Ya ndixa kua ndúku ndo yeꞌe, ta süvi xaꞌa ya xi̱ni ndo seña ya i̱kan i nuu ndo kua ndúku ndo yeꞌe, chi xaꞌa ya ta̱xi i xi̱xi ndo ndakua ndi̱xaa ini va ndo kua ndúku ndo yeꞌe.

San Juan 6:30

Saa ndi̱kaꞌan na xiꞌin ra, káchi na saa: ―¿Unkua ku seña yatuꞌun sinaꞌa un nuu nde, ya koo seña kuni nde, ta saa kandixa nde yóꞌo̱? ¿Unkua íkan un?

San Juan 7:31

Ta kuaꞌa ni na ka̱ndixa ñaꞌa, saa káꞌan na, káchi na saa: ―Ya ndixa kua kúu ra yóꞌó ra Cristo, chi kuaꞌa ni ya vaꞌa, yatuꞌun chee ni íkan ra. Tá ná kixi inka ra ta ¿án ikan ra tá kuꞌva íkan ra yóꞌó? ―káchi na xaꞌa Jesús.

San Juan 9:16

Saa ndi̱kuiin sava nda fariseo káꞌan nda, káchi nda saa: ―Taa, ra i̱kan saa xiꞌin un, ta süvi nuu Ndioxi ndi̱kee ra, chi köo ndi̱xaa súvi ra kivi i̱í ya ndíkundee yo ―káchi nda xiꞌin ra. Ta sava na káꞌan: ―¿Ndachu vaꞌa íkan ra yatuꞌun, tá tu ra íyo kuachi ku ra? ―káchi na. Iin ndi̱saka soꞌva ini nda.

2 Corintios 3:18

Yakan kua tá kúu ndiꞌi yo kándixa Tata yo Jesucristo, ta köo ndási ka nuu yo, vaꞌa xíto teꞌe yo, yakan kua tá íin yu̱ú tatan saa íin yo chi sínaꞌa teꞌe yo ya luvi ni íkan ra xiꞌin ya ndee ni luvi kúu mií ra. Ta saa kua ndúu yo tá kuꞌva káa mií Tata yo Jesucristo. Ta ya ndínama yo iin iin kivi ta mií Tata yo Jesucristo ra kúu Tachi ku ra íkan saa xiꞌin yo.

2 Corintios 4:17

Chi tindoꞌo ya ndee ni ndóꞌo nde vitin tíxuvi nde, ta ni süvi ya ndee ni kua, ya yáꞌa va kua, ni köo ítaꞌan ya xiꞌin ñaꞌa ya ndee ni luvi táxi Ndioxi ndaꞌa nde níꞌi nde nuu ra, ta ya táxi ra ndaꞌa nde ta köo ndíꞌi xaꞌa nda iin ichí.

2 Corintios 4:6

Saa chi suvi mií Ndioxi ku ra xa̱ꞌnda chiñu ya ndi̱yeꞌe ñu̱ꞌu̱ yéꞌe̱ nuu naá. Ta suvi mií ra ku ra si̱ndiyeꞌe ya nima yo ya ku̱chiñu yo ndi̱xuna ya xínituni yo, saa kua kuni yo ya luvi ni ndi̱yeꞌe ya kúu mií Ndioxi, ya ndi̱yeꞌe ya nuu Jesucristo.

1 Juan 5:13

Táa i tutu yóꞌó xaa nuu ndiꞌi ndóꞌo̱ na kándixa Jesús ra kúu Seꞌe Ndioxi. Táa i ya xaa nuu ndo ya ná kundaa ini ndo ya koo ndo xiꞌin Ndioxi ndiꞌi saa tiempo ya vaxi, saa táa i ya nuu ndo ya ná kandixa ni ndo tixin kivi ra.