San Juan 19:6 - Xochapa Mixteco

⁶ Tá xi̱ni nda naꞌnu nuu sutu xiꞌin na policía ikán, ta saa ndi̱ndaꞌi koꞌo na, káchi na saa: ―¡Chinuu ra nuu cruzin, chinuu ra nuu cruzin! ―káchi nda xiꞌin ra Pilato. Saa ndi̱kaꞌan ra Pilato xiꞌin na, káchi ra saa: ―Ndikiꞌin ndo ra, ta chinuu mií ndo ra nuu cruzin, chi yeꞌe ta köo kuachi ra ndi̱niꞌi i ―káchi ra.

San Juan 19:6 Iomraidhean Croise

San Mateo 26:58

Saa ndi̱kundikun xika ra Pedro sata na kuaꞌan ra, ndi̱xaa ra keꞌe yeꞌe veꞌe mií ra sutu kaꞌnu ikán. Ndi̱xaa ra ndi̱kunduꞌu ra xiꞌin nda policía koto ra unkua kundoꞌo Jesús.

San Mateo 27:22

Saa ndi̱kaꞌan tuku ra xiꞌin na, káchi ra saa: ―Ta ¿unkua ikan i xiꞌin ra, káꞌan ndo xiꞌin Cristo? ―káchi ra xiꞌin na. Saa ndi̱kuiin ndiꞌi na, káꞌan na: ―¡Chinuu ra ndaꞌa cruzin! ¡Ná kuvi ra! ―káchi na, iin káchi ndi̱kaꞌan ndiꞌi na.

San Mateo 27:24

Saa xi̱ni ra Pilato ya köo xíni soꞌo na ya káꞌan ra, ñaa xa̱á ndi̱siso vaꞌa ka na. Ñaa xa̱ꞌnda ra chiñu taxi na tikuii ndaꞌa ra. Saa ndi̱kata ra ndaꞌa ra nuu ndiꞌi na, káchi ra saa: ―Köo ndíso i kuachi xaꞌa ra yóꞌó, ra vaꞌa ku ra, ta koto ka mií ndo xiꞌin ra ―káchi ra xiꞌin na.

San Lucas 23:4

Saa ndi̱kaꞌan ra Pilato xiꞌin sutu naꞌnu nuu na veꞌe ñuꞌu tin naꞌa na chútu ndaa ikán, káchi ra saa: ―Nda iin kuachi ra yóꞌó köo níꞌi i ―káchi ra xiꞌin na.

San Juan 18:3

Saa ndi̱xaa ra Judas xiꞌin iin tiꞌvi nda lapa, ta ndi̱xaa tu nda policía nda ndáa veꞌe ñuꞌu kaꞌnu va, ta nda sutu naꞌnu veꞌe ñuꞌu xiꞌin nda naꞌnu nuu nda fariseo, ku nda ti̱ꞌvi nda ikán, ndíso nda ñu̱ꞌu̱ xíxi saa túun nda ñu̱ꞌu̱ xiꞌin itin ta ndíso tu nda i̱chi va ndi̱xaa nda.

San Juan 18:31

Saa ndi̱kaꞌan ra Pilato xiꞌin nda, káchi ra saa: ―Kundaka ndo ra kuꞌun ra xiꞌin ndo, ta vaꞌa xaa nduvaꞌa mií ndo xiꞌin ra, xaꞌa kuꞌva káꞌan ley mií ndo ―káchi ra xiꞌin nda. Saa ndi̱kuiin nda naꞌnu nuu na judío, káchi nda saa: ―Ndeꞌe ta köo ichí ndaꞌa nde ya kaꞌni nde nda iin naꞌa ―káchi nda xiꞌin ra Pilato.

San Juan 18:38

Saa ndi̱kaꞌan ra Pilato kúsiki ndaa ñaꞌa ra, káchi ra saa: ―¿Ta ndá ñaꞌa ya ku ya ndaa, túvi un? ―káchi ra. Saa ke̱ta tuku ra Pilato ndi̱kaꞌan ra xiꞌin nda chiñu ikán, káchi ra saa: ―Köo níꞌi i nda iin kuachi ra yóꞌó ya káꞌan xaꞌa ra kuvi ra.

San Juan 19:15

Saa ndee ni ndikuiin na, káchi na saa: ―¡Ná kuvi ra! ¡Ná kuvi ra! ¡Chinuu ndo ra nuu cruzin! ―káchi na. Saa ndi̱kaꞌan ra Pilato xiꞌin na, káchi ra saa: ―¿Án kúni ndo ya chinuu i rey ndo nuu cruzin? ―káchi ra xiꞌin na. Saa ndi̱kuiin nda naꞌnu nuu sutu, káchi nda saa: ―¡Köo ka inka rey kúu mií nde, iindaa ra rey César ku rey nuu nde! ―káchi nda.

San Juan 19:4

Saa ke̱ta tuku ra Pilato ndi̱kaꞌan ra xiꞌin nda judío, káchi ra saa: ―Koto ndo, yóꞌó ndáka tuku i ra vaxi ra xiꞌin i keꞌe yóꞌó, ya ná kundaa ini ndo nda iin kuachi ra köo ndi̱taꞌan i ―káchi ra.

Los Hechos 2:23

Sundi tá ti̱in ndo Jesús ta xa xíni va Ndioxi unkua kundoꞌo ra, chi tá íyo ya chi̱tuni Ndioxi, saa íyo ndiꞌi ya ndo̱ꞌo ra. Ta ndóꞌo̱ xa̱ꞌni ndo ra chi ta̱xi ndo ra ndaꞌa naꞌa na väꞌa, ta̱xi ndo xa̱ꞌni ñaꞌa na Roma. Saa ndi̱xiyo yuꞌu ndo xiꞌin na, chi̱nuu na ra nuu itun cruzin ta ikán ndi̱xiꞌi ra.

Los Hechos 7:52

Saa chi xii sikua ndo ku na xa̱a nduvaꞌa ni xiꞌin nda ndi̱kaꞌan ndoso tuꞌun yuꞌu Ndioxi xinaꞌa, nda ndi̱tuꞌun xaꞌa taa ra xa íyo tuꞌun xaꞌa kixi. Ta ra ikán ku ra ti̱in ndo ndi̱taxi ndo ra ndaꞌa na sáa ini xíni ñaꞌa ta xa̱ꞌni na ra.