San Juan 19:41 - Xochapa Mixteco

⁴¹ Ta ñaꞌñu nuu xi̱nuu ikin kuñu Jesús nuu cruzin, íyo ni itun kuiꞌi ta ikán íyo iin kava ya xa̱á, nuu täꞌan nduxin nda iin na.

San Juan 19:41 Iomraidhean Croise

San Mateo 27:60

Ñaa ndi̱xaꞌan ra chi̱kaa ra ikin kuñu Jesús ini kava xa̱á, ya sikan si̱kuaꞌa ra. Ta saa si̱kutuvi ra yu̱ú yati yuꞌu kava ikán ta xiꞌin ya ikán ndi̱kasi ra yeꞌe ya, saa ke̱e ra kuanuꞌu ra.

San Lucas 23:53

Ñaa ndi̱xaꞌan ra si̱nuu ra ikin kuñu Jesús, xa̱a vií ra xiꞌin ya, su̱vi ra ya xiꞌin iin toto vaꞌa. Saa ndi̱xaꞌan ra chi̱kaa ra ya tixin iin kava nuu xa núna ta täꞌan nduxin nda iin naꞌa.

San Juan 19:42

Ikán si̱nduxin na Jesús, saa chi ndee ni kúu xáa súvi na kivi i̱í viko pascua, ya ndíkundee na judío, ta xaꞌa ya yati íyo kava ikán yakan ndi̱xaꞌan nda si̱nduxin nda Jesús.

San Juan 20:15

Saa ndi̱kaꞌan Jesús xiꞌin yá, káchi ra saa: ―Nana, ¿ndachu xáku un? ¿Ta unku na ndúku un? ―káchi ra xiꞌin yá. Ta án ra ndáa itun kuiꞌi ikán va ku ra káꞌán yá, saa ndi̱kaꞌan yá xiꞌin ra, káchi yá saa: ―Tata, tá tu yóꞌo̱ ndi̱kiꞌin ikin kuñu ra kuaꞌan xiꞌin un, ta kaꞌan xiꞌin i míí ndi̱xaꞌan un chi̱kaa un ya, ta kuꞌun i ndikiꞌin i ya sinduxin i ―káchi yá xiꞌin ra.