San Juan 18:8 - Xochapa Mixteco

⁸ Saa ndi̱kuiin Jesús, káꞌan ra: ―Xa ndi̱kaꞌan i xiꞌin ndo: “Yeꞌe ku i”, káchi i xiꞌin ndo. Tá tu yeꞌe ndúku ndo, ta vaꞌa taxi ndo ná kuꞌun nda yóꞌó ―káchi ra xiꞌin nda.

San Juan 18:8 Iomraidhean Croise

San Mateo 26:56

Ta ndiꞌi ya yóꞌó ndóꞌo i vitin, saa sixinu i ya ta̱a nda profeta xaꞌa i xinaꞌa ―káchi Jesús xiꞌin nda. Saa si̱ndoo ñaꞌa ndiꞌi nda ítaꞌan xiꞌin ra, ta xi̱nu ndiꞌi nda kuaꞌan nda.

San Juan 10:28

Ta yeꞌe taxi i kutaku ri ndiꞌi saa tiempo, nda iin ichí ndïꞌi xaꞌa ri, ta ni naꞌa ta nda iin na küchiñu kindaa ri ndaꞌa i.

San Juan 13:1

Yachi tixin viko pascua. Ta xa ku̱ndaa ini Jesús ya ti̱ndaa hora sindoo ra ñuu ivi yóꞌó, ta ndiko koo ra kuꞌun ra nuu Iva ra. Ta ndiꞌi saa ichí ku̱ꞌvi ni ini ra xi̱ni ra nda ítaꞌan xiꞌin ra ñuu ivi yóꞌó, ta saa si̱naꞌa ra mií ra nuu nda ya ndixa ni kúꞌvi ini ra xi̱ni ñaꞌa ra nda kivi sindiꞌi.

San Juan 13:36

Saa ndi̱kaꞌan ra Simón Pedro xiꞌin Jesús, káchi ra saa: ―Tata, ¿míí chí kuꞌun un? ―káchi ra xiꞌin ra. Saa ndi̱kuiin Jesús ndi̱kaꞌan ra, káchi ra saa: ―Nuu kuꞌun i ta küvi kuꞌun un xiꞌin i vitin, sindiꞌi saa kuchiñu un kuꞌun un nuu kuꞌun i ―káchi Jesús xiꞌin ra.

San Juan 16:32

Ta kama ni tindaa hora, siloꞌo ni kúmani ta kuita niꞌnu ndiꞌi ndo kuꞌun ndo, ta sindoo ndaꞌa ndo yeꞌe. Sundi yeꞌe ta köo íyo mií i, chi Iva i ta íyo ra xiꞌin i.

San Juan 18:7

Saa ndi̱kaꞌan tuku Jesús xiꞌin nda, káchi ra saa: ―¿Unku na ndúku ndo? ―káchi ra xiꞌin nda. Saa ndi̱kuiin nda káꞌan nda: ―Ra Jesús ke̱e ñuu Nazaret ku ra ndúku nde ―káchi nda.

San Juan 18:9

Ndi̱kaꞌan Jesús saa nuu xa̱a súvi ra ya ndi̱kaꞌan ra káchi ra saa: “Nda ta̱xi un ndaꞌa i, ta nda iin nda köo ndi̱sindañuꞌu i”, káchi Jesús xiꞌin Ndioxi tá yachi.

1 Corintios 10:13

Chi taꞌan tindoꞌo̱ ya ndóꞌo ndóꞌo̱ ku ya ndóꞌo ndiꞌi ni kúu va naꞌa. Sundi Ndioxi ta vaꞌa ni va ra chi síxinu ndiꞌi ra ya káꞌan ra, ta saa ikan ra xiꞌin ndo chindee ra ndóꞌo̱ yaꞌa ndo nuu ndiꞌi tindoꞌo ya ndee ni vaxi nuu ndo, ta täxi ra kixi tindoꞌo ndee ni nuu ndo ya küchiñu ndo xiꞌin, sinaꞌa ra ndóꞌo̱ ndá kuꞌva yaꞌa ndo nuu ndiꞌi ya.

2 Corintios 12:9

Saa ndi̱kaꞌan ra xiꞌin i, káchi ra saa: “Vaꞌa ná kusini ni un, chi köo xíniñuꞌu un ya ñaa, ya kúꞌvi ni ini i xíni yóꞌo̱ kua xíniñuꞌu ni un, saa chi tá ndóꞌo un saa, ta saa kua ndúndee ka un xiꞌin ndee i ya ta̱xi i ndaꞌa un íyo xiꞌin un”, káchi ra xiꞌin i. Yakan vitin ta kúsini ni va i tá kúvita ni ini i, chi saa kua xíni i ya íyo ndee Tata yo Jesucristo xiꞌin i.

Efesios 5:25

Saa ndóꞌo̱ taa, nda íyo yá síꞌi, vaꞌa kuꞌvi ni ini ndo kuni ndo yá síꞌi ndo, tá kuꞌva kúꞌvi ni ini Cristo xíni ra yoo veꞌe ñuꞌu, ta nda ndi̱taxi ra mií ra ya ndi̱xiꞌi ra xaꞌa yo.

1 Pedro 5:7

Ta nditaxi ndiꞌi ndo tindoꞌo ya síndiꞌi ini ndo ndaꞌa ra, saa chi mií ra ku ra ndáa ndóꞌo̱.