San Juan 19:18 - Xochapa Mixteco

¹⁸ Ta ikán chi̱nuu nda Jesús nuu cruzin, ta saa ti̱so tu nda uvi nda kuiꞌna nuu cruzin, iin nu iin nda ndóso nda nuu, ta maꞌñu nda ndíchi cruzin nuu ínuu Jesús.

San Juan 19:18 Iomraidhean Croise

San Mateo 27:44

Tá káꞌan nda ikán xiꞌin Jesús, saa káꞌan tu nda kuiꞌna ndóso ñaꞌñu xiín Jesús va xiꞌin ra.

San Juan 18:32

Ndi̱kaꞌan nda saa nuu ndi̱xinu ya xa ndi̱kaꞌan Jesús yachi, ndá kuꞌva kua kundoꞌo ra kuvi ra.

San Juan 19:32

Saa ke̱e nda lapa ndi̱xaꞌan nda ndi̱xaꞌnu nda siꞌin nda ikán, ta xiꞌna iin ra ínuu xiín Jesús ndi̱xaꞌnu nda siꞌin, saa ndi̱xaꞌnu nda siꞌin inka ra.

Los Hechos 2:23

Sundi tá ti̱in ndo Jesús ta xa xíni va Ndioxi unkua kundoꞌo ra, chi tá íyo ya chi̱tuni Ndioxi, saa íyo ndiꞌi ya ndo̱ꞌo ra. Ta ndóꞌo̱ xa̱ꞌni ndo ra chi ta̱xi ndo ra ndaꞌa naꞌa na väꞌa, ta̱xi ndo xa̱ꞌni ñaꞌa na Roma. Saa ndi̱xiyo yuꞌu ndo xiꞌin na, chi̱nuu na ra nuu itun cruzin ta ikán ndi̱xiꞌi ra.

Gálatas 3:13

Chi Cristo ku ra cha̱ꞌvi xaꞌa yo nuu chiꞌña ya ta̱xi ley ya ta̱a Moisés ndaꞌa yo, chi köo ndi̱kuchiñu yo sixinu yo ya káꞌan ley ikán. Xaꞌa ya ikán kua cha̱ꞌvi Jesucristo xaꞌa yo chi ndi̱xaꞌa ndee ini ra si̱kuiso ra chiꞌña xiꞌin mií ra, saa ku̱chiñu ra ki̱ndaa ra chiꞌña sata yo. Chi saa káꞌan mií tuꞌun Ndioxi, káchi ya saa: “Ndiꞌi naꞌa, na tíkaa ikin kuñu nuu itun cruzin, ta na ndíso chiꞌña ku na”, káchi ya.

HEBREOS 12:2

Ta iindaa mituꞌun xaꞌa Tata yo Jesucristo kua ná kundiꞌi ni ini yo, saa chi mií ra ku ra sínaꞌa yoo ndá kuꞌva kua kundaa ni ini yo kuni yo Ndioxi, saa tu iindaa mituꞌun mií ra ku ra chíndee yoo, ndása vaꞌa ra kuꞌva ndáa ni ini yo xíni yo Ndioxi. Ta saa ndi̱xaꞌa ndee ndiꞌi ini ra ndoꞌo ni ra nuu cruzin, ta köo ndi̱kiꞌin ra kuenta xaꞌa ya kúkaꞌan nuu ra, chi kúndaa ini ra tá si̱ndiꞌi ndo̱ꞌo ra saa ta kusini ni ra. Ta vitin ndi̱kunduꞌu ra ñaꞌñu kuáꞌá Ndioxi xáꞌnda chiñu ra xiꞌin Ndioxi.